MATTHEW 24:7 - Sümi Tiqhelimi Bible

⁷ Shiye lakhi no shiye lakhi mjochile ipeghi nani, eno kükaphu lakhi no kükaphu lakhi mjochile ipeghi nani. Püqümiye keu eno ayeghi küghüthaqo a-a kütüta lo anani.

BAIBEL (BSI)

⁷ Kughengu ashiayeh lakhino ashiayeh lakhi sasu aghushi nani, ayehkipeqha lakhino ayehkipeqha lakhi le nani. Puqumiyekeu ngo ayeghi ithakeuno aqha kumtsulo anani.

Sumi Naga CL (Re-edited) Bible (BSI)

⁷ Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

MATTHEW 24:7 ပူးပေါင်းရင်းမြစ်များ

Luke 21:11

Ayeghi küghütha kijè, püqümiye eno püsaküsüqo a-a kütüta lo ighi nani eno akümsapu jeli ngò amichipu kijè atsütsǘ lono ipeghi nani.

Apostolmi 11:28

Ike panoqo gholo timi lakhi Agabus ipikeu no puthugho püzü Aghungu vechewo püqümiye kijè lakhi Rome yeghiqha kümtsü shou ighi nani ipi kütüghü tsüe. (Hiye Claudius no akükau shi ake ghuloki lono shikupuve.)

Apostolmi 2:19

I no kunguu atsütsǘ lo akichiqhipu shi pìye nani eno aqhou ayeghi lo amichipu shi pìye nani, ajì ngò ami eno amichhi phoboi nani.

IBRIMI 12:27

“Itaghi ghuthu lakhi,” ipi akeu tsa kiqi ye kiu no süküghüthalu nani keno tipau ikhive nikeu ke—tiye lhosüpüa keu thimeqo—tishi keu vechewo kiu süküghütha müla nani keno tiye ache peniye ke.

Piyeküsü 6:12

Mekhapüa keu akütsüghou hu Ambeti no khaqhi akeu I no ju ae. Ikelo ayeghi küghütha kijè lakhi ighi. Khetsünhe no ane mhi no mülà keu yeqhiyephi toi tsübuive, eno aqhi no ajì toi huchuhuyive,

Piyeküsü 6:5

Kughou Ambeti no mekhapüa keu aküthüu khaqhi keno aküxü akeu lhoxü aküthüu no ishi pikeu I no chilu, “Ighilo!” I no ju kelo I zülo khurshi tsübui keu lakhi ae! Tipau küsáu ye pa u lo ahú kimighipu lakhi pesü ae.

Piyeküsü 6:6

Tipathiu aküxü akeu lhoxü bidí dolo lakhi no piakeu sütsa toi I no hitoi chilu, “Atsala lakhi jume ghenguno ashothi ahukimighi lakhi, eno atsala lakhi jume ghenguno barelythi ahukimighi küthü, eno thazü ngò atsaiji shipüsa kevilo!”

Piyeküsü 6:8

I no ju kelo I zülo phalai keu khurshi lakhi ithulu! Tipau küsáu je ye Akithí, eno pa zübou Hades no kupunukhoi papesü che. Akithí ngò Hades pama pelo akihizüta peitha eno püqümiye, küsükini eno ayeghi lo tüghashiqo peitha püzü ayeghi lo timi saje bidí dolo saje lakhi ye pìthíve pe nikeu küká panongu tsüe.