MATTHEW 13:19 - Sümi Tiqhelimi Bible

¹⁹ Khukhumu akükaphu kükütsü sütsa ghili chilu no tipau vethalumove kelo, küsaküghau no ighino kiu amlo lo xusü püani keno süxa pesü wuve cheni. Hiye apitì alaphe lo xusüve keu kiqi ke.

BAIBEL (BSI)

¹⁹ Khunoqono Ayehkipe sutsa chilu puzu ti ithikuthumo nikeno tipanoqoye alalo apiti vesulu kemiqoe. Alhoksau huno ighi puzu tipanoqo mlolo apiti vesupuakeu muxa suwuve cheni.

Sumi Naga CL (Re-edited) Bible (BSI)

¹⁹ Kughou khuana no Ayekipe Tsa chilu püzü ithikuthu moveni keno, alhoksau no ighi no pa mlo lo yisü mlano akeu piti süxape wuve cheni. Hi no khikhi alaphe lo vesülu keno apiti huke.

MATTHEW 13:19 ပူးပေါင်းရင်းမြစ်များ

MATTHEW 12:26

Tsalá Satan no Satan haphe aye, pa ye pa likhi pa kijethave anie. Tishiaye pa kükaphu ye kíshi püzü puthugholu nani kea?

MATTHEW 13:20

Apitì atusaye yeghi shou ikiqi iku keu ye khunoqo no Alhou tsa chilukhavi alokivishi ikhilu keno tipaqo ke.

MATTHEW 13:38

Alu ye ayeghiqha ke, eno apitì kivi ye kükaphu lo timiqo ke. Alupiqo ye küsaküghamiqo ke,

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

MATTHEW 5:37

Nono pi kepu shi akeu ye ‘Iyei’ momu ‘Moe’ likhi ke; kiu-kiumu hinguno alau ye küsaküghau lau no ighi cheni ke.

Mark 4:15

Timi khami ye alaphe lo apitì ikiqi iku keu toi Alhou tsa vesü ke. Ikemu panongu no Alhou tsa chiluve kemtsa, Satan no ighino Alhou tsa panongu lolo vesü püakeu ikhipe wuve cheni.

Luke 10:9

Küsükinimi tile akeqo shipivi lo eno panongu vilo pilo, ‘Alhou kükaphu ye nongu lau kupunú ighivae.’

Luke 9:2

eno pa no Alhou kükaphu ghili pesü asheshu eno küsükinimi shipivi penike panongu puwue.

John 18:38

Pilate no müghachhoi iniju, “Kuchou ye kiu kea?” Hipathiu pa no itaghi khalau Jewmi kumqo pe akemiqo lau ipe no pi, “Ni ye pa ngukube eno lachile kulupu kiumu phulu amoe.

John 8:43

I tsa ye nongu ghenguno kushiye mütsümisheimo kea? Tiye nongu no I no kiu piani keno ini nishimo keu ghenguno ke.

Apostolmi 17:32

Kughou kithimi xülethu keu tsa panongu no chilu keno, khami no pa junuqhi, ikemu khami no ishi pi, “Ningu ye hipau vehu itaghi O lau no chilu nishi anie.”

Apostolmi 18:15

Ikemu hiye atsa, aje eno nongu likhi nongu yeza ghili iniju kilé akeu vehu ke nongu likhi nongu no xathaluve lo. Ni ye hikithipu vehu küghatha tsümlae!”

Apostolmi 20:25

“I no ithi anie, nongu khunoqo gholo I no Alhou kükaphu ghili pesü asheshu ache keno, hinguno hilau ye khilemu I ju ithulu kithe müla nani.

Apostolmi 28:23

Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.

Rommi 1:28

Tinguno alau, panongu ye Alhou ghili ithi nikeu ameküapu shi kümsümoe, ikehu Alhou no panongu ikhiphe pesü pano kükümsü lhoküsa lo tsüve no panongu ye kiu shimo kepu keno tipau shi acheni pe ke.

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 2:8

Ikemu khunoqo no alikhi asala phu cheni eno khunoqo no kuchou milive no küsakügha pape cheni keno, Alhou loghu eno aghakighide panongu shou anani.

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

2 Thes. 2:12

eno tishi keu vechewo kuchou pülümo no küsakügha kümlà shini keu lo alokiqishi chekemi kümtsü kiléqhive niye ke.

IBRIMI 2:1

Ningu fupe wuve pemo nike ghenguno ningu no kiu chiluvea keno tipau lo ningu ye ighono amlotsüqhiyi moayesae.

1 John 3:12

Cain toi shi kevilo, pa ye küsaküghau laumi lakhi shi no pa thiküzüu ghiqhive ke. Eno pa ye kushiye pa thiküzüu ghiqhive kea? Kughengu pa likhi pa kümlà no küsakügha ke eno pa thiküzüu kümlà ye amikucho ke.

1 John 5:18

Ningu no ithi akeu no khukhumu Alhou nuli shiluve kemi ye axiné shiauve chemoe; Timi khuu no Alhou nuli shiluvea keno tipaqo ye süsho pe qhive cheni, eno küsaküghau hu ye panongu shipüsa müla nani.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.