Rommi 1:16 - Sümi Tiqhelimi Bible

¹⁶ Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

BAIBEL (BSI)

¹⁶ Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike.

Sumi Naga CL (Re-edited) Bible (BSI)

¹⁶ Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 1:16 ပူးပေါင်းရင်းမြစ်များ

Mark 8:38

Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”

Luke 9:26

Khuno no I ghenguno eno I tsape ghenguno kujomzani keno Timi Nu ghí kughou pa no pa juküvü, Apù juküvü eno akimthe kungumiqo juküvü lo ighini keno timi tipaqo je piphe tsümo nani.

John 7:35

Jewmiqo dolo lakhi no lakhi vilo ishi pi, “Timi hipau ye ningu no phu müla keu-a khila wuve niye kümsü ani kea? Pa ye niw timi Greekmiqo gholo apanaghave kemiqo lau wu no xü püzü Greekmiqo kütsü niye shi ani keshea?

Apostolmi 3:26

Kughou Alhou no pa qeu xüputhuve keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”

Rommi 10:17

Tighenguno, aküpülü ye akükütsü sütsa chilu keu lono ighi cheni, eno akükütsü sütsa ye Khristo ghili pikülha keu vechewo chilu cheni.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

Rommi 15:29

Kughou I no nongu lau ighini keno, ni ye Khristo lau no ighi keu kükümgha kinikulu shi pesü ighino nongu sasü küsaje nani kepi mütsümishei ani.

Rommi 2:9

Tilehi küsakügha shi chekemi timi jeli kümtsü ghenguno aküküpüna eno aghime kitikhi anani: atüghishi Jewmi ghenguno, eno tithiu no Jewkumomi ghenguno anani;

Rommi 4:11

Eno pa ye aphighüyiko-küghá shimphi züu no aküpülü vechewo achipiumikucho chishida keu michi shi aphighüyiko-küghá ikhilu ke. Tishiaye, pa ye aphighüyiko ghamo namu pülü chekemiqo kümtsü papù ke, tishi keu vechewo panoqo pelo achipiu mikuchomi kepi kihi kulupu shipe niye ke.

1 Kor. 15:2

I no nongu lau Alhou tsa kütsü keu nongu no ithamo no tsüqüpe aye, atsakiviu no nongu xaluvae. Tishimo aye, nongu ye adou lono pülüvae.

1 Kor. 2:2

Kughengu I no nongu gholo ngo ake lono ni ye Jisü Khristo eno pa yeda pìthíve keu nguno alau ye kütau kumu mthave nikeu shi xathave ke.

1 Kor. 2:4

I tsapi ngò I kükütsü ye alokütsü gholo zükulupu tsaqo pesü pimo ke, ikemu Aghungu küká shikipiye vechewo ke,

1 Kor. 9:12

Kütamiqo no nongu lau no akukuphu hipau luni keu chipiu aghí aye, ningu ye tinguno akichiùmu aghí moayesa ke kumo keshea? Ikemu ningu ye hipau chipiu peithamo ke. Tishini ke züqhulo, ningu ye Khristo tsakiviu lakükhapu shimo nike ghenguno kiu-kiu lomu kutuukulu shive tsüke.

1 Kor. 9:18

Tishiaye iw qesaxu ye kiu kea? Hipau ke: Ni ye ame lumo no kümsá no atsakiviu kütsü nikeu ke, eno tisheno ni ye atsakiviu kükütsümi lakhi shiaghi namu I chipiu kuchopu peithamo niye ke.

2 Kor. 2:12

Kughou I no Troas lo Khristo tsakiviu kütsü niye wu püzü Ampeu no I ghenguno ahukikha lakhi khaqhipüa keu phulu keno,

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

2 Kor. 9:13

Kughengu nongu no akümlà hipau vechewo nongu likhi nongu kimchive tsü ake, eno nongu no Khristo tsakiviu ikhilu keu gholo aghokulu shikeu eno nongu no tsükini shikeu vechewo panongu sasü eno kütami kümtsü sasü küsaje keu ghenguno kütamiqo no Alhou sheqhe tsü nani.

Galatiami 1:7

tiye khilemu atsakiviu kumoe. Mütsüqhei no timi khami ye nongu pesü kübangü keu lo sǘ ani eno Khristo tsakiviu lakha nike pükapütsa ani.

1 Thes. 2:13

Eno ningu ye alhokuthu lono Alhou shikimthi acheni, kughengu kughou nongu no Alhou tsa khikhi ningu lau no chilu eno ikhilu keno, nongu ye timi tsa lakhi paphi shi ikhilumoe, ikemu Alhou tsa lakhi toi kuchou shi ikhilu ke, eno Alhou tsa ye nongu khunoqo no pülüluvea keno tipaqo gholo kuchou no müla anie.

1 Tim. 1:11

Kuchou külü ye kükümgha Lhou juküvü vehu tsakiviu gholo pulolu chekeu ke. Eno tipau ye Alhou no I pichetsü keu kümlà ke.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

2 Tim. 1:16

Ampeu pelo Onesiphorus kibolomi shou kimiyekini pìye tsü peniu, kughengu ado kutomo lono pa no I lopivi tsüke eno I no akughu shi akeu ghenguno kujo keu shimo ke.

2 Tim. 1:8

Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

IBRIMI 4:12

Kughengu Alhou tsa ye aküxü eno aküka ani. Puto-puto kihizüta nguno akütsüghau ke, tino angulho ngò aghungu kikime ngò aqǜ-anhüki kikime kutólo ghitha ilo cheni; tino timi mlo lo kümsüpù akeu ngò shinishiqhiyi akeu shou küghathabe cheni.

1 Peter 4:16

Ikemu, tsalá nongu Khristomi lakhi shi no ime aye, kujo akevilo, ikemu nongu no aje tipau xapu akeu lo Alhou sheqhelo.