Piyeküsü 11:18 - Sümi Tiqhelimi Bible

¹⁸ Shiyeqo ye amloide ake, ikemu O loghukighide hu ye ighivae. Kithimi shou küghathabe nikeu eno pa qemi ngò tungkupumiqo kijè lono kitila kutólo eno ow timi O je gihu chekemiqo qesaxu tsüní keu eno khunoqo no ayeghi kütsave keno tipaqo kütsave nikeu do ighivae.”

BAIBEL (BSI)

¹⁸ Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Sumi Naga CL (Re-edited) Bible (BSI)

¹⁸ Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”

Piyeküsü 11:18 ပူးပေါင်းရင်းမြစ်များ

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

Luke 1:50

Pa sümsa kemi kümtsü shou tiqheli no tiqheli kutó kimiye keu pìye cheni.

IBRIMI 9:27

Timiqo ye ghuthu lakhi thive nikeu kughuchope qhive keu toi, eno tithiu ye küghakütha sholu niye akeu toi,

Piyeküsü 10:7

Ikemu tipau tsalaqo lo kughou kungumi akütsüniu no pa fuko küigha niye kutove nike no, pa no pa qemi tungkupumiqo vilo piputo tsüke hutoi Alhou’w tuqhou ye shikupuve nani.”

Piyeküsü 11:2

Ikemu achineki khalau ye qhivelo; tiye mighi kevilo, kughengu tiye Jewkumomiqo tsüvea ke. Panongu no aqhi 42 kutólo akimthe mishighüna qoda nani.

Piyeküsü 13:10

“Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

Piyeküsü 13:16

Ajulho tipau no anguka shi kijemi ngò kitilami, kiními ngò athokhami, kuqhopheve kemi ngò aqüaxemi kümtsü pelo panongu u ajeu momu panongu kishe lo amichipu chishida pe nikeu shie,

Piyeküsü 14:10

panongu ghí Alhou mlo kighide ji ye nani. Alhou mlo kighide jì ye azü lekitemo no mükamüghai pa loghukighide jikhu lo lesüvae. Panongu ye akimthe kungumiqo ngò Ambeti zülo no piti akeu amichu pesü ghimeqhi nani.

Piyeküsü 15:1

I no kungugha lo amichipu kijè eno akichiqhipu kütau lakhi ithulu: tiye kungumi tsünì no püsa tsünì ashekhau pesü akeu ithulu. Hiye ashekhau ke, kughengu panongu vechewo Alhou loghukighide ye kishekhave nikeu shi ake.

Piyeküsü 15:7

Tisheno aküxü akeu lhoxü bidí dolo lakhi no ameshoyi no mülà keu bohu tsünì lo alhokupuju lono alhokupuju kutólo xüache keu Lhou’w aloghukighide chhitoi sǘve no kungumi tsünì hu tsüe.

Piyeküsü 18:6

Li no tsü keu toi li lau tsüchilelo; li no kiu shive keno tipau küghüsü ghí li. li no aji kütami pìye keu küghüsü ghí li jikhu lo lesü tsülo.

Piyeküsü 19:15

Pa kichí lono tsüghaminhei keu akihizüta ipeghi ae eno tino shiyeqo kütsave nikeu shi ake. “Ayì no mülà keu akükau küsǘ pesü pa no panongu shou ayè pe nani.” Pa no atsaizü kütsüghǜ-a lono atsaizü tsüghüphe akeshi Akughushu Lhou’w muqhumüza keu loghu tsüghüphe nani.

Piyeküsü 19:18

tishianguno nongu pelo kükamiqo, ghüshimiqo shou atou eno aghütomiqo, khurshi eno tipau küsámiqo, kuqhopheve kemi eno aqüaxemiqo, kijemi eno kitilami kümtsü shi chu peniye ke.”

Piyeküsü 19:5

Tisheno aküka lakhü lono asütsa lakhi no ishi pi: “Nongu pa qemi kümtsü, nongu pa sümsa chekemiqo, kijemi kitilami kümtsü ningu Lhou sheqhelo!”

Piyeküsü 20:12

Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Piyeküsü 22:12

“Julo, ni ye itheno chenie! I saxu ye I gholo ani, eno timi lakhi-khi no pa no kiu müla püani keno tipau kiqi lono tsü nani.