Piyeküsü 12:17 - Sümi Tiqhelimi Bible

¹⁷ Tipathiu tüghaküsa ye totimi hu ju pesü aghaideve no li nuli-kughukomi khijehi ani keno tipaqo sasü aghüshi niye wuve. Li po lo kughukomiqo ye Alhou zakütsü pape chekemi eno akumto shi Jisü shepe shi chekemiqo ke.

BAIBEL (BSI)

¹⁷ Dragon ye atotiu lau shishe aloghu ideve eno atotiu tikughukomi, khunoqono Alhou no ahza tsukeu pecheni eno Jisu shepe shichenikeno tipaqo sasu aghushiniye wuve.

Sumi Naga CL (Re-edited) Bible (BSI)

¹⁷ Tileno dragon ye atotiu jupe axuideve no li polo kughukomi khunono Alhou zakütsü pecheni eno Jisü shepe shicheni keno kümtsü sasü aghü shiniye wuve.

Piyeküsü 12:17 ပူးပေါင်းရင်းမြစ်များ

MATTHEW 28:20

eno I no azah nongu tsüve keu kümtsü papelu penike panongu kütsü tsülo. Eno ni ye kuchou no, ashekha ghuloki kutólo pülhapuju nongu sasü ache nani.”

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

1 Kor. 2:1

Athiküzümi eno achelimiqo, kughou I no nongu lau ighi keno ni ye atsapikithi momu timi lokütsü lono Alhou’w tuqhou ghili pesü asheshu ighimoe.

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

1 John 2:3

Ningu no pa zakütsüqo pelu aye ningu ye pa ithivea kepi mütsüqheilu anike.

1 John 5:10

Khukhumu Alhou Nu shou pülü keu ye ashepe hipau ikhilu cheni. Khukhumu Alhou shou pülübemo keu ye Alhou pesü kimkimi lakhi shive tsü ani, kughengu panongu ye Alhou no pa Nu ghili ashepe tsü akeu pülübemo ke.

1 John 5:2

Ningu ye Alhou nuliqo kimiye cheni kepi ningu no hitoi ithi cheni: tiye Alhou kimiye keu eno pa zakütsüqo papelu keu vechewo no ke.

Piyeküsü 1:2

John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 11:7

Kughou thopimi pama no pama shepe shitave nike no aqokutho lono tüghashi ipeghi keu no pama sasü kichighi nani, eno pama shou theqhive no pìthíve nani.

Piyeküsü 12:16

Ikemu ayeghi no pa kichí mukuluve püzü tüghaküsa no pa kichí lono aghoki zü toi puqule keu hu munove tsü eno totimi hu kuphuve tsü.

Piyeküsü 13:7

Alhou’w akimthemiqo sasü aghüshi no panongu shou toluve pe nikeu küká pesü tüghashi hu tsüpüa. Eno ashiaye jeli, timi jeli, atsa jeli piche kemiqo, eno shiye jeli kümtsü shou aye pelu pe nikeu kükagha pa tsüpüa.

Piyeküsü 14:12

Hiye Alhou’w timi khunoqo no Alhou zakütsü pape cheni eno Jisü lau amikucho shi cheni keno panongu sheamzü lo kheakulu shi kutuulu peniye piakeu lakhi ke.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 17:6

Totimi hu ye Alhou’w akimthemi khunoqo no Jisü shepe shiche keno tipaqo jì shomzüpüsü akeu I no ithulu. Kughou I no li ithulu keno, ni ye ighono akümzave.

Piyeküsü 18:20

“Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”

Piyeküsü 19:19

Tile no tüghashi ngò ayeghi lo kükamiqo eno panonguw ghüshimiqo no khurshi küsáu eno paw ghüshimiqo sasü aghüshi niye aqoshi kumqo akeu I no ithulu.

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.

Piyeküsü 22:14

“Khuno no panow tiphiminiqo mithemighei aghíni keno panongu kümghae, tishianguno panongu ye khagho lono Akimthe Mishighüna lo ilolu no aküxüpu süboqo lono axathi chulu nikeu chipiu anani.

Piyeküsü 6:9

Kughou Ambeti no mekhapüa keu apunguu khaqhi keno akümlá-khache qhou Alhou tsa pesü asheshu chekemiqo eno amikucho shi ashepe shikeu ghenguno ghiqhive kemiqo ngulho akeu I no ithulu.