Piyeküsü 11:8 - Sümi Tiqhelimi Bible

⁸ Pama sükumo ye mishighüna kuloghi lo mìshí kumqo chekeu-a lo qhi nani. Mishighüna ajekipiu hu ye aholetsau no Sodom eno Egypt ipi ku cheni. A-a hipau lono pama Mpeu ghí yedapithive ke.

BAIBEL (BSI)

⁸ eno pama sukumoye aphughi khilehino panongu Mpeu yedapithive keno tipau laghilalo anani. Aphughi tipauye aholetsauye Sodom momu Ijip.

Sumi Naga CL (Re-edited) Bible (BSI)

⁸ eno pama sükumo ye aphughi khileno pano Mpeu yeda pithive keno, akiqipu tsa shi ghi Sodom eno Egypt ipi chekeu phughi laghi lo qhinani.

Piyeküsü 11:8 ပူးပေါင်းရင်းမြစ်များ

MATTHEW 10:15

Kuchou no I no nongu vilo pìní, küghakütha tsalà lo mishiphu tipau ye Sodom ngò Gomorrah nguno alau ghimeqhi nani.

Apostolmi 9:4

Pa ye ayeghi lo ilu iqive eno asütsa lakhi no ishi pa vilo pikeu chilu, “Saul, Saul, no ye kushiye ni pishi-puju cheni kea?”

IBRIMI 13:12

Tighenguno Jisü ghí timiqo pelo pa jì vechewo mithelu penike ghenguno mishighüna khagho khalau no aghime shike.

IBRIMI 6:6

eno khunoqo no ikiqivea keno, tipaqo saideghi püzü amlo pebideve pe nikeu ye kushokütsüpu ke. Panongu haküsapu shi panongu ye itaghi huthu kithethu shi Alhou Nu yedapithi ani eno mìshí zülo no pa shikukujo anie.

2 Peter 2:6

pa no Sodom ngò Gomorrah mishighüna küma piti pesü ayevǜ kughulhove no kiléqhive eno alhou kümthami lau kiu shive nani keno panongu vechewo kiche-kipiye shi aye;

Jude 1:7

Tipau ghola lono, Sodom ngò Gomorrah eno tipau sükümxa lo mishiphuqo ye kipito xüküpsa ngò kimthe kumo lau panongu likhi panongu pesü tsüke. Panongu vechewo no lhokta miyizü ghime kütsüw kiche-kipiye lakhi shitsü ke.

Piyeküsü 11:13

Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.

Piyeküsü 11:9

Atsala küthü tüxa kutólo timi jeli, ashiaye jeli, atsa jeli piche kemiqo eno shiye jeli lono timiqo no pama sükumo lo jupuku nani eno pama qhove pe nikeu lakükha shi nani.

Piyeküsü 14:20

Panongu ye mishighüna nguno khalau no atsaizü kütsüghǜ-a lono tsüghǜve, ikelo ajì no akütsüghü-a lono qò ipeghi. Ike tiye khurshi kichí kükha toi akushu láu Kilometer 300 kutólo qhemghai ikughia ke.

Piyeküsü 14:8

Kungumi akiniù no atüghiu papesü ighino ishi pi, “ ‘Babylon ajekipiu ye Ikiqivae! Ikiqivae!’ Li no shiye jeli kümtsü pelo li shi-aji ghasükümla ji ye pe ke.”

Piyeküsü 16:19

Ayeghi küghütha no Babylon mishighüna hu ye kokütha küthü shi kijethave tsü, eno ayeghiqha lo mishighünaqo kutomo ikiqive no kubopiniyive. Alhou no Babylon Ajekipiu kümsülu no paw muqhumüzai keu loghukighidew aji pesü ajikhu chhitoi sü no li pelo shope.

Piyeküsü 17:1

Kungumi tsünì dolo abohu tsünì pe akeu no ighino I vilo ishi pi, “Ighilo, kütüqhaliu ajekipiu khuu azüghi kutomo phivilo iqa acheni keno li ghimeqhi niye akeu I no O pìye nike.

Piyeküsü 17:18

Nono totimi ithulu keu hu ye ayeghi lo kükamiqo shou ayè pe achekeu mishighüna ajekipiu ke.”

Piyeküsü 17:5

Li kishe lo aje yèpüa keu hu ye tuqhou lakhi ke: Babylon ajekipiu kütüqhamiqo eno ayeghi lo aphikümqhüpu kümtsü pazá.

Piyeküsü 18:10

Li ghimeqhi akeu jupe akichiqhive no panongu ye putou puthugho no hitoi qa nani: “ ‘Ahasapue! Mishighüna ajekipiu, O Babylon mishiphughi akughushuu! O ghenguno ahasapue! Ayì kihedo lakhi dolo no O ghenguno kishekha tsalà ighivae!’

Piyeküsü 18:18

Kughou panongu no li pitiqhi akeu michhi ithuluni keno, panongu no ishi igha nani, ‘Mishighüna ajekipiu hipau toi keu mishighüna lakhimu ache keshea?’

Piyeküsü 18:2

Asütsa kuloghi lakhi lono pa no ishi igha: “ ‘Babylon ajekipiu ye ikiqivae! Ikiqivae!’ Li ye tüghamiqo ghenguno akùngó-a lakhi shivae eno mithekumo ghungu kümtsü, mithekumo ghau kümtsü, mithekumo eno junishimo keu lhoxü kümtsü küghütshü-a lakhi shivae.

Piyeküsü 18:21

Tile no kungumi kumto lakhi no athi kütsüghǜ tuqu qhemi atu kijè lakhi ikhipesü azüghi lo vesüve, eno ishi pi: “Mishighüna ajekipiu Babylon ye khilemu ithulu kithe müla kepu shi hitoi muqhumüzai vepiqive nani.

Piyeküsü 18:24

Babylon mishighüna lono tungkupumiqo ngò Alhou’w akimthemi ayeghiqha lo ghiqhive keqo kümtsü jì aghíe.”