Piyeküsü 14:13 - Sümi Tiqhelimi Bible

¹³ Tile no kungugha lono asütsa lakhi no ishi pikeu I no chilu, “Hipau yè lo: Hinguno hilau ye khunoqo no Ampeu lono thiveni keno panoqo kümghae.” “Iyei, panongu ye panongu kümlà lono akulhoqhinia ke, kughengu panongu kümlà kivi no panongu pape nani ke,” ipi Aghungu no pi.

BAIBEL (BSI)

¹³ Tileno kungugha lono asutsa lakhi ishi pikeu ino chilue: “Hipau yelo, hinguno hilauye Ampeu huthukeu lono thikemiqo lokivipuke.” Aghungu no ishi khochile, “Mutsuqheyino tishike. Timi tipaqoye panoqono shishe ichhe ime chekeu lono akulho qhilupeniyeke, kughengu panongu kumlano panoqo pape cheni!”

Sumi Naga CL (Re-edited) Bible (BSI)

¹³ Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”

Piyeküsü 14:13 ပူးပေါင်းရင်းမြစ်များ

MATTHEW 3:17

Eno kungugha lono asütsa lakhi ishi pi, “Hiye I no qhuivü chekeu I nu ke; ni ye pa shou I mlokiqi achenie.”

Luke 16:25

“Ikemu Abraham no ishi khochile, ‘Anu, Lazarus no shiluküsa shi ache kelo no ye O küxü kupuju akivi nhemgha ithulu chekeu kümsüchilelu lo, ikemu itehi Lazarus ye hilau alokughuno shi ani eno no ye ime anie.

Luke 16:9

I no nongu vilo pìní, ayeghi lo küakini pesü ow shompami kighishelu lo, tishianguno kughou ti kühaveni keno lhokta kungo-a lo O sasü nani ke.

Rommi 14:8

Ningu no xü aye, Ampeu ghenguno xü anie; eno ningu no thive aye, Ampeu ghenguno thini. Tighenguno ningu no xüna thi namu, ningu ye Ampeu’w ke.

1 Kor. 15:18

Tishiaghi ke aye Khristo pülü che no zü akemiqo ghí pühavae.

1 Kor. 15:20

Ikemu Khristo ye mütsüqhei no akithí lono xüputhuvae. Pa ye kithimi xüputhu niye akemiqo dolo amsüu ke.

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

2 Kor. 5:8

I no piakeu eno ningu no pülüqhiyi akeu ye aphimpi qhive no Ampeu gholo aní keu no ningu pulou ke.

FILIPIAMI 2:17

Ikemu tsalá nongu kümlagho eno akümlà lono nongu küpülü vechewo ni ye atsaiji leqhipe mülá nikeu lakhi toi akipti-a lo ikhiphe pe tsüve kepu shi namu, ni ye alokivishi nani eno nongu kümtsü gholo alovi küqha nani.

1 Thes. 4:14

Kughengu ningu no Jisü ye thive eno xülethuve kepi pülü cheni, ikehu ningu no pülü chekeu ye khunoqo Jisü pülü che no thive keno Alhou no Jisü akiniù ideighi kelo pa gholo no tipaqo xüputhu nani.

1 Thes. 4:16

Kughengu Ampeu ampi no ighamuku azah tsü ghi, kungumi atou sütsa eno Alhou ku akeu fuko küigha ghi kungugha lono ikighi nani eno Khristo pülü che no thive kemi paghi xüputhu nani.

1 Thes. 5:10

Pa no ningu ghenguno thive ke, tishianguno ningu no ithu aghina zü aghí namu ningu pelo pa gholo xüpe niye ke.

1 Tim. 5:24

Timi khami xiné ye mütsüqhei ke, eno panongu xiné no panongu sasü azüu no küghakütha-a tove cheni; ikemu kütami xiné ye athiu no ithulu keu shi cheni.

1 Tim. 5:25

Tipau tho lono akümlà kivi ye mütsüqhei ke, eno mütsüqheimo keqo ghí alhokuthu ghenguno küsüpe püa müla nani.

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 10:4

Eno kughou tsütsü-küsü tsünì hu no atsa pi keno I no yè niye shia; ikemu kungugha lono asütsa lakhi ishi pikeu I no chilu, “Tsütsü-küsü tsünì no kiu pi keno tipau mekhavelo eno tipau yèpeqhi kevilo.”

Piyeküsü 11:15

Kungumi akütsüniu no pa fuko küigha kelo kungugha lono asütsa kuloghi ipeghino ishi pie: “Ayeghi lo akükaphu hu ye ningu Mpeu eno paw Messiah kükaphu shivae, eno pa no alhokupuju lono alhokupuju ghenguno ayè pe nani.”

Piyeküsü 11:19

Tile no kungugha lo Alhou chineki khaqhive, eno achineki alou paw puloshoqhi bohu akeu ithulu pe. Tile no tsütsüpha kulo ipeghi eno kong-kong shi tsütsü-küsü shi, ayeghi küghütha eno shishe murasü qie.

Piyeküsü 16:17

Kungumi akütsüniu no pa bohu pesü amlhü lo lepuku, ikelo achineki lo aküka lakhü lono asütsa kijè lakhi ipeghino ishi pi, “Hiye tavae!”

Piyeküsü 19:9

Tipathiu kungumi hu no I vilo ishi pi, “Hipau yè lo: Ambeti wu külakupu ghulhu lo khunoqo kusüni keno tipano kümghae!” Eno pa no I vilo hi ghí pi, “Hipaqo ye Alhou’w kuchou tsaqo ke.”

Piyeküsü 2:1

“Ephesus lo akukuhouw kungumi lau yèlu ani: Atsa hipaqo ye au ajeu ayepu tsünì pesü akeu eno ameshoyi no mülà keu akulu ghopeqhi püakeqo dolo alà che akeu tsa ke.

Piyeküsü 2:7

Aghungu no akukuhouqo vilo kiu piani keno chilu nishi kemiqo pelo chilu pelo. Khuu no toluvea keno pa pelo Alhou ghuno-a lo aküxüpu sübo akeu lono chulu pe nikeu I no azah tsü nani.

Piyeküsü 20:6

Khunoqo no xülekuthu shikeu atüghiu lo küsajelu keno panongu ye akimthemiqo ke eno panongu ye shishe müghae. Akithí akiniù ye panongu shou aküka küha nani, ikemu panongu ye Alhou eno Khristo’w achinemiqo shi nani eno Khristo gholo ampe qhethonhe lakhi ayè pe nani.

Piyeküsü 21:5

Aküka lakhü lo iqa akeu hu no ishi pi, “I no thowkha akithé shitsü anie!” Tisheno pa no I vilo hi ghí pi, “Hipau yè lo, kughengu atsa hipaqo ye pükhübekulupu eno kuchou ke.”

Piyeküsü 22:17

Aghungu eno külaliu no ishi pi, “Ighilo!” Khuno no chilu ani keno, “Ighilo!” pilo. Khuno no tüghüthi ani keno ighi pelo; eno khuno no aküxüpu zü kümsá ghò lunishi ani keno ikhilu pelo.

Piyeküsü 6:11

Tipathiu panongu kümtsü chijeboboi-phi miyetsüghoi keu lakhi-khi tsü, eno panongu vilo panongu küsàmi aqemi eno athiküzümi ngò achelimiqo kümtsü panongu toi pìthívemo ke kutólo ado kitila ngokhe aghílo ipive.