MATTHEW 16:16 - Sümi Tiqhelimi Bible

¹⁶ Simon Peter no khochile, “No ye xü akeu Lhou Nu Messiah ke.”

BAIBEL (BSI)

¹⁶ Simon Pitor no ishi khochile, “Noye xuakeu Lhou nu Mesiya ke.”

Sumi Naga CL (Re-edited) Bible (BSI)

¹⁶ Simon Peter no khochile, “No ye aküxüpu Lhou nu Messiah ke.”

MATTHEW 16:16 ပူးပေါင်းရင်းမြစ်များ

MATTHEW 1:16

eno Joseph ye Jacob nu Mary kimi, eno Mary ye Jisü khuu Messiah ipi ku cheni keno pazá ke.

MATTHEW 14:33

Ikelo akhopemi ashuka lo akeqo no pa sheqhe ghi ishi pi, “Kuchou no no ye Alhou Nue.”

MATTHEW 16:15

“Imaye nongu ye kíshi kea? Nongu ye, ni pesü khuu ipi cheni kea?” ipi pa no iniju.

MATTHEW 26:63

Ikemu Jisü ye inaqhoi ngove. Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”

MATTHEW 27:54

Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

MATTHEW 4:3

Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo pilo.”

Mark 14:61

Ikemu Jisü ye inaqhoi ngo auve eno kiumu khochilemo. Itaghi achinetomiqo shou atou no pa vilo iniju, “No ye Messiah, kükümgha Nu Lakhi hu keshea?”

Luke 2:11

Ishí tsalà lono David’w mishiphu lo nongu lau xakuluu lakhi punúvae, pa ye Messiah, Ampeu ke.

John 1:49

Ikelo Nathanael no asheshu ghi ishi pi, “Rabbi, no ye Alhou Nu ke; no ye Israel kükau ke.”

John 11:27

Li no khochile, “Iyei, Ampeu, no ye Messiah, Alhou Nu, khuu ayeghi lo ighi niye shi akeno tipau ke ipi I no pülü anie.”

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 6:57

Xü akeu Apù no I puwu eno Apù vechewo I no xü ake toi, khuu no I no lojí keu chuni keno pa ye I vechewo xülu nani.

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

John 6:69

No ye Alhou’w Akimtheu Lakhi kepi ningu no ithivea eno pülüluvae.”

Apostolmi 14:15

“Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Apostolmi 8:36

Pama no alà lo kicheghüzü shiche kelo, azü akeu-a lo ighi eno shokou no ishi pi, “Julo, hile azü ani. I no baptiz shini keu lo kiu no lakha kepu ani kea?”

Apostolmi 8:37

Philip no pi, “Tsalá nono O mlo kümtsü pesü pülü aye tishilo.” Shokou no khochile, “Jisü Khristo ye Alhou Nu kepi I no pülü ani.”

Apostolmi 9:20

Pa ye paikhavi lono synagog lo Jisü ye Alhou nu kepi kütsü thuve.

Rommi 1:4

eno Alhou nu kepi pephe-piye nike ghenguno pa ye Aghungu Kimthe küká vechewo akithí lono xülethuve ke: tiye ningu Mpeu Jisü Khristo ke.

2 Kor. 1:19

Kughengu Silas, Timothy eno I vechewo Alhou Nu Jisü Khristo ghili nongu lau kütsü keu hu ye “Iye” eno “Moe” kinikujo pichemoe, ikemu Alhou lau no alhokuthu lono “Iye” ipi cheni.

2 Kor. 3:3

Nongu ye ninguw pichebekümlàw visavili ke eno Khristo lau no ighi keu yèsü lakhi kepi pìye ani. Yèsü tiye akiyezü no yèpüamoe ikemu xü akeu Lhou Ghungu no yèpüani eno tiye atu lipha shou kumo no timi mlo liphaqo lo yèpüani ke.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

1 Thes. 1:9

kughengu timi tipaqo ampi no ningu no nongu lau ighi kelo nongu no kíshi ningu ikhilu eno sasü tsü keno piakhani ke. Panongu no ningu vilo nongu ye ajulho lhou lau no kíshi kuchou eno xü akeu Lhou qe nike ghenguno tsüghǜ sü ighive keno ningu vilo pike.

1 Tim. 3:15

I no munuve aye nongu pelo timi ye kíshi Alhou ki lo panongu likhi panongu süqeghili pephe-piye moayesa keno ithi peniye ke. Kughengu Alhou ki ye xü akeu Lhou kukuhou, atsükucho eno kuchou boqha ke.

1 Tim. 4:10

Tighenguno ningu ye mülà acheni eno pükapütsa acheni, kughengu ningu ye xü akeu Lhou shou ninguw lajupu qhivea ke. Pa ye timi kümtsüw Xakuluu ke, eno akhotoshi pülü chekemiqow Xakuluu ke.

IBRIMI 10:31

Xü akeu Lhou u lo ikiqive nikeu ye kümsakimshipu lakhi ke.

IBRIMI 12:22

Ikemu nongu ye Zion naghuto, xü akeu Alhou’w mishighüna, kungugha Jerusalem lo ighivea ke. Nongu ye kungumi qhethonhe shou qhethonhe no alokiqipu shi kumqo pe akeu lo ighivae,

IBRIMI 3:12

Athiküzümi eno achelimiqo, kutokupui lo, nongu gholo milakhi nomu axiné ngò pülü müla keu mlo xapu aghí no xü akeu Lhou lau no tsüghüsü wuve nosake.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

1 John 4:15

Tsalá khukhumu Jisü ye Alhou Nu kepi ikhilu aye, Alhou no panongu lolo xü cheni eno panongu no Alhou lolo xü acheni.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

1 John 5:5

Ayeghiqha theqhilu chekeu hu ye khuu kea? Khunoqo no Jisü ye Alhou Nu kepi pülü cheni keno tipaqo ke.

Piyeküsü 7:2

Tipathiu kipelau no kungumi kütau ipeghi keu I no ithulu, pa ye xü akeu Lhou’w chishida kepu pesü ae. Pa no asütsa kuloghi lono ayeghi ngò azüghi shipüsa peniye aküka tsüpüa keu kungumi pano bidí vilo ishi pi: