Rommi 1:21 - Sümi Tiqhelimi Bible

²¹ Kughengu Alhou pülümo kemi ye Alhou ithi anamu, panongu ye Alhou kepi pa je pipitsümoe momu shikimthi pa tsümoe, ikemu panongu kükümsü ye abokümsa shive eno panonguw nikhanigha mlo ye züchiyive ke.

BAIBEL (BSI)

²¹ Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu.

Sumi Naga CL (Re-edited) Bible (BSI)

²¹ Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

Rommi 1:21 ပူးပေါင်းရင်းမြစ်များ

John 3:19

Xakütha ye hike: Aküvü ye ayeghi lo ighivae, ikemu timiqo no aküvü kimiye nike züqhulo àküzǘ kimiye ke, kughengu panongu kümlàqo no küsakügha ke.

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Rommi 1:19

Alhou no panongu lau mütsümishei shive tsüke ghenguno Alhou ghili kiu ithi kepu ani keno panongu ghengu ye mütsümishei ke.

Rommi 1:28

Tinguno alau, panongu ye Alhou ghili ithi nikeu ameküapu shi kümsümoe, ikehu Alhou no panongu ikhiphe pesü pano kükümsü lhoküsa lo tsüve no panongu ye kiu shimo kepu keno tipau shi acheni pe ke.

Rommi 11:10

Panongu nhethi pelo zümoive pe no ithumlave peniu eno panongu ghütsü ye alhokupuju ghenguno ikove peniu.”

Rommi 15:9

Tilikhi kumo no Khristo ye Jewkumomiqo pelo Alhou’w kimiyekini ghenguno Alhou juküvü shipe niye ighike. Kughengu Kuchoyesü lo ishi yèpüani: “Tighenguno Jewkumomiqo gholo no I no O sheni; I no O je sheqhe ale pheni.”

2 Tim. 3:2

Timiqo ye alikhi ampi eno pisa kimiyeuve nani, alikhi ajekipi eno aqheküza shi nani eno timi phimo-gihumo nani. Panongu pù-aza hebide nani, shikimthi keu küha nani, Alhou pülümo nani,

1 Peter 1:18

Kughengu nongu ye ghükayi momu ameshoyi toi keu khikhi tsümave chekeu thime keno tipaqo pesü nongu pù-asüqo no abokümsa küxü laghi nongu lau pekishesü ighi keu lono nongu xaphelu pe püamoe,

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

Piyeküsü 14:7

Pa no asütsa kuloghi lakhi lono ishi pi, “Alhou sümsa lo eno ajuküvü pesü pa tsülo, kughengu paw küghakütha do hu ye ighivae. Kungugha, ayeghi, azüghi eno azüpuki lhosü keu Lhou mülá lo.”

Piyeküsü 15:4

Ampeu, khuu no O msàmoni kea, eno khuu no O je sheqhe tsümoni kea? Kughengu O likhi no akimthe ke. Shiye kümtsü no O zülo ighino O mülá nani, kughengu O chipiumikucho kümlà ye pephe-piyeva ke.”