Piyeküsü 6:12 - Sümi Tiqhelimi Bible

¹² Mekhapüa keu akütsüghou hu Ambeti no khaqhi akeu I no ju ae. Ikelo ayeghi küghütha kijè lakhi ighi. Khetsünhe no ane mhi no mülà keu yeqhiyephi toi tsübuive, eno aqhi no ajì toi huchuhuyive,

BAIBEL (BSI)

¹² Kughono Bheritino mekhakeu akutsughou suphono lhaphe keno, ino jukelauye ayeghi shishe ilu ighi, eno zumoive, eno aqhiye ahji toi huchuhuyive.

Sumi Naga CL (Re-edited) Bible (BSI)

¹² Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

Piyeküsü 6:12 ပူးပေါင်းရင်းမြစ်များ

MATTHEW 11:21

“Chorazin! O ghenguno ahaküsapue, Bethsaida! O ghenguno ahaküsapue, kughengu tsalá akümzapu kümlà nongu gholo shikeu Tyre eno Sidon lo mülà ke aye, panongu ye yeqhiyephi pepu püzü ayevǜ kuchhu no khaghi no amlo pebideve aghíni cheke.

MATTHEW 24:29

“Aghime kitikhi tsalà hipaqo thiu, paikhavi lono, “ ‘khetsünhe no züchiyive nani, eno aqhi no pa küvü tsümove nani; ayepuqo no atsütsǘ lono ikiqive nani, eno atsütsǘ lo akeu jeli kümtsü süküghütha nani.’

MATTHEW 24:7

Shiye lakhi no shiye lakhi mjochile ipeghi nani, eno kükaphu lakhi no kükaphu lakhi mjochile ipeghi nani. Püqümiye keu eno ayeghi küghüthaqo a-a kütüta lo anani.

MATTHEW 27:45

Puchomta lono avelau ayì küthü kutólo àküzǘ no ayeghiqha kümtsü küzüpholuve.

MATTHEW 27:54

Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

MATTHEW 28:2

Tilehi ayeghi küghütha kijè lakhi ighie, kughengu Ampeu’w kungumi no kungugha lono iqighi, eno akumoki lo wu no atuqu tukulove tsü püzü tipau shou iqa ae.

Mark 15:33

Puchomta lono avelau ayì küthü kutólo àküzǘ no ayeghiqha kümtsü küzüpholuve.

Piyeküsü 11:13

Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.

Piyeküsü 16:18

Tile no tsütsüpha kulo ipeghi eno kong-kong shi tsütsü-küsü shi, eno ayeghi küghütha kijè ighie. Timi no ayeghi lo xü ighi kelo ayeghi küghütha hitoi keu khilemu ighiju mphie kughengu tiye ighono kijè ke.

Piyeküsü 16:8

Kungumi abidiu no pa bohu pesü khetsünhe shou lepuku, eno khetsünhe pelo ami pesü timiqo ghaqhi pe.

Piyeküsü 8:12

Kungumi abidiu no pa fuko küigha kelo khetsünhe eno aqhi eno ayepu kikijé küthü kütsave, tishi keu vechewo khetsünhe, aqhi, eno ayepuqo hu ye tsübuive. Pucho tsalà kikijé küthü aküvü kühave eno titoi kijili kikijé küthü ye aqhi-ayepu kühave no zümoive.

Piyeküsü 8:5

Tisheno kungumi no ameshoyi no mülà keu kümlá kipiti bohu ikhiluve no akümlá-khache lono ami ikhipe pesü chhitoi hisü püzü ayeghi shou vepuwuve; tile no kong-kong shi tsütsü-küsü sütsa ipeghi, tsütsüpha kulo eno ayeghi küghütha ighie.