Rommi 1:8 - Sümi Tiqhelimi Bible

⁸ Atüghishi I no nongu kümtsü ghenguno Jisü Khristo vechewo I Lhou shikimthi ani, kughengu ayeghiqha kuchopu lo nongu küpülü ghili kügha ani.

BAIBEL (BSI)

⁸ Atughushi nongu ghenguno Jisu Khristo vechewo iLhou shikimthi ani, kughengu ayeghiqha kumtsulo nongu kupulu ghili chilu ani.

Sumi Naga CL (Re-edited) Bible (BSI)

⁸ Atüghüshi, nongu kümtsü ghenguno I no Jisü Khristo vecheo I Pu Alhou shikimthi ani, kughengu ayeghiqha kümtsü lo nongu küpülü ghili kügha anike.

Rommi 1:8 ပူးပေါင်းရင်းမြစ်များ

MATTHEW 24:14

Eno Alhou kükaphu tsakiviu hipau no thopi lakhi shi ayeghiqha kümtsü lau kütsüwu nani, eno tithiu no ashekha tsalà ighi nani.

Luke 2:1

Tipa ghuloki lo Rome yeghiqha kümtsü lo timi lhoxü kihikütsü penike Caesar Augustus no azah lakhi tsüe.

Apostolmi 11:28

Ike panoqo gholo timi lakhi Agabus ipikeu no puthugho püzü Aghungu vechewo püqümiye kijè lakhi Rome yeghiqha kümtsü shou ighi nani ipi kütüghü tsüe. (Hiye Claudius no akükau shi ake ghuloki lono shikupuve.)

Apostolmi 28:22

Ikemu ningu ye O kükümsü ithinishi ani, kughengu ningu no ithi akeu no aqha kümtsü lo timiqo ye achineye mqo hipau lachile keu tsa piakhani ke.”

Rommi 10:18

Ikemu I no hi iniju ani: Israelmiqo ye kuchou no akükütsü sütsa chilumo keshea? Panongu ye chilu thono: “Panongu sütsa ye ayeghiqha kümtsü lo wuvae, panongu tsaqo ye ayeghi shekha kutólo wuvae.”

Rommi 16:19

Nongu no Alhou ghokulu shiluve keu ghili timi kümtsü no chiluvae eno hi ghenguno ni ye alovishe ani; ikemu ni ye nongu pelo kiu no akivi keno tipau lo alokütsü shi eno kiu no küsakügha keno tipau lo kumu mtha kemi shipe nishi ani.

Rommi 6:17

Ikemu Alhou shikimthi ani, kughengu nongu no axiné qüaxemiqo shi ache namu nongu ye nongu mlo lono ipeghino akükütsü jeli apasü shi nongu tsü keqo ikhilu no tipau ghokulu shiluvea ke.

1 Kor. 1:4

Khristo Jisü vechewo küpükini nongu tsü keu ghenguno ni ye alhokuthu I Lhou shikimthi acheni.

2 Kor. 2:14

Ikemu Alhou shikimthi ani, pa no ningu pesü pa kughumi shive tsü no alhokuthu ningu sasü Khristo no aghü tolu keu shekujo lo sawu cheni, eno aqha kümtsü Khristo ithilu penike ghenguno Alhou no axokütsüngü lakhi toi ningu peitha cheni.

Ephesiami 1:15

Hi ghenguno, nongu no Ampeu Jisü lau aküpülü akeu eno nongu no Alhou’w timiqo kümtsü kikimiye akeu ghili I no chilu keu lono,

Ephesiami 1:16

ni ye nongu ghenguno shikimthi keu tavemo no I kighini lo nongu kümsülu acheni.

Ephesiami 3:21

akukuhou lo eno Khristo Jisü gholo no tiqheli kümtsü lo alhokupuju lono alhokupuju kutólo pa lau ajuküvü ache pelo! Amen.

Ephesiami 5:20

pülhapuju ningu Mpeu Jisü Khristo je lono thowkha kümtsü ghenguno Apù Alhou shikimthi tsülo.

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

FILIPIAMI 1:3

I no nongu kümsülu ke kümtsü lo I Lhou shikimthi acheni.

Kolosiami 1:3

Kughou ningu no nongu ghenguno inikhuni keno ningu ye alhokuthu ningu Mpeu Jisü Khristo Papù Alhou shikimthi cheni,

1 Thes. 1:2

Ningu ye nongu kümtsü küpülü ghenguno alhokuthu Alhou shikimthi acheni eno ningu kighini lo tamo no nongu jeku acheni.

1 Thes. 2:13

Eno ningu ye alhokuthu lono Alhou shikimthi acheni, kughengu kughou nongu no Alhou tsa khikhi ningu lau no chilu eno ikhilu keno, nongu ye timi tsa lakhi paphi shi ikhilumoe, ikemu Alhou tsa lakhi toi kuchou shi ikhilu ke, eno Alhou tsa ye nongu khunoqo no pülüluvea keno tipaqo gholo kuchou no müla anie.

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

2 Tim. 1:3

Ni ye alolo kighithi mütsümishei shi no I pù-asünoqo no qe chekeu lhou khuu I no qe acheni keno pa shikimthi ani. Ni ye putho-pucho I kighini lo tamo no O kümsülu acheni.

Philemon 1:4

I no I kighini lo O kümsülu ke kümtsü lo I Lhou shikimthi acheni,

IBRIMI 13:15

Tighenguno, ningu kichí lono ipeghi keu tsa pesü pa je shuphe ghi Jisü vechewo tamo no shekiqhe ghakishi pesü ningu Alhou müláni nolo.

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.