Piyeküsü 19:10 - Sümi Tiqhelimi Bible

¹⁰ Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”

BAIBEL (BSI)

¹⁰ Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

Sumi Naga CL (Re-edited) Bible (BSI)

¹⁰ Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Piyeküsü 19:10 ပူးပေါင်းရင်းမြစ်များ

MATTHEW 4:10

Jisü no pa vilo pi, “I lau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthu lo.’”

Mark 5:22

Tishi akelo synagog lo sakiphemi lakhi Jairus ipikeu ighi, eno kughou pa no Jisü ithulu keno, pa ye Jisü pukhu phivilo iluikiqive.

Mark 7:25

Topumi lakhi ye Jisü ghili chilukhavi ighi püzü Jisü pukhuphi lo itsaqiluve. Li ngá ye mithekumo ghungu no tsüghape acheke.

Luke 1:19

Kungumi no pa vilo pi, “Ni ye Gabriel ke. Ni ye Alhou phivilo puthugho acheni eno I pelo O pütsa eno asütsa kivi hipau O vilo pipe nike I puwu ke.

Luke 24:44

Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

John 5:39

Nongu no azükini shi Kuchoyesüqo phi cheni kughengu nongu no tilehi no lhokta küxü ani pi kümsü cheni ke. Kuchoyesü hipaqo no I shepe shitsü ani,

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

Apostolmi 13:27

Jerusalem lo xüküami eno ayekipemiqo ye Jisü ikhilumove ke, tishimu pa kiléqhive keu lono panongu no Sabbath tsalà atsütsǜ lo tungkupumi no pikeu tsa phisü chekeu shikupuve ke.

2 Kor. 8:7

Ikemu nongu no aküpülü lo, atsapi lo, akighithi lo, pulopiniyi keu lo eno ningu no kikimiye nongu lolo küyiqü tsü keu thowkha kümtsü lo akiqheu shi akeu ghenguno tsükini-jekini kümlà hipau ghí akiqheu shini ke jukuto lo.

Ephesiami 5:15

Tishiaye, nongu ye kíshi xü acheni keno jukuto lo—nikhanighami toi xü kepu kumo ikemu alokütsümi shi xülo,

Ephesiami 5:33

Tishi namu, nongu lakhi-khi no nongu likhi nongu kimiye ketoi nongu nipu kimiye moayesae, eno anipu ghí li kimi gihu moayesa ke.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

1 Thes. 5:15

Khumu alhoküsa pesü alhoküsa lochile pemo nike jukuto lo, eno alhokuthu lo kiu no kütami eno kümtsü kivipu keno tipau shini keu pükapütsalo.

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

IBRIMI 12:25

Nongu ye khuu no atsa pi cheni keno pa milimo nike jukuto lo. Kughou ayeghi lo khuu no panongu pikichi keno pa milive keu lo ghí pokajo mülave aye, ningu ye kíshi no khuu kungugha lono ningu pikichi cheni keno pa lau no tsüghüsü wuve no polu nani kea?

1 John 5:10

Khukhumu Alhou Nu shou pülü keu ye ashepe hipau ikhilu cheni. Khukhumu Alhou shou pülübemo keu ye Alhou pesü kimkimi lakhi shive tsü ani, kughengu panongu ye Alhou no pa Nu ghili ashepe tsü akeu pülübemo ke.

1 John 5:21

Kimiye chekemi anuliqo, thime khipaqo no Alhou theli lo nongu mlo lo ngo luvi keno tipaqo lau putosü pe achelo.

Piyeküsü 1:1

Piyeküsü hipau ye Jisü Khristo lau no ighike. Hiye paikhavi lono kiu shive niye ani keno Alhou no Jisü Khristo qemiqo lau pìye penike ghenguno Jisü Khristo tsü keu ke. Pa no paw kungumi puwu keu vechewo pa qeu John pelo ithilu pe ke.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

Piyeküsü 12:17

Tipathiu tüghaküsa ye totimi hu ju pesü aghaideve no li nuli-kughukomi khijehi ani keno tipaqo sasü aghüshi niye wuve. Li po lo kughukomiqo ye Alhou zakütsü pape chekemi eno akumto shi Jisü shepe shi chekemiqo ke.

Piyeküsü 14:7

Pa no asütsa kuloghi lakhi lono ishi pi, “Alhou sümsa lo eno ajuküvü pesü pa tsülo, kughengu paw küghakütha do hu ye ighivae. Kungugha, ayeghi, azüghi eno azüpuki lhosü keu Lhou mülá lo.”

Piyeküsü 15:4

Ampeu, khuu no O msàmoni kea, eno khuu no O je sheqhe tsümoni kea? Kughengu O likhi no akimthe ke. Shiye kümtsü no O zülo ighino O mülá nani, kughengu O chipiumikucho kümlà ye pephe-piyeva ke.”

Piyeküsü 19:9

Tipathiu kungumi hu no I vilo ishi pi, “Hipau yè lo: Ambeti wu külakupu ghulhu lo khunoqo kusüni keno tipano kümghae!” Eno pa no I vilo hi ghí pi, “Hipaqo ye Alhou’w kuchou tsaqo ke.”

Piyeküsü 4:10

sakiphemi muchomi mukubidi no aküka lakhü lo iqa akeu zülo qhoqhünheluve no alhokupuju lono alhokupuju kutólo xü acheni keu mülá ke. Panongu no aküka lakhü zülo panongu küká kütsükuqho lhaqhi no ishi pi: