Piyeküsü 1:20 - Sümi Tiqhelimi Bible

²⁰ Nono I u ajeu ayepu tsünì akeu ithulu keu ngò ameshoyi no mülà keu akulu tsünì ghopeqhi püakeuw tuqhou ye hike: Ayepu tsünì ye akukuhou tsünìw kungumiqo ke, eno akulukibepu tsünì ye akukuhou tsünì ke.

BAIBEL (BSI)

²⁰ Ayepu tsuni i-u ajeu akeu nono ithulukeu eno shunayino shikeu akulu kibepu tsuni wu kuthokuzu kiqiye hike: ayepu tsuni huye akukuhou tsuni wu kungumiqo ke eno akulukibepu tsuni huye akukuhou tsuni huke.”

Sumi Naga CL (Re-edited) Bible (BSI)

²⁰ I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”

Piyeküsü 1:20 ပူးပေါင်းရင်းမြစ်များ

MATTHEW 13:11

Pa no khochile, “Kughengu kungugha kükaphuw tuqhou kighithi ye nongu tsüvae, ikemu panongu ye tsü püamoe.

Luke 8:10

Jisü no pi, “Alhou kükaphuw tuqhou ghili ithukulupu pesü nongu tsüvae; ikemu ni ye kütami lau ye kimghi pìye keu lono pi cheni, tishianguno, “ ‘panongu ye ju pülaghi ithumla nani, eno ini pülaghi vethamla nani.’

Rommi 11:25

Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 1:16

Pa u ajeu no ayepu tsünì tsüqüpe ae, eno pa kichí lono puto-puto kihizüta tsüghaminhei keu lakhi ipeghi. Pa gi ye khetsünhe no ighono vüqai ipeghi akeu toi ke.

Piyeküsü 1:4

John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea

Piyeküsü 17:5

Li kishe lo aje yèpüa keu hu ye tuqhou lakhi ke: Babylon ajekipiu kütüqhamiqo eno ayeghi lo aphikümqhüpu kümtsü pazá.

Piyeküsü 17:7

Ikelo kungumi hu no I vilo ishi pi: “No ye kushiye akümza ani kea? I no O vilo totimi hipauw tuqhou eno li no akütsü tsünì ngò akibò chighí akeu tüghashi sà chekeu ghili chixechilei pi nani.

Piyeküsü 2:1

“Ephesus lo akukuhouw kungumi lau yèlu ani: Atsa hipaqo ye au ajeu ayepu tsünì pesü akeu eno ameshoyi no mülà keu akulu ghopeqhi püakeqo dolo alà che akeu tsa ke.

Piyeküsü 2:12

“Pergamum lo akukuhouw kungumi lau yèlu ani: Atsa hipaqo ye tsüghaminhei keu puto-puto kihizüta pesü akeuw ke.

Piyeküsü 2:18

“Thyatira lo akukuhouw kungumi lau yèlu ani: Atsa hipaqo ye Alhou Nu tsa ke. Pa nhethi ye vüqalei keu ami toi ke eno pa pukhu ye alazayi piti kütsüghǘ pesü mülapuyi akeu toi ke.

Piyeküsü 2:5

No ye khikuto lo veqhivea keno kümsüjulo! Xaideghivelo eno nono atüghi lo mülà keu kümlàqo shilo. Nono xaidevemo aye I no O lau ighi nani eno O kulu ghopeqhi püakeu-a lono ikhive nani.

Piyeküsü 2:8

“Smyrna lo akukuhouw kungumi lau yèlu ani: Atsa hipaqo ye khuu no Atüghiu eno Ashekhau, khuu no thive no aküxü shiluve keno tipau tsa ke.

Piyeküsü 3:1

“Sardis lo akukuhouw kungumi lau yèlu ani: Atsa hipaqo Alhou’w aghungu tsünì eno ayepu tsünì pesü akeu tsa ke. I no O kümlà ithi anie; no ye xü akeu ghenguno ajekipi shi ani, ikemu no ye thivae.

Piyeküsü 3:14

“Laodicea lo akukuhouw kungumi lau yè ani: Atsa hipaqo ye Amen’w ke, pükhübekulu eno thopi kuchou, Alhou no lhoqhipüa keu shou ayekipeu tsa ke.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.