Piyeküsü 20:14 - Sümi Tiqhelimi Bible

¹⁴ Tipathiu akithí ngò Hades pama ye pesü ami yizükucho lo vesüve. Ami yizükucho hipau ye akithí akiniù ke.

BAIBEL (BSI)

¹⁴ Tileno akithi ngo kithila yeghiye amiyizulo vesuve. (Amiyizu hipauye akithi akiniuke.)

Sumi Naga CL (Re-edited) Bible (BSI)

¹⁴ Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

Piyeküsü 20:14 ပူးပေါင်းရင်းမြစ်များ

1 Kor. 15:26

Eno aghümi ashekhau kütsave nikeu hu ye akithí ke.

1 Kor. 15:53

Kughengu tsümave nikeu ye tsümavemo nikeu no pa likhi pa pesü küzüluve moayesa nani, eno thiveniküau ghí khilemu thivemo nikeu pe pa küzüluve moayesa nani.

Piyeküsü 1:18

Ni ye xü akeu hu ke; Ni ye thive ke, ikemu itehi ye julo, ni ye alhokupuju lono alhokupuju kutólo xü anani! Eno I no akithí ngò Hades kümaw khayi pesü ani.

Piyeküsü 14:10

panongu ghí Alhou mlo kighide ji ye nani. Alhou mlo kighide jì ye azü lekitemo no mükamüghai pa loghukighide jikhu lo lesüvae. Panongu ye akimthe kungumiqo ngò Ambeti zülo no piti akeu amichu pesü ghimeqhi nani.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 2:11

Aghungu no akukuhouqo vilo kiu piani keno chilu nishi kemiqo pelo chilu pelo. Khunoqo no toluvea keno akithí akiniù ye khilemu pa ghüza müla nani.

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.

Piyeküsü 20:13

Azüghi lo kithimi akeqo hu ye azüghi no pesü tsüve, eno akithí ngò Hades lo kithimi akeqo hu ghí pama no pesü tsüve, eno kithimi hipaqo lakhi-khi lau panongu no mülàpüa keu kiqi lono küghathabeve.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Piyeküsü 20:6

Khunoqo no xülekuthu shikeu atüghiu lo küsajelu keno panongu ye akimthemiqo ke eno panongu ye shishe müghae. Akithí akiniù ye panongu shou aküka küha nani, ikemu panongu ye Alhou eno Khristo’w achinemiqo shi nani eno Khristo gholo ampe qhethonhe lakhi ayè pe nani.

Piyeküsü 21:4

‘Pa no panongu nhethi lono anhezü kümtsü isüve tsü nani. Tilehi khilemu akithí küha nani,’ mloqa keu, aküqa momu aghime kühave nani, kughengu aqau thimeqo ye wovae.”

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

Piyeküsü 6:8

I no ju kelo I zülo phalai keu khurshi lakhi ithulu! Tipau küsáu je ye Akithí, eno pa zübou Hades no kupunukhoi papesü che. Akithí ngò Hades pama pelo akihizüta peitha eno püqümiye, küsükini eno ayeghi lo tüghashiqo peitha püzü ayeghi lo timi saje bidí dolo saje lakhi ye pìthíve pe nikeu küká panongu tsüe.