Piyeküsü 11:19 - Sümi Tiqhelimi Bible

¹⁹ Tile no kungugha lo Alhou chineki khaqhive, eno achineki alou paw puloshoqhi bohu akeu ithulu pe. Tile no tsütsüpha kulo ipeghi eno kong-kong shi tsütsü-küsü shi, ayeghi küghütha eno shishe murasü qie.

BAIBEL (BSI)

¹⁹ Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

Sumi Naga CL (Re-edited) Bible (BSI)

¹⁹ Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 11:19 ပူးပေါင်းရင်းမြစ်များ

Piyeküsü 11:13

Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.

Piyeküsü 11:15

Kungumi akütsüniu no pa fuko küigha kelo kungugha lono asütsa kuloghi ipeghino ishi pie: “Ayeghi lo akükaphu hu ye ningu Mpeu eno paw Messiah kükaphu shivae, eno pa no alhokupuju lono alhokupuju ghenguno ayè pe nani.”

Piyeküsü 12:1

Tisheno kungugha lo amichipu kijè lakhi ipeghi: eno totimi lakhi no khetsünhe usü ipeghi, li pukhu no aqhi nepe eno ayepu chighikini kütsükuqho lakhi no li kütsü lo ae.

Piyeküsü 16:1

Ikelo achineki lono asütsa kijè lakhi no kungumi tsünì vilo ishi pikeu I no chilu, “Wulo, Alhou loghukighide bohu tsünì pesü ayeghi shou lepuku lo.”

Piyeküsü 16:18

Tile no tsütsüpha kulo ipeghi eno kong-kong shi tsütsü-küsü shi, eno ayeghi küghütha kijè ighie. Timi no ayeghi lo xü ighi kelo ayeghi küghütha hitoi keu khilemu ighiju mphie kughengu tiye ighono kijè ke.

Piyeküsü 16:21

Atsütsǘ lono murasü kuloghi no timiqo shou ikighi. Murasü lakhi-khi lo ahú lhobidi-pungu kutólo ke. Eno murasü püsa ghenguno timiqo no Alhou ghushoe, kughengu püsa tiye shishe aküighüpu ke.

Piyeküsü 19:11

Tile I no kungugha hukikha khaqhipüa keu ithulu eno I zülo khurshi miyetsüghoi keu lakhi ae, tipau küsáu vilo Pükhübekulu eno Kuchou ipi kue. Amikucho pesü pa no küghathabe eno aghüshi ke.

Piyeküsü 4:1

Hipathiu I no ju kelo kungunhetsü kütau lakhi ithulu, ike tiye kungugha lo ahukikha lakhi khaqhi pesü I zülo akeu ithulu. Eno atüghi lo asütsa lakhi no afuko ghügha toi I pütsa keu I no chilu keu hu no ishi pi, “Hilau ikughilo eno hipathiu kiu shi moayesa nani keno I no O pìyenie.”

Piyeküsü 4:5

Aküka lakhü tipau lono tsütsüpha kulo eno kong-kong shi tsütsü-küsü sütsa ipeghie. Eno aküka lakhü zülo akulu tsünì iqü ae. Hipaqo ye Alhou ghungu tsünì ke.

Piyeküsü 7:15

Tighenguno, “panongu ye Alhou küká lakhü zülo anie eno putho-pucho pa chineki lo pa huthu acheni; eno khuu no aküka lakhü lo iqa acheni keno pa no panongu gholo ngo no süsho nanie.

Piyeküsü 8:5

Tisheno kungumi no ameshoyi no mülà keu kümlá kipiti bohu ikhiluve no akümlá-khache lono ami ikhipe pesü chhitoi hisü püzü ayeghi shou vepuwuve; tile no kong-kong shi tsütsü-küsü sütsa ipeghi, tsütsüpha kulo eno ayeghi küghütha ighie.

Piyeküsü 8:7

Kungumi atüghiu no pa fuko küigha kemtsa murasü eno ami pesü ajì gholo süküqhave no ayeghi lo leqhi piqive. Ikelo ayeghi kikijé küthü pitileve, asübo kikijé küthü pitileve, eno atsüni kümtsü pitileve.