MATTHEW 26:39 - Sümi Tiqhelimi Bible

³⁹ Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”

BAIBEL (BSI)

³⁹ Pano azuu kitila wupuzu agi pishiqho itsaqi ishi inikhu, “O iPuh, hi shivekulupu shi aghiaye, ajukhu hipau ilauno ikhisuwuvelo! Tishiepimu, igho kumono ogho shilo.”

Sumi Naga CL (Re-edited) Bible (BSI)

³⁹ Pa no kitila azüu wuno agi no ayeghi dape inikhu, “I Pu, shikulupu shi aye ajukhu hipau I launo ikhiluve tsülo; tishinamu I gho kumono o pulou shilo.”

MATTHEW 26:39 ပူးပေါင်းရင်းမြစ်များ

MATTHEW 20:22

Jisü no panongu vilo pi, “Nongu ye nongu no kiu khu ani keno ithi amoe, nongu ye I no aghime jikhu lono sho niye akeu sholu nani keshea?” Panongu no khochile, “Ningu ye sholu nanie.”

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 26:42

Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”

Mark 13:22

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

Luke 17:16

Pa no Jisü pukhuphi lo iqi pishiqho pe ngo no pa shikimthi. Timi hipau ye Samariami lakhi ke.

John 11:41

Ikehu panongu no atuqu ikhive. Tisheno Jisü no pishipuku ju no pi, “Apùo, nono I kighini chilutsü keu ghenguno O shikimthi.

John 14:31

ikemu pa no ighi keu ye ayeghiqha pelo I no Apù kimiye chekeu eno I pù no azakütsü I tsüke toi shikupulu keu ithi peniye ke. “Itehi shilo; ningu wuvenie.

John 18:11

Jisü no Peter vilo azah tsü, “O kihizüta süchileve lo! Ni ye Apù no aghime jikhu I pelo sho peniye tsü keu shomoni keshea?”

John 5:19

Jisü no hitoi khokichile panongu tsü: “Kuchou no I no nongu vilo pìní, Anu ye pa likhi pa kutoshi kiumu shimlae; pa ye Papù no mülà keu kiu ithulu keno tilikhi shilu nani, kughengu Apù no kiu shi keno Anu ghí tipau shi cheni.

John 5:30

I likhi I vechewo ni ye kiumu shimlae; Ni ye I no chilu keu likhi küghathabe cheni, eno iw küghakütha ye achipi ke, kughengu ni ye I likhi I pulou kumo püzü I puwu keu pulou shini keu phu chenie.

John 6:38

Kughengu ni ye I pulou shini ke ghenguno kungugha lono iqighimoe ikemu I puwu keu pulou shini ke ighike.

Apostolmi 10:25

Kughou Peter no aki lo iloghi keno Cornelius no pa sasü kusho eno gihu keu michi shi Peter pukhuphi lo itsaqi.

FILIPIAMI 2:8

Pa ye pa likhi pa pesü aqhokigheu shikeu vechewo kros lo thike kutólo ghí aghokulu shike!

IBRIMI 5:7

Jisü no ayeghi lo xü ake ghuloki lo, pa ye shishe qa eno anhezü-piji ghi khuu no akithí lono pa xalu nani keno pa lau akighini gholo no qhüiniju puku ke, eno pa no Alhou sümsa ghi aqhokighe shikeu ghenguno pa kighini chilutsü ke.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”