MATTHEW 19:28 - Sümi Tiqhelimi Bible

²⁸ Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

BAIBEL (BSI)

²⁸ Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

Sumi Naga CL (Re-edited) Bible (BSI)

²⁸ Jisü no panoqo vilo pi, “Kuchou no I no nongu vilo piani, ayeghiqha kithe lo kughou Timi Nu no pa juküvü lakhü lo iqani keno, nongu I pape chekeqo ghi kükalakhü chighikini lo iqa no Israel shiaye chighikini shou küghathabe nani.

MATTHEW 19:28 ပူးပေါင်းရင်းမြစ်များ

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

MATTHEW 19:27

Peter no Jisü khochile, “Ningu ye O pape nike ghenguno kümtsü qhikhavae! Imaye ningu ghenguno tilehi kiu ithulu nani kea?”

MATTHEW 20:21

“No ye kiu avehupu shi ani kea?” ipi Jisü no iniju. Ikelo li no khochile, “O kükaphu ighi kelo I nu hi pama pelo lakhi no O u ajeu eno lakhi no O u piyiu ishi iqalupe kepu shi pulove tsülo.”

MATTHEW 25:31

“Kughou Timi nu no pa juküvü lono ighini eno kungumi kümtsü pa gholo ighini keno, pa ye pa juküvü küká lakhü lo iqa nani.

MATTHEW 6:33

Ikemu Alhou kükaphu eno pa chipiumikucho paghi phululo, eno thime hipaqo kümtsü nongu küphatsü nani ke.

MATTHEW 8:20

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

Mark 10:37

Pama no khochile, “O juküvü lo, nikujo lakhi pelo O u ajeu eno lakhi pelo O u piyiu ishi iqa pelo.”

Apostolmi 3:21

Alhou no khaghi no akimthemi tungkupumiqo vechewo piqhipüa keu toi Alhou no thowkha akithé shikitheve keu do ighi mphi kutólo pa ye kungugha lo ngo aghí moayesae.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

2 Peter 3:13

Ikemu Alhou no piqhipepüa keu toi ningu ye kungugha kithé eno ayeghi kithé khile achipiu mikuchomi no ngo cheni keno tipau khekulhoshi ani.

Piyeküsü 11:16

Eno sakiphemi muchomi mukubidi khunoqo no panongu küká lakhü lo Alhou zülo iqa akeno panongu no panongu gi pishiqho pesü qhoqhünhe no Alhou müla

Piyeküsü 12:1

Tisheno kungugha lo amichipu kijè lakhi ipeghi: eno totimi lakhi no khetsünhe usü ipeghi, li pukhu no aqhi nepe eno ayepu chighikini kütsükuqho lakhi no li kütsü lo ae.

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.

Piyeküsü 21:5

Aküka lakhü lo iqa akeu hu no ishi pi, “I no thowkha akithé shitsü anie!” Tisheno pa no I vilo hi ghí pi, “Hipau yè lo, kughengu atsa hipaqo ye pükhübekulupu eno kuchou ke.”

Piyeküsü 22:2

Akimthe Mishighünaw alaghila kijè mtá lo qowu ae. Aghoki hukukuu eno hikukuu küma lo aküxüpu süboqo ae, eno aküxüpu süboqo lo axathi ghuthu chighikini pithí ae, tiye aqhi lo ghuthu lakhi-khi pithí ake. Eno aküxüpu sübo nipaqo hu ye shiyeqo shipivi nikeu ghenguno ake.

Piyeküsü 22:5

Tilehi khilemu àküzǘ tsalà küha nani. Panongu ye akulu küvü momu khetsünhe küvü avehupu shimo nani, kughengu Ampeu Alhou no panongu küvü shive nani. Eno panongu no alhokupuju lono alhokupuju kutólo ayè pe anani.

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.

Piyeküsü 4:4

Aküka lakhü mukubidi kütau no aküka lakhü hu sühope ae, eno tilehi sakiphemi muchomi mukubidi no iqa ae. Panongu ye miyetsüghoi keu phimini pepua eno panongu kütsü lo ameshoyi no mülà keu aküka kütsükuqho ae.

Piyeküsü 7:4

Tisheno amichi pesü chishidave kemi kikihi I no chilu: Tiye Israel shiaye kümtsü küqha kelo 1,44,000 ke.