Piyeküsü 22:1 - Sümi Tiqhelimi Bible

¹ Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

BAIBEL (BSI)

¹ Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu

Sumi Naga CL (Re-edited) Bible (BSI)

¹ Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:1 ပူးပေါင်းရင်းမြစ်များ

John 13:32

Tsalá pa vechewo Alhou juküvüpu shive aye, Alhou no pa vechewo Anu jekipipu shitsü nani, eno ghuthukhavi lono pa jekipipu shitsü nani.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.

Piyeküsü 1:1

Piyeküsü hipau ye Jisü Khristo lau no ighike. Hiye paikhavi lono kiu shive niye ani keno Alhou no Jisü Khristo qemiqo lau pìye penike ghenguno Jisü Khristo tsü keu ke. Pa no paw kungumi puwu keu vechewo pa qeu John pelo ithilu pe ke.

Piyeküsü 21:11

Akimthe Mishighüna hu ye Alhou juküvü no yevüqai pesü ae, eno tipau küvü ye shishe akughupu chiku lakhi toi, eno akughupu-tu lakhi toi ighono tsüghükhüi ke.

Piyeküsü 21:6

Pa no I vilo pi: “Hi kümtsü tavae. Ni ye Alpha eno Omega, Hukuthuu eno Kishekhau ke. Tüghüthi akemi lau kümsá no aküxüpu züpuki lono azü tsü nani.

Piyeküsü 21:9

Kungumi tsünì dolo püsa tsünì no abohu tsünì chhitoi shi pesü akeu no ighi püzü I vilo ishi pi, “Ighilo, I no külaliu, Ambeti nipu O pìye nike.”

Piyeküsü 22:17

Aghungu eno külaliu no ishi pi, “Ighilo!” Khuno no chilu ani keno, “Ighilo!” pilo. Khuno no tüghüthi ani keno ighi pelo; eno khuno no aküxüpu zü kümsá ghò lunishi ani keno ikhilu pelo.

Piyeküsü 22:6

Kungumi no I vilo pi, “Atsa hipaqo ye pükhübekulupu eno kuchou ke. Ampeu Alhou khuu no tungkupumiqo lau müzüsütsü cheni keno, pa no pa qemiqo vilo thime hipaqo itheno shikupu moayesa akeu pìye niye paw kungumi puwu ke.”

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.

Piyeküsü 5:13

Tisheno kungugha lo eno ayeghi shou eno ayeghi qhou eno azüghi lo, eno tipaqo lo lhoxü akeqo kümtsü no ishi pikeu I no chilu: “Aküka lakhü lo iqa akeu eno Ambeti lau akishé, agigihu, ajuküvü eno aküka alhokupuju lono alhokupuju kutólo ache pelo!”

Piyeküsü 5:6

Tisheno I no Ambeti lakhi ghiqhi pepüa ketoi ithulue eno tiye aküka lakhü mtá lo aküxü akeu lhoxü bidí ngò sakiphemi muchomiqo no sühomxa pe ake toi ithulu. Ambeti ye akibò tsünì eno anhethi tsünì puae, eno tiye ayeghiqha kümtsü lo Alhou ghungu tsünì puwu keqo ke.

Piyeküsü 7:17

Kughengu aküka lakhü mtá lo Ambeti akeu hu no panonguw ambe kheu shi nani; ‘pa no aküxüpu züpukiqo lo panongu sawu nani.’ ‘Eno Alhou no panongu nhethi lono anhezü kümtsü isüve tsü nani.’”