MATTHEW 17:27 - Sümi Tiqhelimi Bible

²⁷ “Ikemu panongu shikulosümo nike ghenguno, ayizükucho lo wulo eno akha kümsüpú yì lakhi vesülo. Akha atüghiu küghalu keu tipau kichí sükhoju aye tile ghükayi bidí aghí nani ke. Tipau ikhilulo eno I ghenguno ngò nongu ghenguno zame panoqo tsüvelo.”

BAIBEL (BSI)

²⁷ Ikemu timi hipaqo puxamoni keghenguno azughilo wupuzu akha kumsupu yi lakhi vesulo, eno akha musulu tughiu sunhephe puzu tipau kichi sukhoju aye tile pisa aghi nani; ike tipau ikhilulo eno ighenguno ngo nongu ghenguno Achineki suqha panoqo tsuvelo.”

Sumi Naga CL (Re-edited) Bible (BSI)

²⁷ Tishimu timi hipaqo püxa monike ghenguno azüghi lo wuno akha kümsüpuyi vesülo, eno akha müsülu tüghüu sünhephe no tipau kichi sükhoju aye nono pisa muno ithulu nani. Tipau ikhilu no I ghenguno ngo nongu ghenguno asüqha panoqo tsüvelo.”

MATTHEW 17:27 ပူးပေါင်းရင်းမြစ်များ

MATTHEW 17:26

“Kütamiqo lau noe,” ipi Peter no khochile. Ikelo Jisü no pa vilo pi. “Tishiaye anuliqo ye tsü pemo kepue.”

MATTHEW 18:6

“Timi khukhumu itimi kitilaqo toi I pülü chekemiqo pelo veqhive pe aye, timi tipaqo ghengu ye athì kütsüghǜ tuqu kijè keu pesü pano kuwo homüxa tshüve no azüghi kuthò lo vesüve keu no akiviu shive nanie.

MATTHEW 18:8

Tsalá O u momu O pukhu no O müsü sasü axiné shive pe aye, tipau ghithave no pevelo. O ghengu ye au kini momu apukhu kini xapusü alhomi lo vesüve akepu ye, aphi-au khoshe shive momu apukhu kighichemi shive no lhokta küxüpu lo ilove keu pavie.

MATTHEW 5:29

Tsalá O nhethi ajeu no O müsü sasü axiné shive pe aye, ti chixejo pe pevelo. O phimpi kuchopu pe amiyizü lo vesüve nike züqhulo O phi lo saje lakhi kühave keu pavi ke.

MATTHEW 5:30

Eno O u ajeu no O müsü sasü axiné shive pe aye, ti ghitha pe pevelo. O phimpi kuchopu pesü amiyizü lo ilove nike züqhulo O phi lo saje lakhi kühave keu pavi ke.

Mark 9:42

“Timi khukhumu I pülü chekemi itimi kitilaqo pelo veqhive pe aye, timi tipaqo ghengu ye athì kütsüghǜ tuqu kijè keu pesü pano kuwo homüxa tshüve no azüghi lo vesüve keu no akiviu shive nanie.

Mark 9:43

Tsalá O u no O müsü sasü axiné shive pe aye, ti ghithave lo. O u kinikujo xapusü khilemu inhemo keu miyizü lo ilove nike züqhulo O phi lo kupumovemu aküxüpu lo ilolu keu pavie.

Luke 17:2

Timi khukhumu hi kitilaqo gholo milakhi pelomu axiné lo ilove pe aye panongu kuwo homüxa athì kütsüghǜ tuqu tsüghave no ayizü lo vesüve keu pavie.

John 6:61

Pa papemiqo no hipau tsa lo nhenheshi akeu ithive püzü Jisü no panongu vilo pi, “Hiye nongu mlo shipüsava keshea?

Rommi 14:21

O thiküzümi momu O chelimi pelo püsükukhove pemo kepu shi ashi chumo momu aji yemo momu kütau kiu-kiumu shimo keu pavie.

1 Kor. 8:13

Tighenguno, I no kiu chu cheni keno tino I thiküzümi momu I chelimi pelo axiné lo ikiqi ilove pe aghí aye, ni ye khilemu akiniù ashi chumae, tishianguno I vechewo panongu pelo ikiqive pemo nike.

1 Kor. 8:9

Tishiepimu nongu no kiu shinishi keno shilu akeu vechewo miqemilei kemi pelo axiné lo ikiqive pemo nike kutokupui lo.

2 Kor. 6:3

Ninguw pichebekümlà pipüsa pemo niye ningu ye timi khuu ghengu nomu apukhu küpüsüpu shimoe.

2 Kor. 8:9

Kughengu nongu no ningu Mpeu Jisü Khristo’w küpükini ithi anike. Pa ye kiními shi anamu nongu ghengu kumlhomi shive ke, tishi keu lono pa thokha vechewo nongu pelo kiními shilu peniye ke.

1 Thes. 5:22

küsakügha jeli kümtsü milive lo.

James 2:5

I thiküzümi eno I chelimiqo, hi inilo: Alhou ye ayeghiqha nhethi lo khunoqo no athokhami keno panoqo pelo aküpülü lo kinikülü shi no khunoqo no pa kimiye cheni keno tipaqo lau akükaphu piqhipüa keu ighílu penike kishelu ke kumo keshea?