MATTHEW 6:25 - Sümi Tiqhelimi Bible

²⁵ “Tighenguno I no nongu vilo pìní, nongu küxü lo chu kepu ghenguno amlosa kevilo; momu nongu phimpi lo pepumini nikeu ghenguno amlosa kevilo. Aküxü ye achuqupu nguno akhotou ke kumo keshea, eno aphimpi ye tiphimini nguno akhotou ke kumo keshea?

BAIBEL (BSI)

²⁵ “Highenguno ino nongu vilo pini, xuanike ghenguno kiu chuni shonikela momu aphi-mpi ghenguno kiu pepuni kelapi nongu mlo kutakihi kevilo. Akuxuye achuqupu nguno akhotouke kumokesha? Momu aphi-mpiye aphimini nguno akhotouke kumo kesha?

Sumi Naga CL (Re-edited) Bible (BSI)

²⁵ “Tighenguno I no nongu vilo piani, nongu ye xüani ke ghenguno kiu chuni momu kiu shoni, moaye nongu phimpi ghenguno kiu pepuni kelapi amlo kütakihi kevilo. Aküxü ye achuqupu nguno akijeu eno aphimpi ye aphimini nguno akijeu kekumo?

MATTHEW 6:25 ပူးပေါင်းရင်းမြစ်များ

MATTHEW 10:19

Ikemu kughou panongu no nongu küghaluveni keno, kiu pìní momu kíshi pìní keno amlosa kevilo. Tipau tüqhüdo lono kiu pi kepu keno tsü nani ke.

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

MATTHEW 6:31

Tighenguno amlosa ghi ishi pi kevilo, ‘Ningu ye kiu chuni kea?’ momu ‘Ningu ye kiu shoni kea?’ momu ‘Ningu ye kiu pepuni kea?’

MATTHEW 6:34

Tighenguno thoghiu vehu pesü amlosa kevilo, kughengu thoghiu no thoghiu tsalà ghenguno amlo sakepu anani ke. Atsala-atsala lo amlo küsapu akeu no tipau tsalà ghenguno lukümkha ke.”

Mark 13:11

Kugho-kughomu nongu küghaluve no atsa kükügha-a lo süghi kelo, kiu pi nani keno azüu no amlosa kevilo. Ado tipau lo O lolo müzüsütsü keu likhi pilo, kughengu tiye nono pi anike kumoe, ikemu Aghungu Kimthe no pi anike.

Mark 4:19

ikemu hipau küxü lo mloküsaqo, aküakini pishikiqhi eno kütau thime jeli mine keu no ighino Alhou tsa küpühalu eno tino athi pithí mülave pe chekeu kiqi ke.

Luke 12:11

“Kughou nongu sasü synagog, ayekipemi eno atomiqo gizülo wuni keno no ye kiu pìní momu kíshi O likhi O shokha moayesa nani keno amlosa kevilo,

Luke 8:14

Apitì asahu gholo ikiqi ilove keu kiqi ye Alhou tsa chiluve kemiqo, ikemu aküxü lo mloküsa, kinikülü lo amlo tsü eno ashi pulou shikeu vechewo panongu ye thuwu mülave no ghüsüve keu kiqi ke.

Rommi 8:32

Alhou ye pa likhi pa Nu ghí msá pe qhivemo no ningu kümtsü ghenguno ikhiphe pesü tsüve ke, pa ye kíshi no thime kütau ghí kümtsü puloniqhiyi ningu tsümoni kea?

1 Kor. 7:32

Ni ye nongu pelo hipau küxü lo alokümsü shi achekeu lono kuqhopheve penishi anie. Akibo shimo kemi lakhi ye kíshi püzü Ampeu pulou shini kela ipi Ampeu kümlapù vehu lo alokümsü shi acheni.

FILIPIAMI 4:6

Kiu ghengu nomu amlo kütakihi kevilo, ikemu atüqhüdo kümtsü lo akighini eno qhüiniju keu gholo shikimthikütsü vechewo nongu vehupu pesü Alhou vilo pilo.

2 Tim. 2:4

Ghüshimi lakhi ye ghüshimi kümlà shi akelo aqha küxü lo chhosü chemoe, ikemu tishini ke züqhulo paw zatsüu pulou shini ke pükapütsa acheni.

1 Peter 5:7

Nongu mloghime kümtsü pesü pa lau qhive tsülo kughengu pa no nongu tucho-mjo acheni ke.