MATTHEW 5:16 - Sümi Tiqhelimi Bible

¹⁶ Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

BAIBEL (BSI)

¹⁶ Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

Sumi Naga CL (Re-edited) Bible (BSI)

¹⁶ Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

MATTHEW 5:16 ပူးပေါင်းရင်းမြစ်များ

MATTHEW 23:5

“Panongu no shikeu kümtsü kütami pelo ithulu pe nikeu ghenguno shi cheni: Panongu no aumlo lo Kuchoyesü tsa bohu khapu chekeu kijè shikithe cheni eno panongu phishe lo tshüpu chekeu kushuwa shikithe cheni;

MATTHEW 23:9

Eno ayeghi lo khuu vilomu ‘Apù,’ ipi ku kevilo, kughengu nongu ye ‘Apù’ lakhi ani eno pa ye kungugha lo anike.

MATTHEW 5:45

tishianguno nongu ye Apù kungugha lo akeu nuli shilu nani ke. Pa no paw khetsünhe pelo küsaküghami ngò akivimi shou yèpuku pe cheni, eno tsütsüghu pesü amikuchomi ngò amikucho kumomi lau puwu tsü cheni.

MATTHEW 6:16

“Kughou nongu no kümvüni keno kühaküghamiqo toi agi küzü pìye kevilo, kughengu panongu ye timi kütamiqo pelo kümvü anike ipi ithi peniye panongu gi kilive cheni ke. Kuchou no I no nongu vilo pìní, panongu ye pano sala qesaxu kuchopu ithuluvae.

MATTHEW 6:9

“Tishiaye, nongu ye hitoi inikhu moayesae: “ ‘O ningu Papù kungugha lo küau, O je akimthe shi pelu pelo,

MATTHEW 9:8

Kughou timi aqokitikhi no hipau ithulu keno panongu ye akichiqhive eno panongu no Alhou no hitoi keu kükagha pesü timi tsü keu ghenguno Alhou sheqhe.

Luke 11:2

Pa no panongu vilo pi, “Kughou nongu no inikhuni keno ishi pilo: “ ‘Apù, O je akimthe shi pelu pelo, O yekipe ighilo.

John 15:8

Nongu no athi kutomo pithí keu hu no nongu ye I khopemiqo kepi pìyelu cheni eno hipau vechewo I pù juküvüpu shitsü cheni ke.

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

1 Kor. 14:25

kughengu tungkuptsa chilu kelo panongu mlo tuqhou lo akeu hu ye pephe-piyeve nani. Tisheno panongu no qhoqhünhe no ishi ighamuku ghi Alhou mülá nani, “Alhou ye kuchou no nongu gholo anie!”

2 Kor. 9:13

Kughengu nongu no akümlà hipau vechewo nongu likhi nongu kimchive tsü ake, eno nongu no Khristo tsakiviu ikhilu keu gholo aghokulu shikeu eno nongu no tsükini shikeu vechewo panongu sasü eno kütami kümtsü sasü küsaje keu ghenguno kütamiqo no Alhou sheqhe tsü nani.

Galatiami 1:24

Tisheno I ghenguno panongu no Alhou sheqhe ke.

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Ephesiami 5:8

Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo

1 Thes. 2:12

Ningu ye nongu shikumto tsü, lokughuno tsü eno Alhou khuu no pa kükaphu eno ajuküvü lo nongu kulù keno pa pulou küxü xülo pi nongu kite acheke.

1 Tim. 2:10

ikemu akümlà kivi hu no ananu shipe nishi ani, kughengu hino Alhou mülá niye shuphe chekemi totimiqo ghenguno achipi ke.

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

1 Tim. 5:25

Tipau tho lono akümlà kivi ye mütsüqhei ke, eno mütsüqheimo keqo ghí alhokuthu ghenguno küsüpe püa müla nani.

1 Tim. 6:18

Panongu pelo akivi shini keu, kupukuno shi akümlà kivi shini keu, tsükinimi eno pulopiniyi shi küsaje nikeu azah tsülo.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Titus 2:7

Thowkha kümtsü lo kiu no akivi keno tipau shi püzü panongu zülo kiche-kipiye lakhi shilo. Ow shiküka lo hipaqo pìyelo, kikhikighi, tsaqütsalei keu,

Titus 3:14

Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.

Titus 3:4

Ikemu kughou ninguw Xakuluu eno ni Lhou küpüqhiyi keu eno kikimiye ipeghi keno,

IBRIMI 10:24

Eno ningu ye kíshi no lakhi no lakhi shikumto ghi kikimiye eno akümlà kiviqo shiluni keno tipaqo kümsüni nolo,

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

1 Peter 3:1

Anipuqo, tipau tho lono nongu likhi nongu ikhiphe pesü nongu kimiqo lau tsülo tishi keu vechewo tsalá panongu khuala no Alhou tsa shou pülümo aye, atsa pimo no panongu nipuqo ghiliaye vechewo züluve peniye ke,

1 Peter 3:16

eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.

1 Peter 4:11

Tsalá khuala no kütsü cheghi aye, panongu ye Alhou tsa piche kemi toi shi moayesae. Tsalá khuala no hukuthu kümlà shi cheghi aye, panongu ye Alhou no akumto panongu tsü keu pesü huthu moayesae, tishi keu vechewo thime kümtsü lo Jisü Khristo vechewo Alhou sheqhe peniye ke. Alhokupuju lono alhokupuju kutólo ajuküvü eno aküka ye paw ke. Amen.

1 Peter 4:14

Tsalá Khristo je ghenguno nongu shikukujo aye, nongu ye müghae, kughengu ajuküvü Ghungu eno Alhou Ghungu no nongu shou anie.