Rommi 1:30 - Sümi Tiqhelimi Bible

³⁰ pipütha chekemi, Alhou kimthimi, ayiküsami, akuchhoma eno aqheküzami; panongu ye küsakügha shi chekeu laghi iqikiphemi; panongu ye panongu pù-aza hebide cheni;

BAIBEL (BSI)

³⁰ eno timi thaighakemi. Panonguye Alhou kimthimi, eno timi phimokemi, aqhekuza akulakimi, kusakugha iqikiphemi, apu aza ghokulukumomi,

Sumi Naga CL (Re-edited) Bible (BSI)

³⁰ alatsa kipimi, Alhou kimthimi, timi thaigha kichemi, aqheküza akülakimi, alhoksa kiyiqimi ke, apuaza gholumo kemi,

Rommi 1:30 ပူးပေါင်းရင်းမြစ်များ

MATTHEW 15:4

Kughengu Alhou no pi, ‘O pù eno O zá gihu lo’ eno ‘Khukhumu papù momu pazá ghusho aye pìthíve kepue.’

MATTHEW 16:21

Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

Luke 21:16

Nongu pù-aza, athiküzümi eno achelimi, abolomi eno shompami kutólo nongu thechu shive nani, eno nongu khami ye ayekipemi no pìthíve nani.

John 7:7

Ayeghiqha ye nongu mithi müla nani, ikemu I no ayeghiqha kümlàqo ye küsakügha kepi ashepe shitsü keu ghenguno ayeghiqha no I mithi cheni.

Apostolmi 5:36

Ado hami züu Theudas no pa ye khuu kela lakhi ipi no ipeghi, eno pa papemi aqhe bidí kutólo kumqo pe ache. Tisheno pa ye heqhipithíve, eno pa papemi kümtsü apanaghave, eno ti kümtsü kiumu kumove ke.

Rommi 2:17

Nongu no nongu likhi nongu pesü Jewmi ipi ku cheni aye; eno nongu no ayeza shou pükhübe no Alhou sasü küthsükime akeu lo qheza cheni aye;

Rommi 2:23

Nongu ye ayeza pükhü pe qheza acheni püzü nongu ye ayeza hebide keu lono Alhou thaigha cheni keshea?

Rommi 3:27

Tishiaye tile qheza kepu kiu ani kea? Kiumu qheza akepu kühae. Kiu yeza ghenguno kea? Ayeza lo akümlà avehupu shi akeu no keshea? Moe, ayeza lo aküpülü avehupu shi akeu ghenguno ke.

2 Kor. 10:15

Momu ningu ye kütamiqo no mülave keu lo ninguw kihikütha vecheve ghi aqheküza shichemoe. Ninguw lakuju ye nongu küpülü thuwu akeu lo ningu kümlà alau shi nongu gholo pekholuni keu ke,

2 Kor. 12:20

Kughengu kughou I no ighini keno nongu ye I no shipe nishi akeu toi aghimo nikeu, eno nongu no I pelo shipe nishi akeu toi ni ithulumo nikeu ghenguno ni ye msà anie. Ni ye tilau küqhakümla, anhekushu, mutomushu keu, alakimine kimji, piküpüsa, xikishi, akumchho, eno kübangü keu aghíni keu msà ani.

2 Thes. 2:4

Pa no Alhou ipikeu jeli momu mülá chekeu thime jeli kümtsü lachile eno pa likhi pa pesü thime kümtsü shou süqhe nani. Pa no Alhou chineki lo iqave püzü pa likhi pa pesü Alhou ke ipi piwuve nani.

2 Tim. 3:2

Timiqo ye alikhi ampi eno pisa kimiyeuve nani, alikhi ajekipi eno aqheküza shi nani eno timi phimo-gihumo nani. Panongu pù-aza hebide nani, shikimthi keu küha nani, Alhou pülümo nani,

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

James 3:5

Titoi, amili ye aphimpi lo thime aghulo lakhi ke, ikemu tiye ighono aqheküza shi cheni. Ami kiyiqü kitila lakhi no aghasü kijè pitive chekeu kümsüjulo.

James 4:16

Tihutoi nongu ye nonguw akuchhoma kukughu lo qheza cheni ke. Hitoi keu qheküza kümtsü küsakügha ke.

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.

Jude 1:16

Timi hipaqo ye nhenheshi chekemi eno akipimí phu chekemiqo ke; panongu ye panongu likhi panonguw küsakügha kükümsüqo pape cheni ke; panongu ye pano likhi pano jupe qheza cheni eno panongu ye pano kivipu ghenguno kütamiqo sheqhe cheni.