Piyeküsü 13:15 - Sümi Tiqhelimi Bible

¹⁵ Tüghashi atüghiu julho lo athuthu tsülu kepu küká pesü tüghashi akiniù tsüe. Tishianguno ajulho pelo atsa pilu pe eno ajulho mülámo kemiqo kümtsü pìthíve peniye ke.

BAIBEL (BSI)

¹⁵ Tughashi akiniu pelo tughashi atughiu julho shisu keulo atuthu sutsukulupu kuka pesu tsu, tishianguno tughashi julho pelo atsa ghi pikulupu shipeniyeke eno khunoqono tipau mllamo nikeno tipaqo pithive peniyeke.

Sumi Naga CL (Re-edited) Bible (BSI)

¹⁵ Eno ti tüghashi julho lau atuthu shesütsü penike azah pa tsü, tishianguno ajulho no atsau ghi pilu, eno khunono tipau mllamo keno pithive peniye ke.

Piyeküsü 13:15 ပူးပေါင်းရင်းမြစ်များ

James 2:26

Aghungu küha keu phimpi ye akithí kehu toi, akümlà küha keu küpülü ye akithí ke.

Piyeküsü 13:1

Tüghaküsa hu no azüghi mükü lo puthugho ae. Ikelo azüghi lono tüghashi lakhi ipeghi keu I no ithulu. Tüghashi tipau ye akibò chighí eno akütsü tsünì eno, pa kibò lo akütsükuqho chighí ake, eno akütsü kümtsü lo pipütha keu je lakhi-khi ae.

Piyeküsü 13:12

Pa no tüghashi atüghiu züqhu shi kükagha kümtsü peitha ke, eno ayeghi eno tile xüküami kümtsü pelo tüghashi atüghiu mülá pe. Tüghashi atüghiu ye akithipu ghüza lono viluve keu hu ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 14:11

Eno panongu ghimeqhi akeu michhi no alhokupuju phoiku nani. Khunoqo no tüghashi eno tipau julho mülá momu tüghashi jemichi xapuveni keno pano ghengu ye puchomu puthomu akulhokiqhi do küha nani.”

Piyeküsü 14:9

Kungumi aküthüu no asütsa kuloghi lakhi lono ishi pi: “Khuala no tüghashi eno tipau julho mülá eno panongu kishe momu panongu u lo tüghashi michipu xapuve aghí aye,

Piyeküsü 16:2

Kungumi atüghiu no wu püzü pa bohu pesü ayeghi shou lepuku, eno tüghashi kikihi michi pua kemiqo ngò tüghashi julho mülá ache kemiqo shou anikupu piyí juküsapu shi ipeghie.

Piyeküsü 16:5

Tile no azü jukuto akeu kungumi hu no ishi pikeu I no chilu: O Akimtheu, nono hipaqo shou küghakütha shikeu ye achipi ke, No ye achekeu eno acheghi keu ke;

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 17:17

Kughengu Alhou tsaqo shikupumo ke kutólo Alhou no pa kimiji shikupu nike ghenguno kükami chighí mlo pütsave tsü püzü panongu pelo panonguw kükagha pesü tüghashi u lo sǘvetsü nikeu lo puloluve pe nani.

Piyeküsü 17:6

Totimi hu ye Alhou’w akimthemi khunoqo no Jisü shepe shiche keno tipaqo jì shomzüpüsü akeu I no ithulu. Kughou I no li ithulu keno, ni ye ighono akümzave.

Piyeküsü 18:20

“Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Piyeküsü 18:24

Babylon mishighüna lono tungkupumiqo ngò Alhou’w akimthemi ayeghiqha lo ghiqhive keqo kümtsü jì aghíe.”

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.