Piyeküsü 11:11 - Sümi Tiqhelimi Bible

¹¹ Ikemu atsala küthü tüxa thiu Alhou lau no ighi keu aküxü tuthu hu no pama lolo ilove, eno pama ye puthughove, eno pama ithulu kemiqo kümtsü no shishe msàve.

BAIBEL (BSI)

¹¹ Ikemu atsala kuthuno tuxa thiu Alhou launo akuxupi tuthu ighi puzu pama lolo ilove, eno pamano puthugholuve eno pama ithulukemi kumtsuno shishe akichiqhive.

Sumi Naga CL (Re-edited) Bible (BSI)

¹¹ Ikemu atsala küthü tüxa thiu pama lolo Alhou launo ighikeu aküxüpu tuthu ilove no pama ye puthugho luve, eno khunono pama ithulu keno akümsapu kije no pano shou ikughive.

Piyeküsü 11:11 ပူးပေါင်းရင်းမြစ်များ

Apostolmi 5:11

Hipau sütsa chilu kemi eno akukuhomiqo kümtsü akümsa no panongu lolo chhitoive.

Apostolmi 5:5

Kughou Ananias no hi chilu keno pa ye ikiqi no thive. Eno kiu shive keno asütsa chilu kemi kümtsü akümsa no chhitoive.

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

Piyeküsü 11:13

Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.

Piyeküsü 11:9

Atsala küthü tüxa kutólo timi jeli, ashiaye jeli, atsa jeli piche kemiqo eno shiye jeli lono timiqo no pama sükumo lo jupuku nani eno pama qhove pe nikeu lakükha shi nani.