Piyeküsü 21:12 - Sümi Tiqhelimi Bible

¹² Akimthe Mishighüna lo aliwo kuputu kijè eno qhemghai keu ae eno tilehi khagho chighikini akeu lo kungumi chighikini no khaghoqo lo ngo ae. Khaghoqo lo Israel shiaye chighikini je yèpüa.

BAIBEL (BSI)

¹² Tipau puwupe puakeu huye qhemghai kijeke eno tipaulo khagho chighikini ae eno kungumi chighikinino khaghoqo kheae. Khagholo Israilmi alagha chighikiniqo je yepuku pua.

Sumi Naga CL (Re-edited) Bible (BSI)

¹² Tipau ye aliwo kije eno chuqumghai keu no botha püa, eno kungumi chighikini no khagho chighikini khea, ti kümtsü lo Israel laghami chighikini je yepüa—

Piyeküsü 21:12 ပူးပေါင်းရင်းမြစ်များ

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

Luke 15:10

I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”

Luke 16:22

“Kughou khukuchumi hu thive keno kungumiqo no kuho pesü Abraham phivilo saighi. Kiními hu ghí thive eno qhove.

Apostolmi 26:7

Ashoqhi hipau shikupu keu ithulu niye lajupu akeu lo ningu ashiaye chighikini ye putho-pucho amlotsüqhiyi Alhou qe acheni ke. O Akükau Agrippa! Hipau lajupu ghenguno Jewmi hipaqo no akipimí I tsü anie.

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

Piyeküsü 21:13

Kipelau no khagho küthü, ahuu no küthü, apéu no küthü, eno kulolau no küthü ishi ae.

Piyeküsü 21:15

Kungumi I pütsa keu u lo Akimthe Mishighüna mighi nikeu, tipau khagho ngò aliwo kuputu mighi nikeu ghenguno ameshoyi no mülà keu kimghi küsǘ lakhi pesü ae.

Piyeküsü 21:25

Atsala lakhimu Akimthe Mishighüna khagho hu ye khavemo nani, kughengu tilehi ye àküzǘ tsalà küha nani.

Piyeküsü 22:14

“Khuno no panow tiphiminiqo mithemighei aghíni keno panongu kümghae, tishianguno panongu ye khagho lono Akimthe Mishighüna lo ilolu no aküxüpu süboqo lono axathi chulu nikeu chipiu anani.