Rommi 10:19 - Sümi Tiqhelimi Bible

¹⁹ Itaghi I no hi iniju ani: Israelmiqo ye kuchou no vethamlave keshea? Vethalu thono, kughengu Moses ghuloki lo Alhou no ishi pi, “Khunoqo no shiye kuchou kumo keno I no nongu pelo tipaqo ju pesü anheshu pe nani; I no vethakulu küha keu shiye lakhi pelo nongu mlo shikighide tsüpe nani.”

BAIBEL (BSI)

¹⁹ Itaghi ino hi iniju ani, Israilmiye mthavekesha? Atughushi Muse no pikeuno, “Ino nongu pelo khunoqomino ashiayeh kuchou kumokeno tipaqo jupesu anheshu peniu; Mbomzumi shiayeh lakhi pesu ino nongu xupukani.”

Sumi Naga CL (Re-edited) Bible (BSI)

¹⁹ Ikemu I no itaghi ighiju ani, Israelmi ye vethamlave keshea? Moses no atüghüshi pi, “I no nongu pelo ameküküha shiye jupe anheshu peni; mbomzü shiye lakhi pesü nongu gha shikighide tsüni.”

Rommi 10:19 ပူးပေါင်းရင်းမြစ်များ

Rommi 10:18

Ikemu I no hi iniju ani: Israelmiqo ye kuchou no akükütsü sütsa chilumo keshea? Panongu ye chilu thono: “Panongu sütsa ye ayeghiqha kümtsü lo wuvae, panongu tsaqo ye ayeghi shekha kutólo wuvae.”

Rommi 11:11

Itaghi I no iniju: Israelmiqo ye athoputho müla kepu shi veqhive keshea? Khilemu tishimoe! Ikemu panonguw hekibide ghenguno Israel pelo anheshu peniye xakulu ye Jewkumomiqo lau ighivae.

Rommi 3:26

Pa no tishi keu vechewo achipiu shilu pe eno khunoqo no Jisü shou aküpülü ani keno panoqo pelo achipikalu peniye ke.

1 Kor. 1:12

Ike I no piakeu ye hike: Nongu dolo khami no, “Ni ye Paul papemi ke”; kütami no, “Ni ye Apollos papemi ke”; khami no, “Ni ye Peter papemi ke”; itaghi khami no, “Ni ye Khristo papemi ke,” ipi akhani ke.

1 Kor. 10:19

Tishiaye ni ye kiu piani kea? Achuqu pesü ajulho lhou lau aghakishi shi müláve keu lo kiuala akiqi ani keshea, momu ajulho lhou ye kiuala akhotou shiva keshea?

1 Kor. 11:22

Nongu ye chu-sho nike ghenguno pütüta ki küha keshea? Ikeo nongu ye kiumu küha kemi thogha keu vechewo Alhou kukuhou thaigha ani kea? Ni ye nongu vilo kiu pìní kea? Ni ye nongu sheqhelo pi keshea? Hipau vehu lo khilemu tishimlae!

1 Kor. 12:2

Nongu no ithi akeu no nongu no Jewkumomi shi ache kelo kishikela shi püzü nongu sasü atsa pimla keu julho lhouqo lau saküghüzü sawuve pe cheke.

1 Kor. 15:50

Athiküzümi eno achelimiqo, I no nongu lau asheshu ani, ashi eno ajì ye Alhou kükaphu ighi müla nani, momu tsümave nikeu ye tsümave müla nikeu ighí mülae.

1 Kor. 7:29

Athiküzümi eno achelimiqo, I no piakeu kiqi ye hike; ado aghuloki ye ikhonheivae. Ikehu hinguno hilau ye khunoqo no akibo shivea keno pano kibo lo likhi kümsü pesü xü kepu kumoe;

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

1 Peter 2:10

Ghuthu lakhi lo nongu ye Alhou’w timiqo kumo ke, ikemu itehi nongu ye Alhou’w timiqo shivea; ghuthu lakhi lo ye nongu ye kimiyekini ithumla no ake, ikemu itehi nongu ye kimiyekini ithuluvae.