MATTHEW 6:10 - Sümi Tiqhelimi Bible

¹⁰ O yekipe ighilo, kungugha lo toi ayeghi lo ghí O pulou shilu pelo.

BAIBEL (BSI)

¹⁰ Oyehkipe ighilo, Kungughalo toi ayeghilo ghi opulou shilu pelo.

Sumi Naga CL (Re-edited) Bible (BSI)

¹⁰ O yekipe ighilo, kungugha lo toi ayeghi lo ghi O pulou shilo.

MATTHEW 6:10 ပူးပေါင်းရင်းမြစ်များ

MATTHEW 12:50

Kughengu khunoqo no I pù kungugha lo akeu pulou shi cheni keno tipaqo no I thiküzüu, I chepu eno I zá ke.”

MATTHEW 16:28

“Kuchou no I no nongu vilo pìní, I gholo akemi dolo khami ye Timi Nu kükaphu ithulu mphi züu ye akithí michemo nani.”

MATTHEW 26:42

Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

MATTHEW 4:17

Tipathiu Jisü no ishi kütsü thuve, “Amlo pebidelo, kughengu kungugha kükaphu ye kupunú ighivae.”

MATTHEW 7:21

“I vilo, ‘Ampeu, Ampeu,’ ipi kemi kümtsü kungugha kükaphu lo ilomo nani, ikemu khuu no I pù kungugha lo akeu pulou shi cheni keno tipaqo likhi no ilolu nani.

Mark 11:10

“Ningu papù David kükaphu chekeu ye akümghau ke!” “Kungugha lo akiqheu Lhou sheqhelo!”

Mark 3:35

Khuno no Alhou pulou shi cheni keno tipaqo no I thiküzüu, I chepu eno I zá ke.”

Luke 19:11

Panongu no hipau tsa ini akelo Jisü no aholetsa lakhi pi, kughengu pa ye Jerusalem kupunúve eno timiqo ye paikhavi Alhou kükaphu ipeghi niye kutò ani küghashi kümsü ake.

Luke 19:38

“Akükau khuu Ampeu je lono cheni keno pa ye akümghau ke!” “Kungugha lo aloino keu alo eno akiqheu Lhou sheqhelo!”

Luke 22:42

“Apùo, nono pulo aghí aye aghime jikhu hipau I lau no pesü wuve tsülo; tishimu I pulou kumoe ikemu O pulou shitsünie.”

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 7:17

Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

Apostolmi 13:22

Saul ikhive kethiu, pa no David pesü panongu kükau shitsü. Alhou no David ghili hitoi ashepe shitsüe: ‘I no Jesse nu David phuluvae, pa ye I mlo kuchuu ke; I no shipe nishi akeu kümtsü pa no shi nanie.’

Apostolmi 21:14

Kughou pa pütsaqhi mülave keno ningu no, “Ampeu pulou shipeniu,” ipive no palokutove.

Apostolmi 22:14

“Tishi no pa no pi: ‘Ningu pù-asüqo Lhou no O kishelu keu ye pa pulou ithilu eno Amikuchou hu ithulu eno pa kichí lono pikeu tsaqo chilu peniye ke.

Rommi 12:2

Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Ephesiami 6:6

Panongu no nongu ju akelo panongu mlo chulu nikeu ghengu likhi no aghokulu shi kevilo, ikemu Khristo qüaxemiqo toi, nongu mlo kuchou no Alhou pulou shi alo.

Kolosiami 1:13

Kughengu pa no àküzǘ kükaqha lono ningu xaphelu no pa no kimiye chekeu Nu kükaphu lo ningu sasü ighike,

Kolosiami 1:9

Hi ghenguno, ningu no nongu ghili chilu ke tsalà lono huthu no nongu ghenguno tamo no inikhu acheni. Ningu ye tamo no Alhou vilo pa pulou kighithi eno Aghungu no tsü chekeu lokütsü eno vethakulu kümtsü pesü nongu tsülo ipi inikhu acheni,

1 Thes. 4:3

Alhou pulou ye nongu pelo shikimtheluve pe moayesa keu ke: nongu ye kipito xüküpsa lau no putosü moayesa;

1 Thes. 5:18

atüqhüdo kümtsü lo shikimthi tsülo; kughengu Khristo Jisü’w shive kemi ghengu ye hino Alhou pulou ke.

IBRIMI 1:14

Kungumi kümtsü pichebekümlà ghunguqo püzü panongu ye xakulu mheghi ighílu niye shi akemiqo huthu pe nikeu ghenguno puwu ke kumo keshea?

IBRIMI 10:36

Nongu ye tsükhoi shini keu avehupu shi ani, tishianguno kughou nono Alhou pulou shini keno no ye kiu piqhipüa keno tipau ithulu nani.

IBRIMI 10:7

Tisheno I no pi, ‘Ni hile ani—liküküzü kaku lo I ghili yèpüani— I Lhou, ni ye O pulou shini ke ighi ani.’ ”

IBRIMI 13:21

pa pulou shipe nike ghenguno thime kivi kümtsü pesü nongu pipe peniu, eno pa pelo Jisü Khristo vechewo kiu no pa lokiqipu keno tipau ningu lolo mülàlu peniu; pa lau alhokupuju lono alhokupuju kutólo ajuküvü ache pelo! Amen.

1 Peter 2:15

Kughengu nongu ye akümlà kivi shikeu vechewo nikhanighamiqow akümtha tsa hasülu moayesa keu no Alhou pulou ke.

1 Peter 4:2

Hi ghenguno, panongu ye ayeghi lo xü ake thaqhülo ye timiw shinishiqhiyi keu küsakügha küxü lo xü chemoe, ikemu tishini ke züqhu Alhou pulou ghenguno xü acheni.

Piyeküsü 11:15

Kungumi akütsüniu no pa fuko küigha kelo kungugha lono asütsa kuloghi ipeghino ishi pie: “Ayeghi lo akükaphu hu ye ningu Mpeu eno paw Messiah kükaphu shivae, eno pa no alhokupuju lono alhokupuju ghenguno ayè pe nani.”

Piyeküsü 12:10

Tipathiu kungugha lono asütsa kuloghi lakhi no ishi pikeu I no chilu: “Itehi ye xakulu eno aküka eno ningu Lhou’w kükaphu eno Messiah kükagha ighivae. Kughengu putho-pucho ningu Lhou zülo ningu thiküzümi eno achelimiqo nguku achekeu hu ye aqhou vepiqivae.

Piyeküsü 19:6

Tipathiu timi aqokitikhi kijè no azü qowu akeu ghügha eno tsütsü-küsü kuloghi toi keu ghügha lono ishi ighamuku keu I no chilu: “Hallelujah! Kughengu ningu Mpeu Alhou Akughushuu no ayè pe anie.

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.