Philemon 1:5 - Sümi Tiqhelimi Bible

⁵ kughengu nono akimthemiqo kümtsü lau ow kikimiye akeu eno Ampeu Jisü shou O küpülü akeu I no chilu ke.

BAIBEL (BSI)

⁵ Kughengu nono Alhou timiqo kumtsu kimiyechekeu eno nono Ampeu Jisu lau akupulu akeu ino chilu acheni.

Sumi Naga CL (Re-edited) Bible (BSI)

⁵ kughengu nono Ampeu Jisü lau eno küpülümi lau ow kikimiye eno aküpülü akeu I no chilue.

Philemon 1:5 ပူးပေါင်းရင်းမြစ်များ

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Rommi 12:13

Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.

1 Kor. 16:1

Itehi ye küpülümiqo ghenguno pekütsü keu vehu lo I no Galatiami kukuhouqo vilo kiu pi keno nongu ghi titoi shilo.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Ephesiami 1:15

Hi ghenguno, nongu no Ampeu Jisü lau aküpülü akeu eno nongu no Alhou’w timiqo kümtsü kikimiye akeu ghili I no chilu keu lono,

Kolosiami 1:4

kughengu nongu no Khristo Jisü shou aküpülü akeu eno Alhou’w timiqo kümtsü lau nonguw kikimiye akeu ningu no chilu ke—

1 Thes. 3:6

Ikemu Timothy ye itehi no anileshi ningu lau ighi ani eno nongu küpülü eno kikimiye vehu lo asütsa kivi pesü ighi anie. Pa no ningu vilo pikeu no nongu ye alhokuthu lono ningu kümsüpivi acheni eno ningu no nongu sasü kusholu nishi akeu toi nongu ghí ningu sasü kusholu nishi ani ipi ke.

Philemon 1:7

Ow kikimiye no alokiqi kijè I tsü eno I shikumto luvae, kughengu athiküzüu, nono Ampeu’w timiqo mlo ghüthipüxüve tsü ake.

1 John 3:23

Eno pa zakütsü ye hipau ke: pa Nu Jisü Khristo je lo pülübe nikeu, eno pa no azah tsüve keu toi lakhi no lakhi kimiye nikeu ke.