Piyeküsü 22:6 - Sümi Tiqhelimi Bible

⁶ Kungumi no I vilo pi, “Atsa hipaqo ye pükhübekulupu eno kuchou ke. Ampeu Alhou khuu no tungkupumiqo lau müzüsütsü cheni keno, pa no pa qemiqo vilo thime hipaqo itheno shikupu moayesa akeu pìye niye paw kungumi puwu ke.”

BAIBEL (BSI)

⁶ Tileno kungumi huno ivilo pi, “Atsa hipaqoye kuchou eno pukhukulupuke. Ampeu Alhou, khuno pa Ghungu pesu tungkupumi tsu cheni keno pano pawu kungumi puwu puzu itheno kiushive nani keno pa qemiqo lau piyeniyeke.”

Sumi Naga CL (Re-edited) Bible (BSI)

⁶ Tileno kungumi huno I vilo pi, “Atsa hipaqo ye pükhükulupu eno kuchou ke. Ampeu Alhou Khuu Ghungu no tungkupmi peitha cheni keno Pa no ke-i kiu shiniye ani keno Pa qemiqo piye penike Paw kungumi puwuvae.”

Piyeküsü 22:6 ပူးပေါင်းရင်းမြစ်များ

MATTHEW 13:41

Timi Nu no paw kungumiqo puwu nani, eno panongu no paw kükaphu lono alupi nhüve nani eno titoi axiné lo ilove pe chekeu jeli eno khunoqo no küsakügha shi cheni keno kümtsü nhüve nani.

Luke 1:70

(pa no püzüu paw akimthe tungkupumi vechewo pipüa ke),

Luke 16:16

“John Baptiz kishiu kutólo ye Moses no süghi keu yeza eno Tungkupumiqo no pikeu tsaqo pesü asheshu ache. Tile no huthusü Alhou kükaphu tsakiviu pesü kütsü acheni, eno kümtsü no hile ilo nike anguka shi acheni.

Apostolmi 12:11

Tipathiu Peter ye atsüveshe ipeghino pi, “Itehi ni ye lipimo no Ampeu no paw kungumi hapuwu püzü Herod no tsüqü pesü akeu lono eno Jewmi no shini kepi kümsü akeu kümtsü lono I xapheluve keu I no ithivae.”

Apostolmi 3:18

Ikemu hipau gholau no Alhou no tungkupumiqo kümtsü vechewo azünatha ghi Messiah ye ghichhe-ghime shi nani ipi pipüa keu shikupuvae.

Rommi 1:2

Atsakiviu ye Alhou no azüu no paw tungkupumiqo vechewo Akimthe Kuchoyesü lo piqhipüa keu ke.

1 Kor. 14:32

Alhou tsape shini kemi nguagha ye akipiu no alikhi aghasükulupu shikepu ke.

1 Kor. 7:29

Athiküzümi eno achelimiqo, I no piakeu kiqi ye hike; ado aghuloki ye ikhonheivae. Ikehu hinguno hilau ye khunoqo no akibo shivea keno pano kibo lo likhi kümsü pesü xü kepu kumoe;

2 Thes. 1:7

eno nongu ghimeqhi akemi lau no nongu likhi kumo no ningu ghí ghulu tsü nani. Hiye kughou kungugha lono vüqalei keu ami eno Ampeu’w kungumiqo kumto gholo no Ampeu Jisü pephe-piye nike no tipau tsalà lono shi nani.

IBRIMI 12:9

Tinguno alau, ningu kümtsü ghasü chekeu ayeghi lo apù acheni, eno ghaküsü ghenguno ningu no panongu gihu cheni. Tishiaye ningu ye hinguno alau khijehi ninguw aghungu lo Apù lau aghokulu shi xü moayesa kea!

2 Peter 1:21

Kughengu tungkuptsa ye khilemu timi pulou lono hukuthu shi ighi püamoe, ikemu tungkupumiqo ghí timi shi anamu Aghungu Kimthe no mijetsü keu vechewo Alhou lau no ighi keu tsape pi cheni ke.

2 Peter 3:2

Ni ye nongu pelo wove keu lo akimthe tungkupumiqo no atsa pikeqo ngò ningu Mpeu eno Xakuluu no nonguw apostolmiqo vechewo azakütsü tsü keqo kümsüchilelu penishi ani.

Piyeküsü 1:1

Piyeküsü hipau ye Jisü Khristo lau no ighike. Hiye paikhavi lono kiu shive niye ani keno Alhou no Jisü Khristo qemiqo lau pìye penike ghenguno Jisü Khristo tsü keu ke. Pa no paw kungumi puwu keu vechewo pa qeu John pelo ithilu pe ke.

Piyeküsü 18:20

“Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Piyeküsü 19:9

Tipathiu kungumi hu no I vilo ishi pi, “Hipau yè lo: Ambeti wu külakupu ghulhu lo khunoqo kusüni keno tipano kümghae!” Eno pa no I vilo hi ghí pi, “Hipaqo ye Alhou’w kuchou tsaqo ke.”

Piyeküsü 21:5

Aküka lakhü lo iqa akeu hu no ishi pi, “I no thowkha akithé shitsü anie!” Tisheno pa no I vilo hi ghí pi, “Hipau yè lo, kughengu atsa hipaqo ye pükhübekulupu eno kuchou ke.”

Piyeküsü 21:9

Kungumi tsünì dolo püsa tsünì no abohu tsünì chhitoi shi pesü akeu no ighi püzü I vilo ishi pi, “Ighilo, I no külaliu, Ambeti nipu O pìye nike.”

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

Piyeküsü 22:16

“Ni Jisü no ashepe hipau pesü akukuhouqo tsüpe niye iw kungumi nongu lau puwuvea ke. Ni ye David Kuhu-aghü eno pa Nuli-kughukomi ke, eno ni ye yevüqai keu Inaqhe Yepu hu ke.”

Piyeküsü 22:7

“Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”

Piyeküsü 4:1

Hipathiu I no ju kelo kungunhetsü kütau lakhi ithulu, ike tiye kungugha lo ahukikha lakhi khaqhi pesü I zülo akeu ithulu. Eno atüghi lo asütsa lakhi no afuko ghügha toi I pütsa keu I no chilu keu hu no ishi pi, “Hilau ikughilo eno hipathiu kiu shi moayesa nani keno I no O pìyenie.”