Philemon 1:8 - Sümi Tiqhelimi Bible

⁸ Tighenguno, ni ye Khristo lono amlo kumto shi püzü nono kiu shikepu ani keno shilo ipi azah tsülu kepu shi ani kemu,

BAIBEL (BSI)

⁸ Tishikehu, Khristo lono athikuzuu shiluvea kehu kiu shipenishi anikeno niye mutotoi ahza otsulu kepushi ani.

Sumi Naga CL (Re-edited) Bible (BSI)

⁸ Tishi kehu Khristo küdau no ni ye akumto shino kiu shikepu keno azah o tsü kulupu shiani,

Philemon 1:8 ပူးပေါင်းရင်းမြစ်များ

2 Kor. 10:8

Ike Ampeu no nongu xaqhive penike ghenguno kumo no aghungu lo nongu shiqhepuku peniye kükagha ningu tsüpüa keu ghenguno I no ighümo no aqheküza shi anamu ni ye tighenguno kujovemo nani.

2 Kor. 11:21

Ni ye pinike kujo kepu kemu ningu ye tikithipu lo ighono miqemilei kemi ke! Ni ye itaghi nikhanighami lakhi toi pi auvea kemu, timi khuala no kiuala ghenguno ighümo no qhezakulupu shi aye ni ghí tipau ghenguno ighümo no qhezakulupu ani.

2 Kor. 3:12

Ningu ye hitoi keu lajupu lakhi akeu ghenguno shishe ningu mlo mto anike.

Ephesiami 5:4

Tike kumo no, kujomo keu tsa, nikhanigha tsa momu ghaghu-ghale zügha tsaqo ye nongu ghenguno aküzüpu kumoe. Tishini ke züqhulo shikimthi keu Alhou tsüa kepue.

1 Thes. 2:2

Nongu no ithi akeu toi ningu ye püzüu Philippi lo imeve eno ighono ningu peithapüsa ke, ikemu ningu Lhou kukuphu vechewo ghokichile kumto sholu anamu nongu vilo Alhou tsakiviu pini keu lo amlo kumto shilu ke.

1 Thes. 2:6

Ningu ye Khristo’w apostolmi ke ghenguno nongu lau no kiu avehupu shi ani keno khulu kepu kükagha anie, ikemu ningu ye timi lau no momu nongu lau ke kumo no khuu lau nomu akishé lu niye phu amoe.