Rommi 11:20 - Sümi Tiqhelimi Bible

²⁰ Tiye kuchou ke. Ikemu panongu ye pülü müla keu ghenguno icheiqive ke, eno nongu ye aküpülü vechewo puthugho anie. Akuchhoma shi kevilo, ikemu msà khokhoshi alo.

BAIBEL (BSI)

²⁰ Tiye kuchoue. Panonguno icheiqivekeuye pulumo keghenguno ikemu nono tishilu kehu akupulu likhi vechewono ke. Ikehu qheza akepu kumono ighuqhiyi akepue.

Sumi Naga CL (Re-edited) Bible (BSI)

²⁰ Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.

Rommi 11:20 ပူးပေါင်းရင်းမြစ်များ

Luke 18:14

“I no nongu vilo pìní, Phariseemi hu no kumo no zame küqhau no Alhou lau achipikaluve no aki lo wovae. Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”

Apostolmi 18:6

Ikemu kughou Jewmi no pa lachile eno pipütha keno, Paul no alomishi pa phimini kuthó pìye püzü panoqo vilo ishi pi, “Nongu kithí ye nolikhi nongu makho ke! Tiye I makho kumoe! Hinguno hilau ni ye Jewkumomiqo lau wuni ae.”

Rommi 11:18

Tighenguno nongu ye aloka icheiqive keu nguno shoqau kepi kümsü kevilo. Tsalá nongu no tishi kümsü aye, hi ithilu lo: Aloka no akuhu kuphu chemoe, ikemu akuhu no aloka kuphu cheni. Nongu ye aloka toi ke.

Rommi 11:21

Kughengu Alhou no hi alho lono acheghi keu loka Israel thotsü ghümove aye, pa ye nongu ghí qhimove nani.

Rommi 12:16

Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

Rommi 12:3

Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

Rommi 3:3

Ike panongu khami no pükhübe müla kepu shive aye kishini kea? Panongu pükhübe kümla no Alhou’w pükhübekulu shipühaluve nani keshea?

1 Kor. 10:12

Ike nono no ye ithamo no puthugho ani kepi kümsü aghí aye, no ye veqhimo kepu shi kutokupui lo.

1 Kor. 15:1

Athiküzümi eno achelimiqo, itehi ni ye nongu lau I no atsakiviu kütsü keu, khikhi nongu no ikhilu eno tipau shou puthugholuva keno, tipau nongu lau pikithe nishi ani.

1 Kor. 16:13

O likhi O khekuto alo: aküpülü lo mutotoi puthugho lo; amlo kumto shilo; akumto shilo.

2 Kor. 1:24

Ningu no nongu küpülü shou ampeu ke kumoe, ikemu ningu ye nongu lokivipu ghenguno nongu gholo mülà küqha acheni, kughengu nongu no aküpülü vechewo ithamo no puthugho acheni ke.

2 Kor. 10:5

Ningu no akikigheqo eno Alhou kighithi mujo niye keghilikishi shi pesü akeu jeli kümtsü hexave cheni, eno ningu no akükümsü kümtsü tshüsawo Khristo lau aghokulu shiluve pe cheni.

FILIPIAMI 2:12

Tighenguno, I no kimiye chekemi shompamiqo, I no akelo nguno alau no I no küha kelo nongu no alhokuthu aghokulu shi acheke toi msà khokhoshi nonguw xakulu xathi pìyelo,

Kolosiami 2:7

Pa gholo nongu kuhu qüsülo eno nongu küxü shiqhepuku chelo, eno nongu kütsü pìyeve ketoi aküpülü lo akumto shilo eno shikimthi keu no qochili alo.

2 Thes. 2:4

Pa no Alhou ipikeu jeli momu mülá chekeu thime jeli kümtsü lachile eno pa likhi pa pesü thime kümtsü shou süqhe nani. Pa no Alhou chineki lo iqave püzü pa likhi pa pesü Alhou ke ipi piwuve nani.

1 Tim. 6:17

Ayeghi hipau lo khunoqo no kinikülü shi ani keno panongu vilo akuchhoma shimo nikeu momu akiní khikhi pükhübelu chemo keno tipau shou panonguw lajupu qhimo no Alhou khuu no ningu lokiqipu ghenguno kinikulu shi ningu tsü cheni keno pa shou lajupu qhi penike azah tsülo.

IBRIMI 3:12

Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

IBRIMI 3:19

Ike ningu no ithulu keu ye panongu pülükümla ghenguno panongu ye ilomlave ke.

IBRIMI 4:11

Khiu pelomu panongu ghokulu kumo kiche-kipiye pape keu vechewo pühave pemo niye ke, tishianguno ningu ye akulhokiqhi-a tipau lo ilo nike thowkha lo pükapütsa ani nolo.

IBRIMI 4:6

Khami ghengu ye itehi kutólo akulhokiqhi-a tipau lo ilo niye ngo aphike, eno püzüu khunoqo atsakiviu chilu kemu panongu hekibide ghenguno akulhokiqhi-a lo ilomlave keno tipaqo ghenguno,

James 2:19

Nongu no Alhou lakhi ani kepi pülü cheni. Aloe! Tüghaküsaqo kutólo tipau pülü chenie—eno msàkhokhoi chenie.

James 4:6

Ikemu pa no küpükini alau ningu tsü cheni. Tighenguno Kuchoyesü lo ishi pipüani: “Alhou no aqheküzami lachile cheni ikemu aqhokighemi kimiye tsü cheni.”

1 Peter 1:17

Kughengu nongu no Apù khuu agi jumo no timi lakhi-khi shou xatha chekeu ku keu ghenguno, nongu no hilehi ake dolo inamiqo toi agigihu sükümsa lono xülo.

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

1 Peter 5:9

Pa mjochile lo, aküpülü lo ithamo no puthugho lo, kughengu ayeghiqha kuchopu lo athiküzümi eno achelimi küpülümi kümtsü no hitoi keu ghimeqo puju-shiju ani kepi nongu no ithi anike.

Piyeküsü 18:7

Li no ajekipi eno nibonilei shi xü keu toi aghime eno amlokighishi tijehi li tsülo. Li ye li mlo lo aqheküza shi ishi pi cheni, ‘Ni ye akükaliu toi aküka lakhü lo iqa ani. Ni ye chimemi lakhi kumoe; Ni ye khilemu mloqamo nani.’

Piyeküsü 3:17

Nono, ‘Ni ye kiními ke; Ni ye aküakini kutomo pekütsüluvae eno thime lakhimu avehupu shi amoe,’ ipi cheni. Ikemu no ye ahaküsapu, kimiye kepu, athokhami, anhethi kighichemi, aphikümsa ngo ani kepi no ye mtha no anie.