MATTHEW 15:36 - Sümi Tiqhelimi Bible

³⁶ Tisheno pa no ashopa tsünì eno akha ikhilu, eno kughou pa no Alhou shikimthive keno, pa no tipaqo süpho eno akhopemiqo tsü, eno akhopemiqo no timiqo kijé tsü.

BAIBEL (BSI)

³⁶ Pano ashopa tsuni eno akha ngo ishi ikhipesu Alhou shikimthi puzu tipaqo suphono pesu pa khopemiqo tsu eno akhopemino tipaqo pesu timiqo jetsu.

Sumi Naga CL (Re-edited) Bible (BSI)

³⁶ pa no ashopa tsüni eno akha ikhipe shikimthi tsüno süphope pa khopemi tsü, eno akhopemi no tipaqo pesü aqokitikhi tsüe.

MATTHEW 15:36 ပူးပေါင်းရင်းမြစ်များ

MATTHEW 14:19

Eno pa no timiqo pelo atsüni shou iqave penike kichetsü. Ashopa pungu eno akha kini ikhiluve no atsütsǘ lo jupuku püzü shikimthi tsü no asho süphoe. Tisheno pa no akhopemiqo tsü eno akhopemiqo no tipaqo pesü timiqo kijé tsü.

MATTHEW 15:35

Pa no timi aqokitikhi vilo ayeghi lo iqavelo ipi.

Luke 22:17

Tisheno Jisü no ajikhu ikhilu no shikimthi tsü ghi pi: “Hi ikhilu no nongu dolo kijélu lo.

Luke 22:19

Tisheno, pa no asho ikhilu no shikimthi tsü püzü süpho pe panongu tsü ghi pi, “Hiye I phimpi nongu ghenguno tsüve keu ke. I kümsüchilelu ghi hi shichelo.”

Luke 24:30

Kughou pama gholo alibe chu niye iqa keno Jisü no asho ikhilu eno shikimthi Alhou tsü no asho süpho püzü pesü pama tsüe.

John 6:11

Tisheno Jisü no asho ikhilu, shikimthi tsü, eno iqa akemiqo no chunishi ke thaqhü kijé tsü. Hitoi akha ghí kijé tsü.

John 6:23

Ampeu no shikimthi keu tsü püzü timiqo no asho chuve keu-a phivilo Tiberias lono ashukaqo hami ighi.

Apostolmi 27:35

Pa no hi pive kethiu, asho hami ikhilu eno panongu kümtsü gizü lono pa no Alhou shikimthi tsü. Tisheno pa no asho süpho no chu thuve.

Rommi 14:6

Khuno no atsala hami ye akimchi kepi ikhilu cheni keno panongu ye Ampeu gihu ghi ikhilu cheni. Ashi chu chekemi ghí Ampeu gihu ghi chu cheni, kughengu panongu no Alhou shikimthi tsü cheni; eno ashi chu chemo kemi ghí Ampeu gihu ghi ashi le cheni, kughengu panongu ghí Alhou shikimthi tsü cheni.

1 Kor. 10:31

Ike nongu no chuna shona momu kiu-kiu shi namu, kümtsü Alhou juküvüpu ghenguno shilo.

1 Kor. 14:16

Tishimo aye nongu no Aghungu lono Alhou sheqhe akelo kuchou phu chekemiqo ye kíshi no nongu no shikimthi tsü akeu lo “Amen” ipilu nani kea, kughengu panongu ye nongu no kiu piani keno mtha ke?