MATTHEW 5:28 - Sümi Tiqhelimi Bible

²⁸ Ikemu I no nongu vilo pìní keu ye timi khuu no totimi lakhi shou mineqhiyi jupukuni keno pa mlo lono li sasü shupuve keu kipimí shivae.

BAIBEL (BSI)

²⁸ Ikemu ino nongu vilo pinikeuye timi khuno totimi lakhi jupesu li jumineni keno pa mlo lono li sasu salhave keu kipimi shivae.

Sumi Naga CL (Re-edited) Bible (BSI)

²⁸ Ikemu I no nongu vilo pi akeu ye khuu no mineqhiyi kütami nipu juni keno pa mlo lou no li sasü kütüqhavae.

MATTHEW 5:28 ပူးပေါင်းရင်းမြစ်များ

MATTHEW 15:19

Kughengu amlo lono alhoküsa kükümsüqo—ghikiqhi, shupu keu, kipito xüküpsa, aküpüka, kichileu shepe eno pipütha keu ipeghi cheni.

MATTHEW 5:22

Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

MATTHEW 5:39

Ikemu I no nongu vilo pìní, küsaküghami mjochile kevilo. Tsalá khuala no O gimuchu ajeu ghatsü aye, O gimuchu tüxau ghí pa lau kughopuwo tsülo.

Rommi 7:14

Ningu no ithi akeu no ayeza ye Alhou lau no ke; ikemu ni ye ashilomi eno aqüaxemi shi axiné lau jesüve kemi ke.

2 Peter 2:14

Shupu nikeu kükümsü no panongu nhethi chhitoi eno panongu ye axiné shini keu khilemu tave chemoe; panongu ye a-a shimo kemi saküghüzü cheni; panongu ye alakimine lo shitsa ke—müsüini keu tiqo ke!

1 John 2:16

Kughengu ayeghiqha lo thime kümtsü—ashi-aji no mine chekeu, anhethi no mine chekeu, eno aküxü qheküza—hipaqo ye Apù lau no ighi chemoe ikemu ayeghiqha lau no ighi cheni.