Piyeküsü 2:13 - Sümi Tiqhelimi Bible

¹³ Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

BAIBEL (BSI)

¹³ Nono khile acheni keno Satan kuka lakhu ghi tile anipi ino ithi ani. Noye ije mutotoi tsuqupe cheni eno kughou nongu gholono ishepekishiu, ino pukhukulu Antipa ghiqhiveke tsala ghulokilo ghi, Satan no achekeulo, noye ishou akupulu achekeu phevemoe.

Sumi Naga CL (Re-edited) Bible (BSI)

¹³ “‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

Piyeküsü 2:13 ပူးပေါင်းရင်းမြစ်များ

MATTHEW 10:23

Kughou a-a lakhi lo nongu pishi-pujuni keno, a-a kütau pove lo. Kuchou no I no nongu vilo pìní, nongu no Israel lo mishiphuqo lo wukha mphi lono timi nu ye ighive nani.

MATTHEW 24:9

“Tishi no nongu ye pishi-puju eno pìthíve penike pesü tsüve nani, eno shiyeqo kümtsü no I ghenguno nongu mithi nani.

MATTHEW 4:10

Jisü no pa vilo pi, “I lau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthu lo.’”

Luke 21:17

I ghenguno timi kümtsü no nongu mithi nani.

Apostolmi 22:20

Eno kughou Stephen no O pülü keu ghenguno pìthíve keu jì pele akeno, ni ye tile puthugho no puloküqha tsü ake eno pa heqhipithí akemiqo tiphimini jukuto tsü ake.’

Apostolmi 9:14

Eno pa ye achinetou lau no azah luve no hilau O je ku aghí kemi kümtsü küghaluve niye ighi anie.”

1 Thes. 5:21

ikemu tipaqo kümtsü peju lo; kiu no akivi keno tipau shichelo,

1 Tim. 5:8

Khukhumu pano bolomiqo tuchomo eno akhotoshi pa likhi pa kibolomi vehupuqo kuphu tsümo keu ye aküpülü milivae eno pülümo kemi lakhi nguno alhoküsau ke.

2 Tim. 1:13

Nono I lau no kiu chilu keno tipau no kuchou kükütsü ghola kepi papelo eno tipau gholo aküpülü eno Khristo Jisü kikimiye lono xülo.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

IBRIMI 10:23

Ningu ye khilemu iqemo no ningu no piche keu lajupu tsüqüpeni nolo, kughengu Alhou ye pa no piqhipüa keu lo pükhükulu shi cheni ke.

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

James 2:7

Nongu no pülü chekeu akivimi je pipütha akeu ye panongu ke kumo keshea?

Piyeküsü 11:3

Eno I no iw thopimi kini süküsü shi nani, eno panongu no yeqhiyephi pepusü atsala 1,260 kutólo tungkuptsa pi nani.”

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 13:2

I no tüghashi ithulu keu ye angushuu mihi ke, ikemu pa pukhu ye ava pukhu toi eno akichi ye abongushuu kichí toi ke. Tüghaküsa no pa küká eno pa küká lakhü eno kükagha kijè pesü tüghashi hu tsüe.

Piyeküsü 14:12

Hiye Alhou’w timi khunoqo no Alhou zakütsü pape cheni eno Jisü lau amikucho shi cheni keno panongu sheamzü lo kheakulu shi kutuulu peniye piakeu lakhi ke.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 17:6

Totimi hu ye Alhou’w akimthemi khunoqo no Jisü shepe shiche keno tipaqo jì shomzüpüsü akeu I no ithulu. Kughou I no li ithulu keno, ni ye ighono akümzave.

Piyeküsü 2:2

I no O kümlàqo, nono ime mülà akeu eno nono tsükhoi shi akeu ithi ani. No ye küsaküghamiqo lau küsüqhilu chemo keu I no ithi ani eno nono apostolmi kumomu apostolmi kepi pükha chekemiqo peju no panongu ye kichileu kepi phupheluve keu ghí I no ithi ani.

Piyeküsü 3:11

Ni ye itheno cheni. Nono kiu pe ani keno tipau tsüqüpe ngo lo, tishianguno khiu pelomu O kütsükuqho ikhiluve pemo nike.

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.