Piyeküsü 21:5 - Sümi Tiqhelimi Bible

⁵ Aküka lakhü lo iqa akeu hu no ishi pi, “I no thowkha akithé shitsü anie!” Tisheno pa no I vilo hi ghí pi, “Hipau yè lo, kughengu atsa hipaqo ye pükhübekulupu eno kuchou ke.”

BAIBEL (BSI)

⁵ Tileno akuka lakhulo iqa akeu huno ishipi, “Itehiye ino thwokha akithe shitsu ani!” Pano highi ivilo ishipi, “Hipau yelulo, kughengu atsa hipaqoye kuchou eno pukhube kulupuke.”

Sumi Naga CL (Re-edited) Bible (BSI)

⁵ Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”

Piyeküsü 21:5 ပူးပေါင်းရင်းမြစ်များ

Luke 5:38

Moe, atsaizü akithé ye ashiyikohughi akithé lo lesü moayesae.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

IBRIMI 12:27

“Itaghi ghuthu lakhi,” ipi akeu tsa kiqi ye kiu no süküghüthalu nani keno tipau ikhive nikeu ke—tiye lhosüpüa keu thimeqo—tishi keu vechewo kiu süküghütha müla nani keno tiye ache peniye ke.

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 1:19

“Tighenguno nono kiu ithuluvea, itehi kiu shi ani eno kutou kiu shi nani keno tipaqo yè lo.

Piyeküsü 19:9

Tipathiu kungumi hu no I vilo ishi pi, “Hipau yè lo: Ambeti wu külakupu ghulhu lo khunoqo kusüni keno tipano kümghae!” Eno pa no I vilo hi ghí pi, “Hipaqo ye Alhou’w kuchou tsaqo ke.”

Piyeküsü 20:11

Tile no miyetsüghoi keu küká lakhü kijè lakhi eno tipau shou timi lakhi iqa akeu I no ithulu. Ikelo ayeghi eno kungughaqo no pa lau no pove, eno tipaqo ithulu kithemove.

Piyeküsü 22:19

Eno timi khuala no tungkuptsa liküküzü kaku hipau lo pipüa keu tsaqo ikhive aye, Alhou no liküküzü kaku hipau lo aküxüpu süboqo eno Akimthe Mishighüna ghili pipüa keu lo timi tipau saje akeu ikhisüwuve nani.

Piyeküsü 22:6

Kungumi no I vilo pi, “Atsa hipaqo ye pükhübekulupu eno kuchou ke. Ampeu Alhou khuu no tungkupumiqo lau müzüsütsü cheni keno, pa no pa qemiqo vilo thime hipaqo itheno shikupu moayesa akeu pìye niye paw kungumi puwu ke.”

Piyeküsü 4:2

Ghuthukhavi lono ni ye Aghungu no chhitoive, eno kungugha lo timi khami no aküka lakhü lo iqa akeu I zülo ipeghi.

Piyeküsü 4:9

Kugho-kughomu aküxü akeu lhoxüqo no ajuküvü, agigihu eno shikimthi keu pesü aküka lakhü lo iqa akeu eno alhokupuju xüache keu tsüní keno

Piyeküsü 5:1

Tisheno aküka lakhü lo iqa akeu u ajeu liküküzü kaku lakhi akeu I no ithulu. Liküküzü kaku tipau ye ashou eno alou ghí yèpüa eno mekha keu tsünì no mekhapüa ke.