Piyeküsü 21:8 - Sümi Tiqhelimi Bible

⁸ Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

BAIBEL (BSI)

⁸ Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Sumi Naga CL (Re-edited) Bible (BSI)

⁸ Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 21:8 ပူးပေါင်းရင်းမြစ်များ

MATTHEW 10:28

Khunoqo aphimpi pìthíve tsülu nani kemu angulho pìthíve tsü müla nani keno tipaqo msà kevilo. Tishini ke züqhu khuu no aphimpi eno angulho kinikujo amiyizü lono kütsave kulupu ani keno Pa msà alo.

MATTHEW 25:25

Ikehu ni ye msàve ke eno nono tsü keu ameshoyi pesü wu no ayeghi lo chhuqhove ke. Julo, ow kiu keno hi anike.’

MATTHEW 8:26

Jisü no khochile, “Nongu aküpülü kitila likhi akeqo, nongu ye kushiye ighono msà ani kea?” Tisheno pa no idaithughi püzü amlhü eno azü fukucho lomipi, ikelo shishe iqünheive.

Mark 9:44

Tilehi, “ ‘apithe panongu tsaqhi achekeu ye khilemu thive chemo eno ami ye khilemu inheve chemoe.’

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

2 Thes. 2:9

Ayeza hekibideu ye Satan no kíshi mülà cheni keno tipau ghola lono ighi nani. Pa no aküka jeli kümtsü peitha no akümzapu kümlà eno akichiqhipu kichileu michipu kutomo shipe pìye nani

1 Tim. 4:2

Shiküka hitoi keqo ye kühakügha kimkimiqo lau no ighi cheni. Panongu lolo kighithi ye ayì külǘ no pitive keu toivae.

Titus 1:16

Panongu ye Alhou ithi ani ipi pükha cheni, ikemu panongu kümlà vechewo Alhou milive acheni. Panongu ye aphikümqhüpu, agholumo kemi eno akivi shini keu lo kiumu aküzüpu kumoe.

IBRIMI 12:24

nongu ye Jisü puloshoqhi akitheuw alakipiu eno Abel jì nguno akiviu shi atsa piche keu küzüteve keu jì lau ighivae.

IBRIMI 13:4

Kümtsü no külakupu gihu moayesae, eno külakupu lipa kitiqemo no qhi moayesae, kughengu Alhou no shupumi eno kipito kimthe kumo kümlà shi chekemi kümtsü shou küghathabe nani.

1 John 2:22

Khuu no akimikiu kea? Tiye khukhumu Jisü ye Khristo kepi milive akemi ke. Hitoi kemi timi ye Khristo lakichilemi ke—Apù eno Anu milive akemi ke.

1 John 3:15

Khukhumu athiküzümi momu achelimi mithi chekemi ye ghikiqhimi lakhi ke, eno ghikiqhimi lakhimu lhokta küxü pano lolo ngo chemo kepi nongu no ithi ani.

1 John 5:10

Khukhumu Alhou Nu shou pülü keu ye ashepe hipau ikhilu cheni. Khukhumu Alhou shou pülübemo keu ye Alhou pesü kimkimi lakhi shive tsü ani, kughengu panongu ye Alhou no pa Nu ghili ashepe tsü akeu pülübemo ke.

Piyeküsü 14:10

panongu ghí Alhou mlo kighide ji ye nani. Alhou mlo kighide jì ye azü lekitemo no mükamüghai pa loghukighide jikhu lo lesüvae. Panongu ye akimthe kungumiqo ngò Ambeti zülo no piti akeu amichu pesü ghimeqhi nani.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 2:11

Aghungu no akukuhouqo vilo kiu piani keno chilu nishi kemiqo pelo chilu pelo. Khunoqo no toluvea keno akithí akiniù ye khilemu pa ghüza müla nani.

Piyeküsü 2:2

I no O kümlàqo, nono ime mülà akeu eno nono tsükhoi shi akeu ithi ani. No ye küsaküghamiqo lau küsüqhilu chemo keu I no ithi ani eno nono apostolmi kumomu apostolmi kepi pükha chekemiqo peju no panongu ye kichileu kepi phupheluve keu ghí I no ithi ani.

Piyeküsü 21:27

Mithekumo jeli kiumu Akimthe Mishighüna lo ilo müla nani, khukhumu akukujopu momu pishikiqhi kümlà shi chekemi ye khilemu ilo müla nani, ikemu Ambeti’w aküxüpu kaku lo aje yèpüa kemiqo likhi no ilolu nani.

Piyeküsü 22:15

Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.

Piyeküsü 9:17

I no kungunhetsü lono khurshi eno tipau küsámiqo ithulu keu ye hitoi ke: Panongu mülaküküzüpu ye ami toi huchuhuyi, tsülabei eno amichu toi awune ke. Khurshi kütsüqo ye abongushuu kütsü mihi ke, eno panongu kichí lono ami ngò amichhi eno amichu ipeghi ke.

Piyeküsü 9:21

Momu panongu ye timi ghiqhi püakeu, kuduu shikeu, kipito xüküpsa kümlà momu panongu küpüka lono xaidemo ke.