MATTHEW 15:14 - Sümi Tiqhelimi Bible

¹⁴ Panoqo püna kevilo; panongu ye anhethi iche kemi sakiphemiqo ke. Tsalá anhethi kighichemi no anhethi kighichemi saphe aye, kinikujo aqò lo ikiqi ilove nani.”

BAIBEL (BSI)

¹⁴ Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

Sumi Naga CL (Re-edited) Bible (BSI)

¹⁴ Palokuto lo; panongu ye anhethi kighiche lapiyemi ke. Anhechemi no anhechemi saphe aye, pama kinikujo aqo lo ilove nani.”

MATTHEW 15:14 ပူးပေါင်းရင်းမြစ်များ

Luke 6:39

Pa no kimghi pìye keu hi ghí panongu vilo pi: “Anhethi kighichemi ye anhethi kighichemi saphelu nani keshea? Pama kinikujo aqò lo ikiqi ilovemoni keshea?

John 9:39

Jisü no pi, “Küghatha nike ghenguno ni ye ayeghi hipau lo ighike, tishianguno anhethi kighichemi pelo ithulu pe eno ithulu akemi pelo anhethi kighichemi shive peniye ke.”

1 Tim. 6:5

eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

2 Peter 2:1

Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

2 Peter 2:17

Timi hipaqo ye azü küha keu züpuki ke eno pasapagha no akimhi fupe wuve ketoi ke. Panongu ghenguno àküzǘ kuthò ghüpe püani.

Piyeküsü 19:20

Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Piyeküsü 22:15

Akimthe Mishighüna khalau ye atsǜqo anie; tipaqo ye kuduu shi chekemiqo, kipito kimthe kumo, hekiqhimi, ajulho mülá chekemiqo eno khunoqo no kichileu kimiye no kichileu kümlà shiche keno tipaqo ke.