Piyeküsü 19:7 - Sümi Tiqhelimi Bible

⁷ Ningu alovisheni eno alovini eno ajuküvü pa tsüní nolo! Kughengu Ambeti’w külakupu ye ighivae, eno paw külaliu ye kutò pe ngovae.

BAIBEL (BSI)

⁷ Ningu alokiqishi alovini nolo; paye shishe kije kehu ninguno pa sheqheni nolo! Kughengu Bheriti wu kulakupu ghuloki ighivae, pawu kulaliuye tipau ghenguno kutopesu ngoluvae.

Sumi Naga CL (Re-edited) Bible (BSI)

⁷ Ningu alovi ilheni eno ajuküvü pesü Pa tsüni nolo kughengu Ambetiw külakupu do ighivae eno Paw külaliu ye kutope ngovae;

Piyeküsü 19:7 ပူးပေါင်းရင်းမြစ်များ

MATTHEW 1:20

Ikemu pa no hipau kümsüluve kethiu, Ampeu’w kungumi lakhi no asamou no pa lau ipeghino pi, “David nu Joseph, Mary pesü O nipu shini keu lo msà kevilo, kughengu li no mishí chekeu ye Aghungu Kimthe lono ke.

MATTHEW 22:2

“Kungugha kükaphu ye akükau lakhi no panu ghenguno külakupu ghulhu kutò pe qhi keu toi ke.

Luke 12:36

tiye aqemiqo no panongu mpeu no külakupu ghulhu lono ideighi püzü kughou ahukikha kukhu nike no paikhavi khaqhisü tsü niye ngokhe ake toi shilo.

John 3:29

Külaliu ye külapu’w ke. Shompami khuu no külapuu khe eno ini cheni keno pa ye kughou külapuu sütsa chiluni keno alokiqi no chhitoive cheni. Alokivi tipau ye iw ke eno tiye kupukülaivae.

2 Kor. 11:2

Ni ye Alhou lau no ighi keu nhekushu pesü nongu ju anheshu anie. Ni ye nongu pesü Khristo lau akimthe athathe lakhi toi tsü nike ghenguno Khristo pelo nongu kimi lakhi toi shipe nike I no pikiqhi shike.

Ephesiami 5:23

Kughengu Khristo no akukuhou kütsü kehu toi akimi lakhi ye anipu shou akütsü ke, eno akukuhou khikhi pa phimpi keno, Khristo no tipau Xakuluu ke.

Ephesiami 5:32

Hiye ighono tuqhou lakhi ke—ikemu ni ye Khristo eno akukuhou ghili pi anike.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

Piyeküsü 11:13

Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.

Piyeküsü 19:9

Tipathiu kungumi hu no I vilo ishi pi, “Hipau yè lo: Ambeti wu külakupu ghulhu lo khunoqo kusüni keno tipano kümghae!” Eno pa no I vilo hi ghí pi, “Hipaqo ye Alhou’w kuchou tsaqo ke.”

Piyeküsü 21:2

Eno Akimthe Mishighüna, khikhi Jerusalem akitheu keno, kungugha lo Alhou lau no iqi chekeu I no ithulu eno tiye külaliu no li kimi shi niye akeu ghenguno jukivi shi aghili kutò pesü akeshi iqighie.

Piyeküsü 21:9

Kungumi tsünì dolo püsa tsünì no abohu tsünì chhitoi shi pesü akeu no ighi püzü I vilo ishi pi, “Ighilo, I no külaliu, Ambeti nipu O pìye nike.”