MATTHEW 16:27 - Sümi Tiqhelimi Bible

²⁷ Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

BAIBEL (BSI)

²⁷ Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

Sumi Naga CL (Re-edited) Bible (BSI)

²⁷ Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:27 ပူးပေါင်းရင်းမြစ်များ

MATTHEW 13:41

Timi Nu no paw kungumiqo puwu nani, eno panongu no paw kükaphu lono alupi nhüve nani eno titoi axiné lo ilove pe chekeu jeli eno khunoqo no küsakügha shi cheni keno kümtsü nhüve nani.

MATTHEW 13:49

Tihutoi ashekha ghuloki lo ghí tishive nani. Kungumi no ighino amikuchomiqo lau no küsaküghami küta shive nani

MATTHEW 24:30

“Tilehi kungugha lono Timi Nu akeu michipu ipeghi nani. Eno kughou Timi Nu atsütsǘ lo khüngküsü lono aküka eno ajuküvü kijè gholo no chekeu ithuluni keno, ayeghi lo timiqo kümtsü no qau khave nani.

MATTHEW 25:31

“Kughou Timi nu no pa juküvü lono ighini eno kungumi kümtsü pa gholo ighini keno, pa ye pa juküvü küká lakhü lo iqa nani.

MATTHEW 26:64

Jisü no khochile, “Nono ti pivae, ikemu I no nongu kümtsü vilo piani: Hinguno hilau ye nongu no Timi Nu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

MATTHEW 8:20

Jisü no khochile, “Aghalotsüqo ye ngo kepu tuki ani eno aghauqo ye apüsü anie, ikemu Timi Nu ye pa kütsü mükhü kepu-a ghí kühae.”

Mark 14:62

Ikelo Jisü no pi, “Tihu Ni ke! Eno nongu no Timi Nu hu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

Mark 8:38

Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”

Luke 21:27

Tipau ghuloki lo panongu no khüngküsü lo Timi Nu no aküka eno ajuküvü kijè lono ighi keu ithulu nani.

Luke 22:69

Ikemu hinguno hilau ye Timi Nu ye Alhou akughushuu u ajeu küdau küghüqave nani.”

Luke 9:26

Khuno no I ghenguno eno I tsape ghenguno kujomzani keno Timi Nu ghí kughou pa no pa juküvü, Apù juküvü eno akimthe kungumiqo juküvü lo ighini keno timi tipaqo je piphe tsümo nani.

John 21:22

Jisü no khochile, “Tsalá I no ideghimo ke kutólo pa pelo xüaghi penishi aye, no ye kiu shilo pi kepu ania? No ye I pape moayesae.”

John 21:23

Hi ghenguno, akhopeu hipau ye thimo nani ipi küpülümiqo dolo uyewu tsa kügha wove. Ikemu Jisü ye pa ye thivemo nani ipi pimoe; Jisü ye, “Tsalá I no ideghimo ke kutólo pa pelo xüaghi penishi aye, no ye kiu shilo pi kepu ania?” ipikeu likhi pike.

Apostolmi 1:11

Pama no ishi pi, “Galileemiqo, nongu ye kushiye hile puthugho no atsütsǘ lo ju ani kea? Jisü khuu nongu lau no kungugha lo sawuve akeno pa ye nongu no kungugha lo pa sawuve keu ithulu ketoi akiniù ideighi nani.”

Rommi 14:12

Ike ningu lüthü lakhi-khi no pütüta shélo Alhou lau kihikülai tsü kepu shi nani.

Rommi 2:6

Alhou no, “timi lakhi-khi no kiu mülà püani keno tipau kiqi lono tsüchile nani.”

1 Kor. 15:23

Ikemu hitoi küpasü ghi shi nani: Khristo no amsüu; tithiu no kughou pa no ideghini kelo paw timiqo xüputhu nani.

1 Kor. 3:13

tiye kiu keno panongu kümlà vechewo pìye nani, kughengu tipau Tsalá lono aküvü lo saipeghive nani. Tiye ami gholo no pephe-piye nani, eno ami no timi lakhi-khi kümlà meküa pitiju nani.

1 Kor. 8:8

Ikemu achuqupu vechewo ningu sasü Alhou lau kupunú ighilu chemoe; ningu no chumo aye ningu ye alhoküsau shive nike kumoe, eno ningu no chuve keu ghenguno akiviu shive anike kumoe.

2 Kor. 5:10

Ningu lüthü lakhi-khi no ayeghi phimpi hipau lo ache kelo akivi kümlà momu alhoküsa kümlà mülàpüa keu jume ithulu penike ghenguno ningu kümtsü Khristo küghakütha lakhü zülo ighi moayesa nani.

Ephesiami 6:8

kughengu panongu no aqüaxemi shi aghina momu kuqhopheve kemi shi aghí namu Ampeu ye panongu no kiu akivishi keno tipau ghenguno timi lakhi-khi qesaxu tsü nani kepi nongu no ithi anie.

Kolosiami 3:25

Khukhumu achipikumo shikeu ye panongu no achipikumo shikeu ghenguno lochile nani, kughengu Alhou ye agikuju shichemo ke.

1 Thes. 1:10

Eno nongu ye Alhou Nu akithí lono xüputhuve keu no kungugha lono ighi niye akeu lo kíshi khe ani keno panongu no ningu vilo pike. Alhou Nu Jisü ye Alhou’w küghakütha chekeu lono ningu xalu keu hu ke.

1 Thes. 4:16

Kughengu Ampeu ampi no ighamuku azah tsü ghi, kungumi atou sütsa eno Alhou ku akeu fuko küigha ghi kungugha lono ikighi nani eno Khristo pülü che no thive kemi paghi xüputhu nani.

James 5:7

Tishiaye athiküzümi eno achelimiqo, Ampeu ighimo ke kutólo kheakulu shilo. Alukichiu no kíshi ayeghi lo ameküa tüxatini lhoipeghi penike ghenguno kutuu ghi mütsü ngò tsülu tsütsüghuqo khe acheni keno julo.

1 Peter 1:17

Kughengu nongu no Apù khuu agi jumo no timi lakhi-khi shou xatha chekeu ku keu ghenguno, nongu no hilehi ake dolo inamiqo toi agigihu sükümsa lono xülo.

1 John 2:28

Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

Jude 1:14

Enoch khuu Adam lono tiqheli akütsüniu keno, pa no panongu ghili tungkupu tsa kütüghü pe püake: “Julo, Ampeu ye pa gholo paw akimthemi qhethonhe no qhethonhe küghüsü sasü

Piyeküsü 1:7

“Julo, pa ye khüngküsü shou no cheni,” eno “timi kümtsü no pa ithulu nani, pa qhuqhi pìthíve kemiqo ghí pa ithulu nani”; eno ayeghi lo timi jeli kümtsü no “pa ghenguno amloküsa shi nani.” Tishi nani pütsá ke! Amen.

Piyeküsü 2:23

I no li nuliqo ghüza pe pìthíve nani. Tishive aye akukuhouqo kümtsü no ni ye timi mlo eno akükümsü phuju chekeu hu ke ipi ithi nani, eno I no nongu kümlà kiqi lono nongu lakhi-khi lau qesaxu tsü nani.

Piyeküsü 20:12

Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.