Piyeküsü 13:16 - Sümi Tiqhelimi Bible

¹⁶ Ajulho tipau no anguka shi kijemi ngò kitilami, kiními ngò athokhami, kuqhopheve kemi ngò aqüaxemi kümtsü pelo panongu u ajeu momu panongu kishe lo amichipu chishida pe nikeu shie,

BAIBEL (BSI)

¹⁶ Tughashi huno timi kijemi kitilami, kinimi kumlhomi, timiqemi timi qechemokemi kumtsu pelo panoqo uajeu momu akishelo amchi lakhi shipupe nikeu shie.

Sumi Naga CL (Re-edited) Bible (BSI)

¹⁶ Tüghashi huno itaghi kijemi kitilami, kinimi kumlhomi, tsügha püakemi ililai kemi kümtsü pelo au ajeu momu akishe lo amichi shipeni keu shive,

Piyeküsü 13:16 ပူးပေါင်းရင်းမြစ်များ

Apostolmi 26:22

Ikemu Alhou no ishí tsalà kutólo I kuphutsü ke; tishikehu ni ye hilehi puthugho no kijemi ngò kitilami kümtsü lau I shepe tsülu ani. Ni ye tungkupumiqo ngò Moses no kiu shi nani keno pitsü keu nguno alau ye kiumu alá piamoe, tiye—

1 Kor. 12:13

Kughengu ningu no Jewmi momu Jewkumomi shi aghina, aqüaxemi momu kuqhopheve kemi shi aghí namu aphimpi lakhi shive penike ghenguno ningu kümtsü Aghungu lakhi lono baptiz shike eno ningu kümtsü lau Aghungu lakhi tsüke.

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Galatiami 6:17

Hinguno hilau ye, khumu I pünaqhi pe kevilo, kughengu I phimpi lo Jisü zakuqo xapu anike.

Ephesiami 6:8

kughengu panongu no aqüaxemi shi aghina momu kuqhopheve kemi shi aghí namu Ampeu ye panongu no kiu akivishi keno tipau ghenguno timi lakhi-khi qesaxu tsü nani kepi nongu no ithi anie.

Kolosiami 3:11

Alhoaye akitheu küxü hipau lo ye Jewmi momu Jewkumomi, aphighüyiko ghave kemi momu aphighüyiko ghamo kemi, ayekümthami, Scythiami, aqüaxemi momu kuqhopheve kemi kühae, ikemu Khristo no kümtsü nguno akhotou eno pa ye kümtsü lolo anike.

2 Tim. 3:8

Jannes ngò Jambres pama no Moses lachile ketoi, kükütsümi hipaqo ghí kuchou lachile cheni. Panongu ye shipüsa keu kükümsü xapu chekemi timiqo eno Aküpülü vehu lo kiumu ameküha ke.

Piyeküsü 11:18

Shiyeqo ye amloide ake, ikemu O loghukighide hu ye ighivae. Kithimi shou küghathabe nikeu eno pa qemi ngò tungkupumiqo kijè lono kitila kutólo eno ow timi O je gihu chekemiqo qesaxu tsüní keu eno khunoqo no ayeghi kütsave keno tipaqo kütsave nikeu do ighivae.”

Piyeküsü 15:2

Eno I no ju akelo ahiju züghi toi keu lakhi lo ami yebide akeu toi ithulu, eno azüghi tipau phivilo khunoqo no tüghashi eno tipau julho eno pa je kikihi shou toluve keno tipaqo no puthugho ae. Panongu ye Alhou no aheo tsü keqo pesü ae

Piyeküsü 19:18

tishianguno nongu pelo kükamiqo, ghüshimiqo shou atou eno aghütomiqo, khurshi eno tipau küsámiqo, kuqhopheve kemi eno aqüaxemiqo, kijemi eno kitilami kümtsü shi chu peniye ke.”

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 19:5

Tisheno aküka lakhü lono asütsa lakhi no ishi pi: “Nongu pa qemi kümtsü, nongu pa sümsa chekemiqo, kijemi kitilami kümtsü ningu Lhou sheqhelo!”

Piyeküsü 20:12

Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.

Piyeküsü 6:15

Tipathiu ayeghi lo kükamiqo, kükapumiqo, ghüshimi shou kijemiqo, kiními, akughushumi, aqüaxemi eno kuqhopheve kemi kümtsü no atuki ngò naghuto lo atuquqo dolo itshüwu khave.

Piyeküsü 7:3

“Ningu no ningu Lhou qemiqo kishe lo chishida no amichi shimphi kutólo ayeghi momu azüghi nomu asüboqo shipüsa kevilo.”