Rommi 1:13 - Sümi Tiqhelimi Bible

¹³ Athiküzümi eno achelimiqo, ni ye nongu pelo hi mtha no ape nishi amoe, tiye I no Jewkumomi kütamiqo gholo shikeu toi nongu gholo ghí ni ye aghungu kümlà pekholu niye ghuthu kutomo nongu lau ighi niye kughuju ke ikemu itehi kutólo I pelo tishilu pe nikeu lono lakhape püani.

BAIBEL (BSI)

¹³ Athikuzumiqo, nongu pelo hi ithi penishi ani; ghuthu kutomo niye nongu putsa ighiniye kughu acheni, ikemu kiunokela pulhapuju ipelo tishimlano achenipeke. Ino Judakumomi mlo pekide tsuke toi nongu gholo ghi tishilu penishi ani.

Sumi Naga CL (Re-edited) Bible (BSI)

¹³ Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

Rommi 1:13 ပူးပေါင်းရင်းမြစ်များ

John 12:24

Kuchou no I no nongu vilo pìní, athì lothi lakhi ye ayeghi lo ikiqi ilo no thivemo ke thaqhülo tiye athi likhi athoshi acheni. Ikemu tsalá tipau no thive aye, tino athi kutomo pithí cheni.

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 4:36

Itehimu timi khuu no ghile hu keno ajume lu cheni eno lhokta küxü ghenguno athì pekütsü cheni, tishianguno vesü keu ngò ghile hu keu pama alovi küqha niye ke.

Apostolmi 1:15

Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Apostolmi 15:12

Tile kuho akemi kümtsü no Barnabas ngò Paul pama Alhou no pama vechewo Jewkumomiqo lau amichipu eno akümzapu mülà akeu pikeu chilu püzü iqünheive.

Apostolmi 19:21

Hipaqo kümtsü shive kethiu Paul ye Macedonia ngò Achaia vechesü Jerusalem lo kicheghüzü shini keu vehu kughuluve. Pa no ishi pia, “I no tilau wuve kethiu ni ye Rome ghí xuju moayesa anie.”

Apostolmi 21:19

Paul no panoqo sasü petha shi eno pa kümlà vechewo Alhou no Jewkumomiqo gholo kiu mülave tsü akeno chixechilei pìthitsü.

Apostolmi 28:14

Tilehi ningu thiküzümi eno achelimiqo khami sasü kusholu eno panongu no apinedo kupuju ghenguno ningu kusü no panongu gholo ngove. Tisheno ningu ye Rome lo ighi.

Rommi 1:12

tishi keu vechewo ningu lakhi-khi küpülü vechewo ningu lakhi no lakhi shikumtolu peniye ke.

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

Rommi 7:1

Athiküzümi eno achelimiqo—ni ye nongu ayeza ithi akemiqo vilo piani—ike ayeza ye timi lakhi no xü ake dolo likhi pa shou kükagha acheni kepi mtha keshea?

1 Kor. 1:10

Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

1 Kor. 10:1

Athiküzümi eno achelimiqo, ni ye nongu pelo ningu pù-asüqo ye kíshive keno ithi penishi ani. Panongu ye kümtsü khüngküsü qholo cheche eno tisheno panongu kümtsü azüghi kathasü wulu ke.

1 Kor. 12:1

Athiküzümi eno achelimiqo, itehi ye nongu pelo Aghungu Kimthe ghò ghili akivishi ithive penishi ani.

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

1 Kor. 14:26

Athiküzümi eno achelimiqo, tishiaye ningu ye kiu pìní kea? Kughou nongu no aqoshi kusholuni keno, nongu lakhi-khi no Alhou kishé le, momu kichekütsü tsa, piyeküsü, amili kithé lono pikeu momu pebidekulupu ghò süghiluvi. Ikemu thowkha kümtsü akukuhou shiqhepuku nikeu ghenguno shi moayesa ke.

1 Kor. 9:2

Ni ye kütami ghenguno ye apostolmi lakhi shi aghimo namu nongu ghenguno ye mütsüqhei no ni ye apostolmi lakhi ke! Kughengu ni ye Ampeu’w apostolmi lakhi ke ipi akeu ye nongu no chishida keu toi amichi shitsü anike.

2 Kor. 1:8

Athiküzümi eno achelimiqo, ningu no Asia bocho lo aküküpüna puju-shiju akeu nongu pelo mtha no ape nishimoe. Ningu no puqhe kümlapú shi shishe ningu munudaqhi ke, tishikehu ningu ye xü nani kepi pülümove.

2 Kor. 2:14

Ikemu Alhou shikimthi ani, pa no ningu pesü pa kughumi shive tsü no alhokuthu ningu sasü Khristo no aghü tolu keu shekujo lo sawu cheni, eno aqha kümtsü Khristo ithilu penike ghenguno Alhou no axokütsüngü lakhi toi ningu peitha cheni.

Galatiami 3:15

Athiküzümi eno achelimiqo, tsalakipe küxü lhoaye lono I no kiche-kipiye lakhi tsüní. Khunomu puloshoqhi kiyé shipe qhive keu kilive müla momu süküqhamla ketoi, hipau vehu lo ghí tishi ke.

Galatiami 6:18

Athiküzümi eno achelimiqo, ningu Mpeu Jisü Khristo’w küpükini no nongu nguagha gholo apeniu. Amen.

FILIPIAMI 1:22

I no xü akepu shi aye, ni ye Khristo ghenguno alá shikulupu kümlà shi anani ke. Tishiaghi namu ni ye khikhiu kisheni kea? Ni ye pi mülae!

FILIPIAMI 4:17

Ni ye nongu ghò lunishi anike kumoe; ikemu I no shipe nishi akeu ye nonguw tsükini ghenguno nongu pelo aghò ithulu penishi anie.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

1 Thes. 2:18

Kughengu ningu ye nongu lau ighi nishiqhiyi anike. Ni Paul ye kuchou no ighi niye anguno-anguno pükapütsa ke ikemu Satan no ningu laghi lakhavetsü ke.

1 Thes. 4:13

Athiküzümi eno achelimiqo, ningu ye nongu pelo kithimi ye kíshivea kela ipi avehuizü penishi amoe. Tishianguno nongu pelo lajupu küha kemiqo toi amlokighishi shi apemo niye ke.

2 Thes. 2:7

Kughengu aye kümthau tuqhou küká ye akümlà shiauvae; ikemu itehi khuu lakhape püani keno pa ikhivemoke kutólo tuqhou shi anani.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.