MATTHEW 17:3 - Sümi Tiqhelimi Bible

³ Paikhavi lono tilehi panongu zülo Moses ngò Elijah no ipeghino Jisü sasü küptsa akeu ithulu.

BAIBEL (BSI)

³ Tileno Muse ngo Elija pamano panoqo lau ipeghi puzu Jisu sasu kuptsake ithulu.

Sumi Naga CL (Re-edited) Bible (BSI)

³ Tileno Moses ngo Elijah pama no panoqo lau ipeghi eno Jisü sasü küptsa.

MATTHEW 17:3 ပူးပေါင်းရင်းမြစ်များ

MATTHEW 17:2

Tilehi panongu zülo no pa ye aju pekilive. Pa gi no khetsünhe küvü toi ithulu eno paw tiphimini no aküvü hutoi miyetsüghoive.

MATTHEW 17:4

Peter no Jisü vilo pi, “Ampeu, ningu ye hile ngo akeu pavi anie. Nono pulo aye, I no apushonha küthü mülà puku veni; lakhi no O ghenguno, lakhi no Moses eno lakhi no Elijah ghenguno shitsünie.”

Mark 9:4

Eno panongu zülo Elijah ngò Moses pama ipeghive püzü Jisü sasü küptsa ae.

Luke 1:17

Pa no Ampeu ghenguno paw timi kutò pe qhini ke Elijah gholo achekeu küká eno ghungu vechewo apùnoqo pelo panongu nuliqo lau amlotsüqhiyilu eno agholumo kemiqo pelo achipiu lokütsü lo ighilu penike Ampeu züu no wu nani.”

Luke 16:16

“John Baptiz kishiu kutólo ye Moses no süghi keu yeza eno Tungkupumiqo no pikeu tsaqo pesü asheshu ache. Tile no huthusü Alhou kükaphu tsakiviu pesü kütsü acheni, eno kümtsü no hile ilo nike anguka shi acheni.

Luke 24:27

Tisheno pa no Moses lono huthu no tungkupumiqo no Kuchoyesü lo pa ghili kiu pipüani keno pesü chixechilei pama vilo pitsü.

Luke 24:44

Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

Luke 9:33

Pama no Jisü qhive no wuve niye akelo Peter no Jisü vilo pi, “Ampeu, ningu ye hile ngo akeu pavi anie; ningu pelo apushonha küthü mülà puku pelo, lakhi no O sala, lakhi no Moses sala eno lakhi no Elijah sala.” (Peter ye pa no kiu pi akeno mthae.)

John 1:17

Kughengu ayeza ye Moses vechewo tsüke, ikemu küpükini ngò kuchou ye Jisü Khristo vechewo no ighike.