MATTHEW 27:54 - Sümi Tiqhelimi Bible

⁵⁴ Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

BAIBEL (BSI)

⁵⁴ Ghushimi 100 shou akijeu ngo pa gholo ghushimi qono Jisu jughi khe akelo ayeghi ithakeu eno tile kishi akeno kumtsu ithuluno panonguye kichimamaiveno ishipi, “Paye kuchouno Alhou Nue!”

Sumi Naga CL (Re-edited) Bible (BSI)

⁵⁴ Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

MATTHEW 27:54 ပူးပေါင်းရင်းမြစ်များ

MATTHEW 26:63

Ikemu Jisü ye inaqhoi ngove. Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”

MATTHEW 27:36

Eno panongu ye tilehi iqa ghi Jisü khekuto auve.

MATTHEW 27:40

ghi ishi pi, “No ye achineki kuboleve no atsala küthü lono shiqhepukuve niye kutò anike kumo? O likhi O xalulo! Tsalá nono Alhou Nu shi aghí aye, kros lono iqighive julo!”

MATTHEW 27:43

Pa ye Alhou shou pükhü achenie. Alhou no pa xalunishi aghí aye, itehi no pa xaluve pelo, kughengu pa no ishi pi acheni, ‘Ni ye Alhou nu ke.’ ”

MATTHEW 27:51

Tishi kemtsa, achineki lo nhaqhiphi hu no atsǜqo lono abò kutólo ixü kütüta kini shive. Ayeghi no itha, atuqo no amta lono ipokütüta shive

MATTHEW 4:3

Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo pilo.”

MATTHEW 8:5

Kughou Jisü no Capernaum lo ighi keno, aqhe shou zatsüu lakhi no pa lau akukuphu khu ighi.

Mark 15:39

Eno kughou aqhe shou zatsüu no Jisü zülo puthugho püzü pa no kíshi thive keno ithulu kelo, pa no pi, “Kuchou no timi hipau ye Alhou Nue!”

Luke 22:70

Panongu kümtsü no iniju, “Imaye no ye Alhou Nu keo?” Jisü no khochile, “Ni ye tike ipi nongu no pivae.”

John 19:7

Jewmi sakiphemiqo no ishi pikichichi, “Ningu ye ayeza lakhi anie, eno ayeza tipau kiqi lono pa ye thive moayesae, kughengu pa ye Alhou Nu kepi pa no pükha ke.”

Apostolmi 10:1

Caesarea lo timi lakhi Cornelius ipikeu ache, pa ye Italymi Ghüshimi ipi chekeu lo aqhe shou zatsüu lakhi ke.

Apostolmi 2:37

Kughou timiqo no hi chilu keno, panongu mlo itapiniyive püzü Peter ngò apostolmi kütamiqo vilo pi, “Athiküzümiqo, ningu ye kíshive kepu kea?”

Apostolmi 21:32

Pa no akimighi shi hiyampemiqo hami eno ghüshimiqo sasü aqokitikhi lau posü iqi. Kughou heküpüsamiqo no zatsüu eno ghüshimiqo ithulu keno, panongu no Paul heqhi akeu tave.

Apostolmi 23:17

Ikelo Paul no aqhe shou zatsüu lakhi ku no pi, “Apumi hipau sasü zatsüu lau wulo; pa ye kiu kela pa vilo pi kepu anie.”

Apostolmi 23:23

Tisheno zatsüu no aqhe shou zatsüu mikini ku no pama vilo azah tsü, “Itiji ayì tokú kihe lo Caesarea lo wu kepu shi ghüshimi 200 kütashi eno khurshi kipemi lhotsüni ngò angu kipemi 200 ishi kutò lo.

Apostolmi 27:1

Kughou ningu Italy lo wuve nikeu shi kughuve keno, Paul ngò akughumi kütami khamiqo ye aqhe shou zatsüu Julius ipikeu, khuu Rome Kükaqha kükau ghüshimi mqo lo achekeu pelo sawu pe nikeu shive.

Apostolmi 27:43

Ikemu aqhe shou zatsüu ye Paul küxü pükhatsü nishi akehu, panongu no kiu shi niye püghü akeno tipau shipemo nike lakhave. Pa no khunoqo azümihi ithi ani keno zükilu lono atüghiu shi ilhe iqive no ayeghi küdau wuve penike azah tsü.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

Piyeküsü 11:13

Tipau tüqhüdo lo ayeghi küghütha kijè lakhi ighi eno mishighüna saje chighí lo lakhi ye kütsapinive. Ayeghi küghütha lono timi qhethonhe tsünì thive, eno aküxü achili shilu keqo ye akichiqhive no ajuküvü pesü kungugha Lhou lau tsüe.