MATTHEW 8:20 - Sümi Tiqhelimi Bible

²⁰ Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

BAIBEL (BSI)

²⁰ Jisu no pa khochile, “Sherqoye ngokepu tuki acheni, eno aghauqono apusu ani; ikemu ni Timi Nu ye pa kutsu mukhu kepu-a ghi kuhae.”

Sumi Naga CL (Re-edited) Bible (BSI)

²⁰ Jisü no pa vilo pi, “Aghalo tsüqo ye atuki ani, eno aghauqo ye apüsü ani, ikemu Timi Nu ye khilehi mu pa kütsü belu kepu-a kühae.”

MATTHEW 8:20 ပူးပေါင်းရင်းမြစ်များ

MATTHEW 12:32

Khukhumu Timi Nu lachile keu tsa pikeu ye akipimí qhivetsü nani, ikemu khuu no Aghungu Kimthe pipüthani keno pa ye itehi na ighi nikeu ghuloki lo namu akipimí qhitsümo nani.

MATTHEW 12:40

Kughengu Jonah no pucho tsalà küthü eno putho tsalà küthü akha kuloghi kive lo ngove ketoi, Timi Nu ghí pucho tsalà küthü eno putho tsalà küthü ayeghi pola lo ngo nani.

MATTHEW 12:8

Kughengu timi Nu ye Sabbath tsalà shou Ampeu ke.”

MATTHEW 13:37

Pa no khochile, “Timi khuu no apitì kivi xusü keno tiye Timi Nu ke.

MATTHEW 16:13

Kughou Jisü no Caesarea Philippi ko-aqha lo ighi keno, pa no pa khopemiqo vilo iniju, “Timiqo ye ni Timi Nu pesü khuu ipi cheni kea?”

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

MATTHEW 17:9

Panongu no naghuto lono iqi che kelo, Jisü no panongu vilo ishi azah tsü, “Timi Nu no akithí lono xülethuve mphi kutólo, nongu no kiu ithulu keno khuu vilomu pi kevilo.”

MATTHEW 19:28

Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

Mark 8:38

Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”

Luke 12:8

“I no nongu vilo pìní, khunoqo no kütami zülo I je piphe tsüní keno, Timi Nu ghí Alhou’w kungumi zülo pa je piphe tsü nani.

Luke 18:8

I no nongu vilo pìní, pa ye paikhavi panongu ghenguno achipiu xakütha shitsü nani. Tishimu, Timi Nu no ayeghi lo ighi kelo, pa pülü kemi phulu nanima?”

Luke 2:12

Nongu lau hino amichipu shi ani: Nongu no angá lakhi aphì no küzü no amishikhu lo zü aghí keu ithulu nani.”

Luke 2:16

Ike panongu no akimighi shi wu kelo Mary ngò Joseph eno amishikhu lo angá zü aghí keu phulu.

Luke 2:7

eno li no anu atüghiu kipitimi punúlu. Li no aphì no pa küzü no amishikhu lo püzü, kughengu panongu ghenguno inami kungoki lo achebo kühave ke.

Luke 21:36

Ikehu ado kümtsü lo lotsüloghui alo, eno hipaqo shikupu niye akeu kümtsü lono pokajolu penike eno tishilu keu vechewo no ye Timi Nu zülo puthugholu penike ghenguno inikhu alo.”

Luke 8:3

Herod kibo püghükütsüu Chuza nipu Joanna, tinguno alau Susanna eno kütami kutomo ghí che. Totimi hipaqo no panonguw küakini laghi akeu pesü Jisü ngò pa khopemi kuphu che.

Luke 9:58

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

John 1:51

Tisheno pa no pikibe ghi pi, “Kuchou no I no O vilo pìní, nono ‘kungugha khaqhive no Alhou’w kungumiqo no Timi Nu shou iku iqi,’ akeu ithulu nanie.”

John 12:34

Aqokitikhi no ishi pi ipeghi, “Ningu no Ayeza lono chilu keu ye Messiah ye pülhapuju acheuve nani ipie, tishiaye no ye kíshi no, ‘Timi nu ye süqheve moayesa nani,’ ipi ani kea? ‘Timi Nu’ ipi akeu hiye khuu kea?”

John 13:31

Kughou Judas no wuve keno Jisü no pi, “Itehi ye Timi Nu juküvüpu shiva eno pa vechewo Alhou juküvüpu shivae.

John 3:13

Kungugha lono ighi keu Timi Nu hu kumo aye khunomu kungugha lo wuju mphie.

John 3:14

Moses no küghünamokeu-a lo apighi ikhiqhe puku keu hutoi, Timi Nu ghí ikhiqhe puku moayesa nanie,

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

John 6:53

Jisü no panongu vilo pi, “Kuchou no I no nongu vilo pìní, Timi Nu shi chumo eno pa jì yemo ke thaqhülo nongu ye lhokta küxü ithumla nani.

John 6:62

Tishiaye tsalá Timi Nu no püzüu pa no achekeu-a lo ikuve keu nongu no ithulu aye kíshive nani kea!

Apostolmi 7:56

Stephen no pi, “Julo, ni ye atsütsǘ khaqhi akeu eno Timi Nu no Alhou u ajeu puthugho akeu ithulu ani.”

2 Kor. 8:9

Kughengu nongu no ningu Mpeu Jisü Khristo’w küpükini ithi anike. Pa ye kiními shi anamu nongu ghengu kumlhomi shive ke, tishi keu lono pa thokha vechewo nongu pelo kiními shilu peniye ke.