Piyeküsü 4:11 - Sümi Tiqhelimi Bible

¹¹ “Ningu Mpeu eno Alhou, no ye ajuküvü ngò agigihu eno aküka ithulu küzü ke, kughengu nono thowkha kümtsü lhoqhi ke, eno O pulou lono panongu lhophe kehu panongu ye xü anike.”

BAIBEL (BSI)

¹¹ “NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”

Sumi Naga CL (Re-edited) Bible (BSI)

¹¹ “Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”

Piyeküsü 4:11 ပူးပေါင်းရင်းမြစ်များ

Apostolmi 14:15

“Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Apostolmi 17:24

“Alhou khuu no ayeghiqha eno tile akeu kümtsü lho keno pa no kungugha eno ayeghi Mpeu ke eno pa ye timi u no mülà puku keu chineki lo ngo chemoe.

Rommi 11:36

Kughengu pa lau no eno pa vechewo eno pa ghenguno thowkha kümtsü anike. Alhou lau pülhapuju ajuküvü apelo! Amen.

Ephesiami 3:9

eno Alhou khuu no thime kümtsü lhosü keno pa gholo wove keu tiqheliqo lo küsüpüa keu tuqhou hipau kümtsü lau mütsümishei ithikulupu shilu peniye bemakho I tsüke.

IBRIMI 1:10

Pa no hi ghí pi, “Ampeu, abothu lono nono ayeghi lhophe ke, eno kungugha ye O u no mülà keqo ke.

IBRIMI 1:2

ikemu hi ashekha tsalaqo lo ye pa ye pa Nu, khuu thime kümtsü mheghi kiyighiu shipe niye pa no süküsü shi, eno khuu vechewo pa no ayeghiqha lhosü keno, pa vechewo ningu pütsa ke.

Piyeküsü 1:6

eno pa Lhou eno paPù qe penike ningu pesü pa kükaphu lo achinemiqo shitsü keno pa lau alhokupuju lono alhokupuju kutólo ajuküvü eno ayekipe ache pelo! Amen.

Piyeküsü 10:6

Eno kungumi hu no, kungugha, ayeghi eno azüghi eno tipaqo lo akeu jeli kümtsü lhosü keu alhokupuju lono alhokupuju kutólo xüache keu Alhou je pesü ashoqhi shi no ishi pi, “Hinguno hilau ye munuve pemo nani!

Piyeküsü 14:7

Pa no asütsa kuloghi lakhi lono ishi pi, “Alhou sümsa lo eno ajuküvü pesü pa tsülo, kughengu paw küghakütha do hu ye ighivae. Kungugha, ayeghi, azüghi eno azüpuki lhosü keu Lhou mülá lo.”

Piyeküsü 19:1

Hipathiu kungugha lono aqokitikhi kijè ghügha lakhi toi keu sütsa I no chilu: “Hallelujah! Xakulupu, ajuküvü eno aküka ye ningu Lhou’w ke,

Piyeküsü 5:12

Panongu no ighamuku ghi ishi piae: “Ghiqhive keu Ambeti ye aküka, aküakini, alokütsü, akumto agigihu, ajuküvü eno akishé ithulu küzüpu ke!”

Piyeküsü 5:2

Eno akughushu kungumi lakhi no ighamuku ghi ishi asheshu akeu I no ithulu, “Khuu no mekhapüa keu liküküzü kaku hepho no khaqhi küzü kea?”

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.