MATTHEW 24:14 - Sümi Tiqhelimi Bible

¹⁴ Eno Alhou kükaphu tsakiviu hipau no thopi lakhi shi ayeghiqha kümtsü lau kütsüwu nani, eno tithiu no ashekha tsalà ighi nani.

BAIBEL (BSI)

¹⁴ Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

Sumi Naga CL (Re-edited) Bible (BSI)

¹⁴ Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

MATTHEW 24:14 ပူးပေါင်းရင်းမြစ်များ

MATTHEW 10:7

Nongu no wuche kelo, hipau kükütsü sütsa pesü asheshu lo: ‘Kungugha kükaphu ye kupunú ighivae.’

MATTHEW 18:19

“Itaghi I no kuchou no O vilo pìní, tsalá ayeghi lo panongu no avehupu shi akeu ghenguno kiu-kiumu khu kelo, nongu gholo mikini nomu puloküqhalu aye, I pù kungugha lo akeu no panongu ghenguno shive tsü nani.

MATTHEW 24:3

Jisü no Olive naghuto lo iqa akelo, pa khopemiqo no lomo shi pa lau ighi eno pi, “Ningu vilo pitsülo, tipaqo ye kughou no shikupu nani kea, eno nono ighi nikeu eno ashekha ghuloki michipu ye kiu kea?”

MATTHEW 24:6

Nongu no nongu kupunú lo aghüshi akeu eno putou aghüshi akeu uyewu sütsa chilu nani, ikemu tipaqo no nongu shithüghüive mokepu shi jukuto alo. Hipaqo ye shikupu moayesa nani, ikemu ashekha ghuloki ye ighini aphike.

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

MATTHEW 9:35

Jisü ye mishiphu eno aphuqo kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

Mark 13:10

Eno atsakiviu pesü atüghishi shiyeqo kümtsü lau kütsüve paghi moayesae.

Luke 2:1

Tipa ghuloki lo Rome yeghiqha kümtsü lo timi lhoxü kihikütsü penike Caesar Augustus no azah lakhi tsüe.

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

Luke 4:5

Tüghami hu no pa sasü chuqumghai keu-a lakhi lo saiku no anhekütsükhavi lono ayeghi lo kükaphuqo kümtsü pa pìye.

Apostolmi 1:2

tiye Aghungu Kimthe vechewo pa no apostolmi shipe niye kisheluve kemiqo lau mijeve tsü kethiu kungugha lo saikuve keu tsalà tomo ke kutólo ke.

Apostolmi 11:28

Ike panoqo gholo timi lakhi Agabus ipikeu no puthugho püzü Aghungu vechewo püqümiye kijè lakhi Rome yeghiqha kümtsü shou ighi nani ipi kütüghü tsüe. (Hiye Claudius no akükau shi ake ghuloki lono shikupuve.)

Apostolmi 17:31

Kughengu Alhou no timi lakhi süküsü shipepüa keu vechewo ayeghiqha shou amikucho lono küghatha nikeu tsalà lakhi püghüpe püanie. Hipau pülülu penike timi kümtsü lau tsü akeu shi ghi pa no akithí lono pa xüputhuveke.”

Apostolmi 17:6

Ikemu kughou panongu no pama phumlave keno Jason ngò küpülümi khami sünhe sasü tipau phughi lo ayekipemiqo zülo wu no ishi ighamuku: “Ayeghiqha kümtsü lo aküpüna xukutho akemi timi hipaqo hilau ighi ani,

Apostolmi 19:27

Ike akümsapu akeu ye, ninguw lhidi hipau lo aju-aje küsa sholu nikeu likhi kumo no akiqheu lhouliu Artemis chineki hu ghí aju-aje küsa shiveni cheni, eno lhouliu khuu Asia bocho lo eno ayeghiqha kümtsü no mülá cheni keno li küká jekipi ghí shipühave tsüní chenie.”

Apostolmi 20:25

“I no ithi anie, nongu khunoqo gholo I no Alhou kükaphu ghili pesü asheshu ache keno, hinguno hilau ye khilemu I ju ithulu kithe müla nani.

Rommi 10:18

Ikemu I no hi iniju ani: Israelmiqo ye kuchou no akükütsü sütsa chilumo keshea? Panongu ye chilu thono: “Panongu sütsa ye ayeghiqha kümtsü lo wuvae, panongu tsaqo ye ayeghi shekha kutólo wuvae.”

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

IBRIMI 1:6

Eno itaghi, kughou Alhou no pa Nu amsüu ayeghi lo süghi keno, pa no hitoi pi, “Alhou’w kungumiqo kümtsü pelo pa mülá pelo.”

IBRIMI 2:5

Alhou ye kungumiqo pelo, ningu no piakeu ghili, ti ighi niye akeu yeghiqha shou ayekipemi shipe niye anike kumoe.

Piyeküsü 14:6

Tile no kungumi kütau lakhi kunguu amlhü lo yewu chekeu I no ithulu, eno ayeghi lo shiye jeli, ashiaye jeli, atsa jeli piche kemiqo eno timi jeli xüküamiqo lau asheshu nike lhokta tsakiviu pa u lo pesü ake.

Piyeküsü 16:14

Tüghaküsa ghungu tipaqo ye amichipu kümlà shi chekeqo ke, eno panongu ye ayeghiqha kümtsü lo kükamiqo lau wu no Alhou Akughushuu tsalà kijè lo aghükishi ghenguno panongu hekütsü niye wuche ke.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.