Piyeküsü 20:4 - Sümi Tiqhelimi Bible

⁴ I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.

BAIBEL (BSI)

⁴ Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

Sumi Naga CL (Re-edited) Bible (BSI)

⁴ Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

Piyeküsü 20:4 ပူးပေါင်းရင်းမြစ်များ

MATTHEW 19:28

Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

MATTHEW 24:10

Tipau ghuloki lo kutomo no aküpülü pheve no wuve nani eno lakhi no lakhi thechu shi nani eno kimthi kilé nani,

Mark 6:16

Ikemu kughou Herod no hi chilu keno pa no ishi pi, “John, khuu I no akütsü lovetsü keno, pa ye akithí lono xüputhuvae!”

Mark 6:27

Ikehu pa no tipau mütsa no timi pìthíve chekeu lakhi pelo wu no John kütsü lopesü ighi penike azah tsüve. Timi hu no wu püzü akughuki lono John kütsü lovetsü no,

Mark 9:11

Ike panongu no Jisü vilo ishi iniju, “Kushiye ayeza kükütsümiqo ye Elijah paghi ighi moayesa kepi pi cheni kea?”

Luke 1:17

Pa no Ampeu ghenguno paw timi kutò pe qhini ke Elijah gholo achekeu küká eno ghungu vechewo apùnoqo pelo panongu nuliqo lau amlotsüqhiyilu eno agholumo kemiqo pelo achipiu lokütsü lo ighilu penike Ampeu züu no wu nani.”

Luke 14:14

eno no ye kümgha keu ithulu nani. Panongu ye O lochile müla nani ikemu amikuchomi xüleputhu keu tsalà lono O lochileve nani.”

Luke 22:30

tishianguno nongu ye I kükaphu lo I gholo kümtsa chu-sho nani, eno aküka lakhü lo iqa no Israel lagha chighikini shou xakütha shi nani.

John 14:19

Kusho kumo lo ayeghiqha ye ni ithulu kithemove nani, ikemu nongu ye ni ithulu nani. I no xü anike ghenguno nongu ghí xü nani.

Rommi 11:15

Kughengu panongu milive keu no ayeghiqha lo külakishi süghilu aye, panongu ikhiluve keu ye akithí lono aküxü shiluve nani keshea?

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

Piyeküsü 1:2

John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 11:11

Ikemu atsala küthü tüxa thiu Alhou lau no ighi keu aküxü tuthu hu no pama lolo ilove, eno pama ye puthughove, eno pama ithulu kemiqo kümtsü no shishe msàve.

Piyeküsü 11:15

Kungumi akütsüniu no pa fuko küigha kelo kungugha lono asütsa kuloghi ipeghino ishi pie: “Ayeghi lo akükaphu hu ye ningu Mpeu eno paw Messiah kükaphu shivae, eno pa no alhokupuju lono alhokupuju ghenguno ayè pe nani.”

Piyeküsü 11:3

Eno I no iw thopimi kini süküsü shi nani, eno panongu no yeqhiyephi pepusü atsala 1,260 kutólo tungkuptsa pi nani.”

Piyeküsü 11:7

Kughou thopimi pama no pama shepe shitave nike no aqokutho lono tüghashi ipeghi keu no pama sasü kichighi nani, eno pama shou theqhive no pìthíve nani.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 14:11

Eno panongu ghimeqhi akeu michhi no alhokupuju phoiku nani. Khunoqo no tüghashi eno tipau julho mülá momu tüghashi jemichi xapuveni keno pano ghengu ye puchomu puthomu akulhokiqhi do küha nani.”

Piyeküsü 15:2

Eno I no ju akelo ahiju züghi toi keu lakhi lo ami yebide akeu toi ithulu, eno azüghi tipau phivilo khunoqo no tüghashi eno tipau julho eno pa je kikihi shou toluve keno tipaqo no puthugho ae. Panongu ye Alhou no aheo tsü keqo pesü ae

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.

Piyeküsü 2:26

Khuu no tokulu shilu eno ashekha kutólo I pulou shiluni keno, I no shiyeqo shou kükagha tsü nani.

Piyeküsü 20:6

Khunoqo no xülekuthu shikeu atüghiu lo küsajelu keno panongu ye akimthemiqo ke eno panongu ye shishe müghae. Akithí akiniù ye panongu shou aküka küha nani, ikemu panongu ye Alhou eno Khristo’w achinemiqo shi nani eno Khristo gholo ampe qhethonhe lakhi ayè pe nani.

Piyeküsü 22:5

Tilehi khilemu àküzǘ tsalà küha nani. Panongu ye akulu küvü momu khetsünhe küvü avehupu shimo nani, kughengu Ampeu Alhou no panongu küvü shive nani. Eno panongu no alhokupuju lono alhokupuju kutólo ayè pe anani.

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.

Piyeküsü 4:4

Aküka lakhü mukubidi kütau no aküka lakhü hu sühope ae, eno tilehi sakiphemi muchomi mukubidi no iqa ae. Panongu ye miyetsüghoi keu phimini pepua eno panongu kütsü lo ameshoyi no mülà keu aküka kütsükuqho ae.

Piyeküsü 6:9

Kughou Ambeti no mekhapüa keu apunguu khaqhi keno akümlá-khache qhou Alhou tsa pesü asheshu chekemiqo eno amikucho shi ashepe shikeu ghenguno ghiqhive kemiqo ngulho akeu I no ithulu.

Piyeküsü 7:3

“Ningu no ningu Lhou qemiqo kishe lo chishida no amichi shimphi kutólo ayeghi momu azüghi nomu asüboqo shipüsa kevilo.”