MATTHEW 12:18 - Sümi Tiqhelimi Bible

¹⁸ “Hiye khuu I no kishelu keno I qeu ke, I no kimiye chekeu, pa shou I mlokiqi acheni; I no I ghungu pa shou puku nani, eno pa no achipiu xakütha pesü shiyeqo lau asheshu nani.

BAIBEL (BSI)

¹⁸ “Julo, ino kisheluvekeu iqeu, Ino qhuivulai chekeu, pa shou imlo kiqi acheni. Ino pa shou iGhungu betsu nani, Pano Ashiayeh jeliqo vilo iwu kughakutha sheshu tsu nani.

Sumi Naga CL (Re-edited) Bible (BSI)

¹⁸ “I qeu khuu I no kishephe keno I ngulho no jupe amloqi chekeu, I qhuu julo. I no I ghungu pa shou lepukutsü nani, pa no Iw kuchou xakütha pesü shiyeqo lau sheshu nani.

MATTHEW 12:18 ပူးပေါင်းရင်းမြစ်များ

MATTHEW 12:17

Hipau shikeu ye Isaiah tungkupu vechewo kiu pipüa keno shikupu niye ke:

MATTHEW 17:5

Peter no piaphi lono, khüngküsü vüqai keu no panongu küzüpholuve, eno khüngküsü lono asütsa lakhi no ishi pi, “Hiye I Nu, I no kimiye chekeu ke; pa lau I lokiqi acheni. Pa no pikeu inilo!”

Mark 1:11

Eno kungugha lono asütsa lakhi ishi pi: “No ye I nu, I no qhuivü chekeu ke; O shou I mlokiqi achenie.”

Mark 9:7

Tishi kemtsa khüngküsü ipeghino panongu küzüpholuve, eno khüngküsü lono asütsa lakhi ighi: “Hiye I nu I no kimiye chekeu ke. Pa gholulo.”

Luke 23:35

Timiqo ye puthugho pe jukutoa, eno ayekipemiqo no pa thaigha junua. Panongu no pi, “Pa ye kütami xalu ke; tsalá pa no Alhou’w Messiah, Kisheluve keu Lakhi shi aghí aye pa likhi pa xalu pelo.”

Luke 3:22

eno Aghungu Kimthe ampi no miqhedu lakhi toi ighino pa shou iku ngove. Eno kungugha lono asütsa lakhi ighi: “No ye I no qhuivü chekeu, I nu ke; O shou I mlokiqi achenie.”

Luke 4:18

“Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

Luke 9:35

Khüngküsü lono asütsa lakhi ighino ishi pi, “Hiye I nu, I no kisheluve keu ke; pa tsa inilo.”

John 3:34

Kughengu Alhou no khuu puwu keno pa ye Alhou tsa pi cheni, kughengu Alhou ye kihikütha küha no Aghungu tsü cheni.

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Ephesiami 1:6

hiye pa juküvüpu küpükini khikhi pa no kümsá no pa no kimiye chekeu Anu vechewo ningu tsü keu sheqhe peniye ke.

Kolosiami 1:1

Ni Paul, Alhou pulou vechewo Khristo Jisü’w apostolmi lakhi, eno ningu thiküzüu Timothy no,

Kolosiami 1:13

Kughengu pa no àküzǘ kükaqha lono ningu xaphelu no pa no kimiye chekeu Nu kükaphu lo ningu sasü ighike,

1 Peter 2:4

Nongu no pa lau ighi. Pa ye aküxüpu Tu ke. Aküxüpu Tu ye timiqo no milive ke ikemu Alhou no pa kishelu eno pa ye Alhou ghenguno akughupu ke.

2 Peter 1:17

Kughou Akükanguagha Juküvü lono pa lau asütsa ighino, “Hiye I Nu, I no kimiye chekeu ke; pa lau I lokiqi acheni,” ishi pi keno tile no pa ye Apù Alhou lau no agigihu eno ajuküvü ithulu ke.