Piyeküsü 5:13 - Sümi Tiqhelimi Bible

¹³ Tisheno kungugha lo eno ayeghi shou eno ayeghi qhou eno azüghi lo, eno tipaqo lo lhoxü akeqo kümtsü no ishi pikeu I no chilu: “Aküka lakhü lo iqa akeu eno Ambeti lau akishé, agigihu, ajuküvü eno aküka alhokupuju lono alhokupuju kutólo ache pelo!”

BAIBEL (BSI)

¹³ Kungughalo, ayeghilo, ayeghiqhou eno azughilo lhoxu akeqo, tsutsu yeghiqhalo akeu kumtsuno ishipi, “Akuka lakhulo iqa akeu eno Bheriti lau shekiqhe, agigihu, akimthe jekipi, akimthe jekughushu alhokupuju kutolo apelo!”

Sumi Naga CL (Re-edited) Bible (BSI)

¹³ Tileno kungugha eno ayeghi lo, ayeghi qhou eno azüghi lo lhoxü jeli kümtsü no pikeu I no chilu, “Kükalakhü lo iqa akeu, eno Ambeti lau pülhapuju eno alholo shekiqhe eno agigihu, ajekipi eno akumto apelo!”

Piyeküsü 5:13 ပူးပေါင်းရင်းမြစ်များ

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

Luke 2:14

“Kungugha akiqheu lo Alhou lau ajuküvü shilo! eno ayeghi lo pa lokiqi akemi shou aloino keu apelo.”

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

Rommi 11:36

Kughengu pa lau no eno pa vechewo eno pa ghenguno thowkha kümtsü anike. Alhou lau pülhapuju ajuküvü apelo! Amen.

Rommi 16:27

Jisü Khristo vechewo Alhou khuu likhi no alokütsüu keno pülhapuju lo ajuküvü pesü pa tsülo! Amen.

Rommi 9:5

Abraham, Isaac, eno Jacob noqo ye panongu pù-asüqo ke, eno timi lhoaye kiqi lo phuwoju kelo Khristo ghí panongu lau no ighi kemi ke. Eno Khristo ye kümtsü shou Alhou eno pülhapuju lo sheqhe küzü ke! Amen.

Ephesiami 3:21

akukuhou lo eno Khristo Jisü gholo no tiqheli kümtsü lo alhokupuju lono alhokupuju kutólo pa lau ajuküvü ache pelo! Amen.

FILIPIAMI 2:10

tishianguno kungugha lo eno ayeghi shou eno ayeghi qholo kümtsü no Jisü je gihu ghi qhoqhünhe nani,

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

1 Tim. 4:16

Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.

1 Peter 5:11

Alhokupuju lono alhokupuju kutólo aküka ye paw shi ache peniu. Amen.

Jude 1:25

ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.

Piyeküsü 1:6

eno pa Lhou eno paPù qe penike ningu pesü pa kükaphu lo achinemiqo shitsü keno pa lau alhokupuju lono alhokupuju kutólo ajuküvü eno ayekipe ache pelo! Amen.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.

Piyeküsü 5:1

Tisheno aküka lakhü lo iqa akeu u ajeu liküküzü kaku lakhi akeu I no ithulu. Liküküzü kaku tipau ye ashou eno alou ghí yèpüa eno mekha keu tsünì no mekhapüa ke.

Piyeküsü 5:12

Panongu no ighamuku ghi ishi piae: “Ghiqhive keu Ambeti ye aküka, aküakini, alokütsü, akumto agigihu, ajuküvü eno akishé ithulu küzüpu ke!”

Piyeküsü 5:3

Ikemu kungugha lo momu ayeghi shou momu ayeghi qhou timi khuu nomu liküküzü kaku khaqhi mülae momu tipau aloumu jusü mülae.

Piyeküsü 5:6

Tisheno I no Ambeti lakhi ghiqhi pepüa ketoi ithulue eno tiye aküka lakhü mtá lo aküxü akeu lhoxü bidí ngò sakiphemi muchomiqo no sühomxa pe ake toi ithulu. Ambeti ye akibò tsünì eno anhethi tsünì puae, eno tiye ayeghiqha kümtsü lo Alhou ghungu tsünì puwu keqo ke.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.

Piyeküsü 6:16

Panongu no naghuto eno atuquqo vilo ishi pi, “Ni veqaluve lo eno khuu no aküka lakhü lo iqa ani keno pa gizü lono eno Ambeti loghukighide lau no ningu peküsüve tsülo!