MATTHEW 16:21 - Sümi Tiqhelimi Bible

²¹ Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

BAIBEL (BSI)

²¹ Tipani nguno Jisu no pa khopemi vilo tuchecheno ishi pithuve, “Niye Jerusalem lo wumasa eno Judami kichimi ngo achinetomi ngo Ayezah kukutsumi pelo aghime tsu-kepu shini cheni, eno ipithivepe nani eno akuthuni ixuputhuve nani.”

Sumi Naga CL (Re-edited) Bible (BSI)

²¹ Tipa ghuloki lono Jisü ye pa khopemi vilo tucheche pa ye Jerusalem lo wuno kichimi eno achinetomi ngo Ayezah shikükami u lono ime masa keu, eno pithive no aküthüni no xüthughini keu vehu pithuve.

MATTHEW 16:21 ပူးပေါင်းရင်းမြစ်များ

MATTHEW 12:40

Kughengu Jonah no pucho tsalà küthü eno putho tsalà küthü akha kuloghi kive lo ngove ketoi, Timi Nu ghí pucho tsalà küthü eno putho tsalà küthü ayeghi pola lo ngo nani.

MATTHEW 16:22

Peter no Jisü ku sasü ayixeu wu püzü pa lomipi ghi ishi pi, “Ampeu, tishimoe, khilemu O lau tishi pemo nani.”

MATTHEW 16:28

“Kuchou no I no nongu vilo pìní, I gholo akemi dolo khami ye Timi Nu kükaphu ithulu mphi züu ye akithí michemo nani.”

MATTHEW 17:12

Ikemu I no nongu vilo pìní, Elijah ye ighivea kemu panongu ye pa jukimchi mülave, ikemu panongu no pa shou shinishi chekeu kümtsü shiluvae. Tihutoi Timi Nu ghí panongu u lono imeni chenie.”

MATTHEW 17:9

Panongu no naghuto lono iqi che kelo, Jisü no panongu vilo ishi azah tsü, “Timi Nu no akithí lono xülethuve mphi kutólo, nongu no kiu ithulu keno khuu vilomu pi kevilo.”

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

MATTHEW 26:2

“Nongu no ithi akeu toi, Hechekulu ghulhu shini keu atsala kini likhivea eno Timi Nu küghape yeda pìthíve penike ikhiphe pe tsüve nani.”

MATTHEW 26:47

Jisü no atsa piaphi lono Chighikini dolo lakhi Judas ipikeu ighive. Pa gholo achinetomi ngò kichimiqo no puwu kemi timi kutomo no akihizüta eno asüthaluqo khapesü ighi khave.

MATTHEW 27:12

Kughou achinetomiqo eno kichimiqo no pa nguku ghi iniju keno, Jisü ye kiumu khochilemoe.

MATTHEW 27:63

Panongu no pi, “Akijeu, ningu no kümsülu akeu ye, timi pishikiqhiu hupau no xüakelo, ‘atsala küthü thiu ni ye xülethuve nani,’ ipi ake.

MATTHEW 28:6

Pa no pipüa keu toi, pa ye hilehi kühae; pa ye xülethuvae. Ighino khilehi pa sükumo qhipüa keno julo.

Mark 8:31

Tisheno Jisü no akhopemiqo vilo Timi Nu ye aghime jeli ithulu moayesa keu eno kichimi, achinetomi eno ayeza kükütsümiqo no pa milive nikeu eno pa ye pìthíve moayesa nikeu eno atsala küthü thiu ye xülethuve nikeu pesü kütsüe.

Mark 9:12

Jisü no khochile, “Kuchou no Elijah paghi ighi püzü thowkha kümtsü kutò pe qhive ke. Tishimu kushiye Timi Nu ye shishe ghimeqhi eno jukünathave moayesa keu shi yèpüani kea?

Luke 17:25

Ikemu pa ye atüghishi shishe ime moayesa nani eno hipau tiqhelimi pelo pa milive pe nani.

Luke 24:46

Pa no panoqo vilo pi, “Kiu yèpüani keno tiye hike: Messiah ye ime nani eno aküthüni ye akithí lono xüchilethuve nani,

Luke 9:31

Jisü ye idewo püzü Jerusalem lono Alhou pulou shikupu niye akeu ghili panongu no küptsa ake.